Integrantes e achegados da Asociación Cultural Turzó e da Asociación de veciños de Santirso (Concello de Maceda), disfrutaron o 17 de agosto dunha xornada lúdico – educativa na Serra para descubrir as instalacións do Centro de As Corcerizas
Puideron ver o funcionamento dunha turbina de auga, sistemas de control e almacenamento de enerxía, tellados feitos con terra, corcho e caucho, plantas que depuran augas residuais, …

Xa pola tarde, fixeron xogos relacionados cos residuos, a compostaxe, enerxías… e se reflexionou sobre os xestos que podemos facer para coidar o medio ambiente.

Na paxina web de Amigos da Terra, podedes ver as fotos deste dia!. Pincha neste enlace para acceder directamente.

Ei rapaces/zas!! xa están na rede as vosas fotos do campamento.

Promovidas polo Concello de Pontevedra e desenvolvidas en As Corcerizas do 21 ao 30 de Agosto, 32 mozos/as entre 12 e 14 anos disfrutaron en plena alta montaña de actividades como rutas de senderismo, baños na piscina e no río Arnoia, xincanas medioambientais, obradoiros de cariocas, bonsais, veladas nocturnas, actividades deportivas, noite do terror …

Ao longo da súa estancia, os/as acampados/as tamén aproveitaron para descubrir a excepcionalidade do Centro, que funciona soamente con enerxías renovables e cumpre os criteros de bioconstrución nas súas edificacións.

Incorporaron no día a día hábitos saudables e repectuosos, e adquiriron información de xeito práctico e crítico sobre o tratamento alternativo de residuos, compostaxe, aforro enerxético, consumo responsable, comercio xusto…

Sigue a ligazón para ver algunhas instantáneas do seu paso pola Serra de San Mamede: galería de fotos

Xa están á vosa disposición as fotos do 1º campamento ambiental promovido polo Concello de Pontevedra e levado a cabo nas Corcerizas do 26 de xullo ao 4 de agosto.

Para rememorar intensos e agradables momentos, ou imaxinar o que ali sucedeu… preme neste enlace

Do pasado 14 ao 23 de xullo raparigos/as de 10 a 13 anos disfrutaron do segundo campamento ambiental na Serra de San Mamede promovido polo Concello de Santiago de Compostela.

Dende Amigos da Terra apostamos por unha educación ambiental de calidade, a coherencia das instalacións, a alimentación procedente da agricultura e gandeiría ecolóxica, e a profesionalidade da equipa de monitoras/es.

Esta experiencia aportaralles unha valiosa experiencia.

Se queres ver ou descargar as fotos preme aqui.

Do 2 ao 11 de xullo cativos/as de 8 e 9 anos disfrutaron do campamento ambiental na Serra de San Mamede, promovido polo Concello de Santiago de Compostela.

A aposta firme de Amigos da Terra por unha educación de alta calidade, a coherencia das instalacións e a profesionalidade da equipa de Galicia Tempo Libre, aportaron aos/ás nenos/as deste campamento unha experiencia de alto valor, educándoos/as para vivir en coherencia e repecto nunha sociedade de futuro.

Para ver ou descargar as fotos preme aqui.