I Xornadas de Iniciación á Micoloxía e Boas Prácticas no Monte
Amigos da Terra inaugura neste outono as I Xornadas de Iniciación á Micoloxía e Boas Prácticas no Monte, que se celebrarán os días 24 e 25 de Novembro, na Serra de San Mamede, Macizo Central Ourensán.
Durante estas xornadas, subvencionadas polo Departamento de Medio Ambiente do Concello de Ourense, contaremos coa colaboración de Juan José Martínez Álvarez, especialista na materia e presidente da Asociación Os Cogordos.
Grazas á súa axuda poderemos recoñecer os distintos fungos presentes neste ecosistema de montaña galega, dende os máis atractivos para a nosa gastronomía, ata os mais tóxicos ou velenosos. Tamén se tratará a extracción dos fungos, cómo e cándo se debe facer, e qué ferramentas debemos utilizar, xa que esta práctica é moi importante para a conservación dos seus hábitats.
Programa:
Contidos das xornadas:
- Información sobre fungos e boas prácticas no monte.
- Recollida e recoñecemento por xénero, especie e hábitat, in situ.
- Realización dunha ficha técnica.
- Exposición.
- Obradoiro de cociña.
Materiais a levar:
- Guía de campo.
- Navalla
- Cestiña ou caixa para levar os cogomelos.
- Roupa de campo, e calzado cómodo.
- Saco de durmir
Lugar e Horarios:
- Centro de Educación Ambiental – Albergue As Corcerizas. Serra de San Mamede – Arnuide. Vilar de Barrio (Ourense)
- 24 e 25 de Novembro de 2007.
- Sábado de 11:00 a 14:30 e de 16:30 a 20:00.
- Domingo de 10:00 a 16:30
Inscricións:
- Nº de prazas: 20
- Inclúe: matrícula, aloxamento e manutención.
- Prezo: 35 €, (25 € para socios/as de Amigos da Terra)
- Ingreso na conta: Caixa Galicia 2091/0450/41/3040043331.
- Concepto do ingreso: “Xornadas de Micoloxía”
[Ficha de inscrición. Formato Word]
Mais información:
988 374 318
info@ascorcerizas.com
Persoa de contacto: Rebeca
Programa Xeral
Programa Escolar:
Portada
