Os días 24 e 25 de novembro, terá lugar no Centro de As Corcerizas, as I XORNADAS de “INICIACIÓN Á MICOLÓXIA E BOAS PRÁCTICAS NO MONTE”.

Organizadas por AMIGOS DA TERRA en colaboración con Juan José Martínez Álvarez, profesional da materia e presidente da Asociación Micolóxica Os Cogordos, esta xornada, subvencionada polo Departamento de Medio ambiente do Concello de Ourense, vai dirixida a todas aquelas persoas que estean interesadas en achegarse ao mundo da micoloxía.

Saídas á serra polos arredores das instalacións, recollida e identificación dos cogomelos, obradoiro de cociña…, será unha agradable fin de semana, anímate!!

Información e reservas:
988 374 318
info@ascorcerizas.com

Persoa de contacto: Rebeca

INFORMACIÓN AMPLIADA DA XORNADA

A fin de semana do 24-25 de outubro, no Centro de Educación Ambiental As Corcerizas, celebrouse o I Curso de Iniciación á Interpretación do Patrimonio, que acolleu a 20 participantes.

Contamos coa colaboración de Fernando Ramos, e Antón Lois e Susana Soto (Cooperativa Teixugo), que mediante diferentes dinámicas como son a realización de paneis interpretativos, estructuración, exposicións, prácticas de guiado de grupos, etc., mostráronnos novas técnicas e recursos interpretativos que nos serven na vida cotiá, e na nosa profesión.

Todo esto, acompañado dunha soleada fin de semana, os cantares diante da chimenea, xantares ecolóxicos que deixaron a todo o mundo sorprendido, e como non, o maravilloso entorno natural da serra, formou un ambiente participativo e agradable entre os/as participantes.

Parabens aos/ás novos/as intérpretes e á organización

¡¡¡ Vémonos no de perfeccionamento !!!!!

se queres percibir o mundo vivo mediante os cincos sentidos,
se queres interpretar os indicios de presencia da fauna e descubrirla,
se queres coñecer a vida natural da Serra de San Mamede…

Autor da Fotografia: Juan Ignacio Díaz da Silva

…ven a As Corcerizas o 11 de novembro e participa da actividade de Rastros e Sinais da Fauna, alí terás a oportunidade de aprender novos coñecementos e desenvolver as túas propias habilidades.

[Ampliar Información]

O vindeiro 27 e 28 de outubro, terá lugar no Centro de As Corcerizas, o curso de INICIACIÓN Á INTERPRETACIÓN DO PATRIMONIO organizado pola Cooperativa Teixugo e Amigos da Terra

Impartido por Antón Lois, Fernando Ramos e Susana Soto, profesionais de recoñecida experiencia, este curso preséntase coma unha ferramenta de alto valor para todas aquelas persoas que estean interesadas en achegarse ao mundo da interpretación.

Actividades prácticas, análise doutras experiencias e saidas á serra polos arredores das instalacións, completarán os contidos teóricos do curso.

Non deixes pasar esta oportunidade!!

Información e reservas:
988 374 318
info@ascorcerizas.com

INFORMACIÓN AMPLIADA DO CURSO

Amigos da Terra arrinca esta semana a II edición do Programa de educación ambiental para escolares Sentir, Coñecer, Actuar.

A Delegación Provincial de Ourense da Consellería de Medio Ambiente e Desenvolvemento Sostible, apoia e subvenciona novamente este programa que xa o ano pasado beneficiou a máis de 300 escolares da provincia de Ourense.

Actividades sobre enerxías renovables, residuos, cooperación, coñecemento do medio, conservación, música e medio ambiente… encherán de contido e experiencias prácticas os 5 programas ofertados:

• Unha aposta contra o cambio climático
• A música das montañas galegas: música e medio ambiente
• Roteiros interpretativos ambientais e etnográficos
• Medio ambiente e cooperación ao desenvolvemento
• O valor dos nosos recursos: programa para escolas rurais unitarias

Esta 2º edición incorpora como novidade a ampliación do nº de participantes: 30 para a actividade de música e medio ambiente e 40 para o resto das xornadas.

Xa están abertas as listas de participación. Non vos demoredes, as prazas son limitadas!!

Información ampliada do programa: Sentir, Coñecer, Actuar