Amigos da Terra inicia unha alternativa para o tempo libre, unha oferta diferente de actividades onde atopar o xeito de divertirse, relaxarse e aprender da natureza. O 12, 13 e 14 de setembro arrinca a primeira destas fins de semana alternativas, onde se combinarán actividades de aventura e distensión:

A Busca do Tesouro: orientación na montaña

Obradoiro do Combustible Ecolóxico: relaxación, risa e musicoterapia

As actividades están dirixidas ao público xeral e se adaptarán segundo o grupo.

Máis información e resevas

A primeira fin de semana de Setembro, Amigos da Terra  invítache a participar no centro de Educación Ambiental “As Corcerizas” dunhas xornadas de convivencia nas que levaranse a cabo diversas tarefas de mantemento e acondicionamento das instalacións. É unha oportunidade para coñecer o funcionamento do centro e disfrutar do enclave da Serra de San Mamede, a través da realización de diversas actividades como son rutas de sendeirismo e xogos interpretativos da Natureza, e se o tempo apremia, acudiremos a praia fluvial do Prado ou a piscina de Rebordechao.

Esta actividade é gratuita, incluíndo aloxamento e manutención, sairemos o venres 5 de setembro desde Ourense e voltaremos o domingo 7, os interesados podedes contactar con Violeta responsable da área de Voluntariado no 988374318 ou ecribindo un correo. Animádevos!

A Asociación Amigos da Terra, en colaboración co Centro de Recuperación de Fauna de O Rodicio, organiza unha actividade de sensibilización e concienciación ambiental no Centro de Educación Ambiental As Corcerizas, na Serra de San Mamede.

A actividade terá como obxectivo explicar os nenos e nenas, que están participando no Campamento ambiental organizado polo Concello de Pontevedra e Amigos da terra, a importancia da conservación da fauna salvaxe. Será tamén unha boa ocasión para aclarar a finalidade e accións dos Centros de recuperación de fauna.

Ler máis…

Amigos da Terra estará presente na Feira de Verán de Compostela informando á poboación sobre as actividades de verán de As Corcerizas e a campaña S.O.S. Clima.

Día: sábado 21 de xuño

Lugar: Parque de Belbís (Santigo de Compostela)

Horario: dende as 12.00h da mañá ata as 20.30h da tarde.

Ven celebrar o verán connosco!

Máis información en : www.santiagodecompostela.org

Hoxe, 20 de xuño, ás 11:00 horas no Centro de Iniciativas Empresariais de Ourense, Amigos da Terra xunto coa Concelleira de Igualdade; Xuventude e Voluntariado; Termalismo, Marta Arribas, presenta en rolda de prensa os seus campamentos ambientais de verán para mozos e mozas de 15 a 18 anos.

Esta actividade enmárcase dentro do Programa da Consellería “Tope Xove 2008”, sendo salientable a aposta que se está a facer por realizar un campamento dirixido á mocidade, dada a baixa oferta pública existente, e a coherencia que se ofrece ao levalo a cabo no Centro de Educación Ambiental As Corcerizas.

As actividades desenvoltas en As Corcerizas, na Serra San Mamede, son unha experiencia lúdica e divertida que capacitará aos participantes para vivir en coherencia nunha sociedade de futuro.