Vémonos na Serra!

Nova web: www.ascorcerizas.com
Novas Ligazóns RSS:

• RSS Novas
• RSS Comentarios

O seminario está destinado a todas aquelas asociacións, empresas, administración e calquera entidade ou persoa en xeral vinculada coa educación ambiental, a comunicación e/ou o eido do cambio climático.

Contidos:

Interpretación do cambio climático dende a sociedade
A educación ambiental como alternativa para o cambio
Análise e pensamento crítico. Publicidade e cambio climático
Parches ou solucións? Agrocombustibles
Cambio climático e illas de calor urbanas: impacto globais vs efectos locais
Cidades en transición
Iniciativas fronte ao cambio climático en Galicia

Poñentes: Pablo Meira (USC), Centro tecnológico Labein Tecnalia, Faimevi (Fundación Axencia Intermunicipal de Enerxía de Vigo), Verdegaia, CEIDA (Centro de Extensión Universitaria e Divulgación Ambiental de Galicia), MeteoGalicia (Consellería de Medioambiente, Territorio e Infraestruturas), Amigos da Terra.

Prezo: 25 € para socios/as e 30 € para o resto de participantes. Inclúe desprazamento dende Ourense, aloxamento, e alimentación ecolóxica local e comercio xusto, na medida do posible.

Programa:  Comunicación e Educación Ambiental como ferramentas para o cambio

Ficha de inscrición: Formato odt, Formato pdf, Formato doc

Será unha xornada onde combinaremos a parte teórica coa saída práctica ao monte para adquirir e afianzar, uns coñecementos básicos e necesarios para disfrutar dunha actividade saudable e evitar moitos perigos por intoxicacións que se producen habitualmente. Tamén nos servirá para recoñecer as setas e os fungos máis atractivos para a nosa gastronomía, e pasar un agradable e satisfatorio día.

O albergue de As Corcerizas estará dispoñible dende o día 24 de outubro para todas as persoas que estean interesados/as en comezar a disfrutar do encanto da serra antes da xornada micolóxica.

Programa:
Contidos das xornadas:
·    Información sobre fungos e boas prácticas no monte.
·    Recollida e recoñecemento por xénero, especie e hábitat, in situ.
·    Realización dunha ficha técnica.
·    Exposición dos fungos recollidos.

Non esquezades:
·    Guía de campo.
·    Navalla.
·    Cestiña ou caixa para levar os cogomelos.
·    Xantar.

Lugar e Horarios:
·    25 de outubro con inicio da xornada ás 11:00 da mañá.

Inscricións:
·    Nº de prazas: 30
·    Prezo da xornada micolóxica: 10 €

Concepto do ingreso: “ Xornadas de Micoloxía”

Ficha inscrición

O seminario está dividido en dúas partes, relacionadas pero independentes entre si, que darán resposta ao plantexamento: Ante o cambio climático,

Que podemos facer na nosa vida cotiá?. Parte I Accións prácticas para o cambio

Bioconstrución, enerxías, residuos, alimentación e transporte, son temas que trataremos dende a práctica; capacitándonos dende xa para iniciar o cambio cara un modelo de vida máis sustentable e coherente

Como podemos comunicalo e incidir eficazmente na sociedade?. Parte II. Educación ambiental e comunicación como ferramentas para o cambio

As accións individuais son importantes, pero non suficientes; sen unha educación e comunicación que incida na sociedade, non será posible unha transformación real do modelo.

ACCIÓNS PRÁCTICAS PARA O CAMBIO

Datas: 28 – 29 de Novembro de 2009.

Destinatarios/as: público xeral

Duración: O seminario dará comezo o sábado ás 10:00 horas e rematará o domingo ás 18:00 horas.

Está prevista a acollida dos/as participantes a noite do venres

Contidos:

Enerxía: Visita interpretativa ao equipamento de As Corcerizas

Accións prácticas para o cambio. Visión práctica das enerxías renovables en Galicia

Resíduos: A onde van os meus residuos?

Accións prácticas para o cambio. Compostaxe e vermicompostaxe

Bioconstrución e hábitos domésticos: Medidas aforro e eficiencia enerxética. Respecto polo medio e a saúde

Accións prácticas para o cambio. Merezo un fogar verde!

Alimentación, agrocombustibles e cambio climático: Encarando o cenit do petroleo. Decrecemento

Accións prácticas para o cambio. Mobilidade e condución eficiente; rodar con aceite; alternativas locais para o consumo consciente e responsable

Ponentes: Faimevi (Fundación Axencia Intermunicipal de Enerxía de Vigo), Empresa Montaxes Lagoa – enerxías renovables, Asociación Véspera de Nada, grupos de consumo responsable/consciente de Galicia (Zocamiñoca, Eirado, Semente), Amigos da terra.

Programa: Accións prácticas para o cambio

EDUCACIÓN AMBIENTAL E COMUNICACIÓN COMO FERRAMENTAS PARA O CAMBIO DE HÁBITOS E ACTITUDES

Datas: 31 outubro – 1 de Novembro de 2009

Destinatarios/as: asociacións, empresas, administración e calquera entidade ou persoa en xeral vinculada coa educación ambiental, a comunicación e/ou o eido do cambio climático

Contidos:

Interpretación do cambio climático dende a sociedade

A educación ambiental como alternativa para o cambio

Análise e pensamento crítico. Publicidade e cambio climático

Información oculta na comunicación escrita

Parches ou solucións ante o cambio climático? Agrocombustibles

Cambio climático e illas de calor urbanas: impacto globais vs efectos locais

Cidades en transición

Iniciativas fronte ao cambio climático en Galicia

Ponentes: Pablo Meira (USC), Centro tecnológico Labein Tecnalia, Faimevi (Fundación Axencia Intermunicipal de Enerxía de Vigo), Verdegaia, CEIDA (Centro de Extensión Universitaria e Divulgación Ambiental de Galicia), MeteoGalicia (Consellería de Medioambiente, Territorio e Infraestruturas), Amigos da terra.

Programa: Educación Ambiental e Comunicación como ferramentas para o cambio de hábitos e actitudes

INSCRICION: O prazo de inscrición da comezo o 6 de outubro e remata 3 días antes do inicio de cada parte do Seminario (28 de outubro e 25 de novembro respectivamente). O número de plazas é limitado.

Prezo: 25 € para socios/as e 30 € para o resto de participantes, por cada parte. Inclúe desprazamento dende Ourense, aloxamento, e alimentación ecolóxica local e comercio xusto, na medida do posible. O prezo conxunto dos dous seminarios é 50 €

Envía a túa ficha de incrición a:

info@ascorcerizas.com

Fax: 988 51 10 20

Dirección postal: Rúa Concordia nº20, 2ª esq. 32003 Ourense

Ficha de inscrición: Formato odt, Formato pdf, Formato doc

Os/as participantes, chegados de distintos puntos da xeografía española como Madrid, Bilbao, Ciudad Real entre outros, valoraron moi positivamente tanto a profesionalidade como o trato do equipo de As Corcerizas á hora de impartir as diferentes clases teóricas e obradoiros, e por suposto, a calidade dos coñecementos aprendidos nos mesmos.

Deste xeito, As Corcerizas, vaise consolidando tamén como un centro de referencia en formación, consiguiendo levar a cabo cursos de calidade nun equipamento que demostra a viabilidade da temática e ademais, nun enclave incomparable como é a Serra de San Mamede.

Dende Amigos da Terra continuaremos traballando para ofrecervos cursos como o de bioconstrución, que demostren que outros modos de vida son posibles, con técnicas sostibles e cun baixo impacto ambiental.

Datas: 20-23 de agosto 2009. O día 20 dará comezo ás 16.00h. e o 23 rematará ás 17.30h.

Duración: 30 horas. Diploma de asistencia

Prezo: 135 € para socios/as e 150 € para o resto de participantes (inclúe aloxamento e alimentación ecolóxica local e comercio xusto, na súa maioría).

O curso proporciona coñecementos, formación específica e ferramentas didácticas para a identificación e aplicación de solucións integrais que conduzan cara novos modelos de desenvolvemento que minimicen o impacto ambiental, social e sobre a saúde humana.

Obxectivos:

• Avaliar o impacto ecolóxico da construción: a pegada ecolóxica

• Coñecer e aplicar diferentes técnicas e materiais de bioconstrución e arquitectura bioclimática, demostrando os grandes avances acadados para unha costrución sostible.

• Capacitar na toma de decisións, en cada caso, sobre o material máis razoable, ecolóxico e sostible

Contidos:

• Arquitectura Bioclimática
• Eficiencia enerxética e enerxías alternativas
• Análise do ciclo de vida dos materiais. Criterios de selección
• Planeamento e marco lexislativo
• Deseño, Permacultura

Metodoloxía:

Os fundamentos teóricos levaranse a cabo a través de actividades de participación e debate, seguido de aplicacións prácticas sobre o terreo, experimentando diferentes técnicas e posibilidades utilizadas na Bioconstrución.

Destinatarios/as: Este curso está especialmente dirixido a estudantes e profesionais de arquitectura, inxeñería, urbanismo, xestión do territorio, calidade ambiental; asociacións, técnicos/as ambientais da administración publica ou entidades privadas e en xeral a calquera cidadán/á interesado/a na autoconstrución e o fomento da arquitectura sostible.

Inscrición: o plazo de inscrición da comezo o 3 de xullo e remata o 7 de agosto. Para facer a túa reserva, cubre a ficha e porémonos en contacto contigo. O número de plazas está limitado a 30 persoas. Os criterios de selección basearanse na orde de inscricións e as motivacións e espectativas.

Ficha de inscrición: formato OpenOffice / formato DOC / formato PDF

Organiza

Colabora

Poderedes pasar uns días de ocio e tempo libre na natureza, ao tempo que teredes a oportunidade de comprobar a viabilidade das enerxías renovables e a arquitectura bioclimática.

Disfrutareis de diferentes actividades:

- Roteiro interpretativo ambiental guiado pola Serra de San Mamede ata o pobo de Rebordechao, xunto con actividades etnográficas e baño no Río Arnoia.

- Visita guiada polo equipamento de As Corcerizas, para coñecer “in situ”, un proxecto que demostra a súa realidade.

Ademais, o enclave do albergue, é ideal para coñecer o entorno natural e cultural máis representativo do Macizo Central Ourensán, podendo realizar libremente diferentes rutas a pé ou en bicicleta.

Información e reservas:

Tfno: 988374318

E-mail: info@ascorcerizas.com

Amigos da Terra, participará nesta nova edición cunha mesa informativa e un obradoiro de bioconstrución, “Pensamento crítico, solucións prácticas”, que terá lugar o domingo ás 12.30 horas.

Esta mostra aspira a converterse nun referente na materia, e pretende dar a coñecer a todo tipo de público, non só a profesionais, un sector en auxe como é o da bioconstrución e as enerxías renovables.

Nesta nova edición, preténdese dar unha visión máis ampla e profesional da situación actual no campo enerxético, así como dar resposta a todas as dúbidas sobre esta tecnoloxía en crecemento e coa que se conseguen aforros enerxéticos considerables.

Así mesmo, preténdese concienciar ao sector da construción dos enormes beneficios da implantación de sistemas ecolóxicos e intelixentes nos seus sistemas de produción, pero sobre todo, busca dirixirse ao usuario final das vivendas, xa que ten unha gran parte de responsabilidade en que se leven a bo porto os proxectos que se presentan na mostra.

Por outra banda, e como novidade este ano, os organizadores quixeron recoñecer a labor de todos aqueles, que dunha forma ou outra axudan ao medio ambiente e apostan polo uso das enerxías renovables, a bioconstrución e a ecoloxía. Deste xeito, este ano decidiron instaurar un premio que persigue o recoñecemento a calquera iniciativa o proxecto por parte dunha asociación sen ánimo de lucro que potencie na comarca a concienciación na protección do medio ambiente.

Este ano, están orientadas a resituar os problemas ambientais do século XXI, debater os avances realizados en Galicia e no Estado na implantación de estratexias de educación ambiental e así mesmo, ofrecer un foro para o intercambio de experiencias neste eido.

As xornadas incluirán mesas redondas, sesións de intercambio de experiencias e comunicacións. Neste senso, Amigos da Terra, realizará unha comunicación sobre o Centro de Educación Ambiental As Corcerizas.

Ademais, haberá unha Mostra de Educación Ambiental, na que se exporán e difundirán materiais, equipamentos e recursos das entidades e asociacións interesadas.

Foron catro fins de semana, nos que cerca dun centenar de persoas, acercáronse ata a O Centro de Educación Ambiental de As Corcerizas na Serra de San Mamede, para disfrutar das variadas actividades que ofrece este programa, tales como, unha ruta ambiental interpretativa polo Bidueiral de Montederramo zona LIC dentro da Red Natura 2000, onde puideron realizar avistamentos de rastros e sinais da fauna do contorno e onde tamén aprenderon técnicas de supervivencia na montaña.

Tamén disfrutaron de momentos de relax, coma o baño termal no Balneario de Baños de Molgas, así como unha visita guiada polos equipamentos de As Corcerizas, para así coñecer o perfecto funcionamento das enerxías renovables.

Segundo os responsables da actividade, os participantes valoraron moi positivamente o conxunto das actividades desenvolvidas e xa están desexando que chegue o ano que ven para disfrutar dunha nova edición de “Camiñando ao son das montañas”.

Os últimos centros en participar foron o C.E.I.P Monte Baliño, o I.E.S Abrente e o I.E.S Xesús Ferro Couselo, quen puideron disfrutar dunha xornada lúdica e de aprendizaxe na Serra de San Mamede.

A temática do cambio climático, foi a máis demandada polos centros, que puideron  comprobar “in situ”, a viabilidade das enerxías renovables como unha alternativa viable para a vida cotiá, e un modo de axudar a frear o impacto que o cambio climático está tendo no noso planeta.

A choiva que nos acompañou durante as dúas primeiras xornadas, non foi impedimento para a realización das distintas actividades, ata algún participante gozou máis do baño termal no Balneario de Baños de Molgas tras a molladura. Con todo, esperamos que na terceira, que terá lugar esta fin de semana, o sol nos acompañe, e poidamos disfrutar aínda máis das actividades propostas.

O programa ambiental “Naturalmente Galiza”, organizado pola Dirección Xeral de Xuventude e Solidariedade, pretende mellorar o coñecemento físico, histórico e cultural de Galicia entre a mocidade e sensibilizar aos máis novos, da importancia da conservación do noso patrimonio.

Un total de vinte ex-voluntarios, españois e chegados de diferentes países ( Francia, Lituania, Alemania, Grecia, Hungría, Inglaterra, Finlandia, Bélxica, Austria e Nicaragua), reuníronse no centro de educación ambiental, co obxectivo de reflexionar sobre a adaptación do modo de vida sostible no día a día.

Deste xeito, os participantes ademais de actualizar os seus coñecementos sobre o equipamento do centro, levaron a cabo moitas actividades durante a súa estancia en As Corcerizas. Debateron sobre a publicidade e as súas consecuencias sociais e ambientais, fixeron dous obradoiros de consumo alternativo co fin de desenvolver as redes económicas locais, levaron a cabo varios espazos de intercambio cultural nos cales puideron probar exquisitas especialidades de cada país, un obradoiro de teatro, unha ruta pola Serra, etc..

Segundo os responsables, o encontro foi todo un éxito e xa están pensando en repetir, sobre todo grazas á participación activa dos ex-voluntarios nas distintas actividades, así como ao feito de que puidese desenvolverse en As Corcerizas, un exemplo práctico sobre como plantexar un modelo de vida sostible en harmonía coa natureza.

Membros de distintas ONGD, asociacións ecoloxistas, representantes do Centro de Extensión Universitaria e Divulgación Ambiental de Galicia, do Fondo Galego de Cooperación e Solidaridade e da Coordinadora  Galega de ONGD, daranse cita, do 24 ao 26 de abril, no centro de Educación Ambiental, para debater e mostrar a importancia do medio ambiente en cooperación ao desenvolvemento, un aspecto descoñecido para a maior parte dos axentes da cooperación galega.

Así mesmo, os asistentes realizarán unha visita guiada polos equipamentos de As Corcerizas, comprobando o bo funcionamento das enerxías renovables e coñecendo  alternativas viables para unha vida cotiá sostible.

O curso, destinado a educadores/as ambientais, monitores/as de tempo libre, profesorado e persoal técnico ambiental entre outros, ten como principais obxectivos introducir as temáticas e as metodoloxías de traballo no ámbito da Educación Ambiental, presentar os recursos e programas galegos para a Educación Ambiental e tamén favorecer o intercambio e a reflexión sobre a crise ambiental e posibles respostas dende o ámbito socioeducativo.

Na primeira fin de semana deste mes cativas e cativos de Cartelle tiveron a oportunidade de pasar uns días de aprendizaxe práctica e divertimento en As Corcerizas. Visita polo equipamento, xogos sobre enerxías, obradoiro de cestería con papel, veladas nocturnas… foron algunhas das actividades que se levaron a cabo.

O bo tempo acompañounos nas actividades pola Serra, e a simple forza do sol permitiu preparar chocolate con pan torrado e mazás asadas… “esta é a demostración de que o sol quenta” concluiu un dos rapaces.

Antes de comezar a plantación, os nenos permaneceron moi atentos ás explicacións das voluntarias/os de Amigos da Terra sobre as utilidades e usos das árbores, tales como que se converten en botellas de osíxeno diúrnas, diminúen a contaminación química atmosférica, son refuxio de aves, almacén de roedores, dormitorio de curuxas ou a súa capacidade para reter o solo en situación de fortes ventos e riadas, evitando así a súa perda.

Posteriormente, comezou a parte práctica, e os nenos dispuxéronse a plantar as árbores guiados polas explicacións dos voluntarios. Finalmente, plantáronse 10 árbores froiteiras, entre maceiras, pereiras, ameixeiras, cerdeiras e pexegueiros.

Con este tipo de actividades preténdese implicar aos máis pequenos no coidado do seu entorno, recordándolles o importantes que son as árbores para nós e a cantidade de servizos fundamentais  que realizan para a vida do planeta.

Aquí podedes ver o vídeo que gravou a TVG sobre a plantación.

Para todas as persoas que esta Semana Santa busquen relaxarse, gozar de fermosas paisaxes, e coñecer as tradicións da nosa cultura, a Serra de San Mamede convértese na mellor das opcións.

O albergue de As Corcerizas abre as súas portas para todas/os aquelas/les que estean interesadas/os en coñecer  diversas alternativas de vida sostible ao mesmo tempo que se converte nun lugar de descanso e disfrute, dunha serra mítica, chea de lendas e historia.

Para complementar estes días de ocio e tempo libre, vos ofrecemos unha ruta guiada polo “Bidueiral de Montederramo”, zona LIC (Lugar de Importancia Comunitaria) dentro de Rede Natura 2000, cunha superficie de 1.948,55 ha. e de altitude variable entre os 959 m. e os 1600m.

Nesta andaina, coñeceremos un dos mellor bosques autóctonos da provincia de Ourense, caracterizado pola súa abundancia de bidueiros e o alto grao de biodiversidade que alberga no seu interior.

Identificaremos os rastros e sinais da fauna do entorno, e analizaremos as diferentes paisaxes que fan desta serra unha das máis ricas e variadas da comunidade galega.

Duración: aproximada de 6 horas con parada para comer.

Dificultade: media- alta.

Información e inscricións:

988 374 318

info@ascorcerizas.com

As Corcerizas, participa un ano máis neste programa coa ruta chamada “Camiñando ao son das montañas”. Entre as actividades preparadas para estes días destacan:

- Unha ruta ambiental interpretativa ata o Bidueiral de Montederramo, durante a cal realizarase unha actividade de rastros e sinais da fauna do contorno.

- Actividade de rastros e sinais de fauna durante a ruta. Descifrar o escenario por onde pasou un animal, captar o seu olor, ou identificar as súas pegadas.

- Un baño termal no balneario de Baños de Molgas ( toma de augas mineromedicinais, piscina con chorro, tratamento con lama… )

- Un curso de técnicas de supervivencia na montaña, onde os mozos aprenderán a facerlle fronte a situacións adversas (como debemos orientarnos, alimentarnos, ou protexernos do tempo baseándonos na utilización de recursos que hai na natureza).

Podedes obter a información básica do programa na web  www.naturalmentegaliza.com

O teléfono para facer a vosa reserva é  881 999 520, en horario de 9 a 14 horas e todos os días laborables agás os sábados.

Só houbo unha cousa que nós sorprendeu…o temporal de neve, que fixo que quedaramos illados/as en As Corcerizas ata o luns. Pero iso non foi ningún impedimento para que todo fora un éxito e o curso se levara a cabo sen problemas.
Gracias ao bo ambiente que se creou, ao bo funcionamento do equipamento e a  implicación de todos/as, chegamos sans e salvos/as aos nosos fogares, recordando sempre a fermosa paisaxe de As Corcerizas cuberta de neve.

Despois do éxito do curso de iniciación impartido o pasado outono, ábrese a oportunidade de continuar coa especialización no coñecemento de técnicas e metodoloxías para planificar, deseñar, desenvolver e avaliar actividades guiadas ou de contacto co público. Para logralo aplicaremos de xeito práctico os contidos tratados durante a fin de semana.

Imparten: Antón Lois (Cooperativa Teixugo) e Diego Vázquez (Cooperativa Platalea), profesionais de recoñecida experiencia en Educación Ambiental e Interpretación do Patrimonio.

Información e reservas: 988 374 318 / info@ascorcerizas.com

INFORMACIÓN AMPLIADA DO CURSO

Carlos, técnico comercial da empresa Macrófitas, voltou a ofrecernos o apoio, a colaboración e o asesoramento da súa empresa. Ensinounos as últimas novidades técnicas e levounos plantas a fin de ampliar o rendimento da nosa depuradora. Esta visita fíxonos moita ilusión, xa que tras a nosa experiencia precursora, a Xunta de Galicia está levando outros dous proxectos galegos nas cercanías de As Corcerizas. Un lévase en Vilar das lebres mentres o outro ubícase no parque natural do Xurés en Salgueiro.

Posta ó día da depuradora de As Corcerizas :

1- Montar os aros
Iso consiste en poñer as plantas nunha cestiña a cal se engancha nun soporte que se ata sobre un tubo de rego en espiral.

Este sistema ten a vantaxe de ser máis estable, de favorecer o crecemento das plantas retenendo a materia orgánica no interior da estrutura, adaptándose ás variacións de nivel das balsas.

2- Posta dos aros
Para conseguir un rendemento óptimo, a balsa ten que estar totalmente cubierta polas macrófitas e as plantas non poden estar hundidas.

Puxemos aros nos espazos libres da balsa, e tamén debaixo dalgunha zona de macrófitas hundidas a fin de que se apoien para rebrotar.

3- Estabilización das macrófitas

O rendemento de depuración varía según o estrés da planta, relacionado este coa estabilidade das plantas. Para favorecer o bo crecemento das plantas que se atopan no lateral da balsa, é boa idea conseguir o enraizamento das macrófitas sobre un sustrato

Para iso vertemos area nos laterais da balsa, colocando algunhas macrofitas sobre ella. Agora haberá que esperar para ver como crecen.

Unha fin de semana onde poderás descubrir e disfrutar da paisaxe otoñal da Serra Ourensá, ao tempo que equilibras os ritmos do corpo e da mente.

• Mais información en: fins de semana alternativas
• Para inscribirte preme neste enlace: ficha de inscrición

Apúntate canto antes! As plazas son limitadas.

… un tesouro que se agocha no medio da Serra, e que a natureza bríndase a compartir contigo sempre que queiras

… un tesouro se cabe máis sorprendente, capaz de nutrir a nosa mente e corpo, permitíndonos o autocontrol e a convivencia en sociedade.

As Corcerizas quedou tamén fortemente enriquecida coa estancia do grupo de participantes das xornadas; por elo, moitas gracias.

En breve estarán á vosa disposición máis fotos da fin de semana… estade atentos/as ás novas da web

Amigos da Terra agradece a todos/as o esforzo e ilusión por sacar o traballo adiante, e o apoio mostrado ao proxecto de As Corcerizas.

Podedes ver todas as fotos desta actividade nas galerias fotográficas de Amigos da Terra.