Un ano máis, Amigos da Terra aposta pola formación de profesionais en Interpretación do Patrimonio. O 28, 29 e 30 de novembro celabrarase en As Corcerizas o curso de especialización Guía-intérprete de espazos naturais.

Despois do éxito do curso de iniciación impartido o pasado outono, ábrese a oportunidade de continuar coa especialización no coñecemento de técnicas e metodoloxías para planificar, deseñar, desenvolver e avaliar actividades guiadas ou de contacto co público. Para logralo aplicaremos de xeito práctico os contidos tratados durante a fin de semana.

Imparten: Antón Lois (Cooperativa Teixugo) e Diego Vázquez (Cooperativa Platalea), profesionais de recoñecida experiencia en Educación Ambiental e Interpretación do Patrimonio.

Información e reservas: 988 374 318 / info@ascorcerizas.com

INFORMACIÓN AMPLIADA DO CURSO

A semana pasada estivemos en As Corcerizas dándolle unha revisión ao sistema de depuración das augas residuais, que como xa moitos/as saberedes, faise mediante balsas con plantas acuáticas en flotación (as famosas macrofitas)

Carlos, técnico comercial da empresa Macrófitas, voltou a ofrecernos o apoio, a colaboración e o asesoramento da súa empresa. Ensinounos as últimas novidades técnicas e levounos plantas a fin de ampliar o rendimento da nosa depuradora. Esta visita fíxonos moita ilusión, xa que tras a nosa experiencia precursora, a Xunta de Galicia está levando outros dous proxectos galegos nas cercanías de As Corcerizas. Un lévase en Vilar das lebres mentres o outro ubícase no parque natural do Xurés en Salgueiro.

Ler máis…

Dentro da programación das Fins de Semana Alternativas 2008, está prevista para o vindeiro 10, 11 e 12 de Outubro a Xornada de Ioga, relaxación e andaina pola Serra.

Unha fin de semana onde poderás descubrir e disfrutar da paisaxe otoñal da Serra Ourensá, ao tempo que equilibras os ritmos do corpo e da mente.

• Mais información en: fins de semana alternativas
• Para inscribirte preme neste enlace: ficha de inscrición

Apúntate canto antes! As plazas son limitadas.

Música, risas, ambiente distendido e complicidade na montaña, foron as chaves para atopar o grande tesouro que Amigos da Terra tiña preparado en As Corcerizas…

… un tesouro que se agocha no medio da Serra, e que a natureza bríndase a compartir contigo sempre que queiras

… un tesouro se cabe máis sorprendente, capaz de nutrir a nosa mente e corpo, permitíndonos o autocontrol e a convivencia en sociedade.

As Corcerizas quedou tamén fortemente enriquecida coa estancia do grupo de participantes das xornadas; por elo, moitas gracias.

En breve estarán á vosa disposición máis fotos da fin de semana… estade atentos/as ás novas da web

Os/as voluntarios/as de Amigos da Terra pasaron uns días en As Corcerizas de convivencia e traballo común, gracias ao que se realizaron importantes melloras no equipamento: restauración de madeira con tratamentos ecolóxicos, limpeza de camiños, arranxos na cuberta vexetal dos tellados, melloras no mobiliario do albergue, mantemento dos paneis fotovoltaicos… Tamén puideron coñecer a zona a través dun roteiro pola montaña e disfrutar de xogos, veladas e obradoiros, como facer xabón reciclando aceite ou cociña vexetariana.

Amigos da Terra agradece a todos/as o esforzo e ilusión por sacar o traballo adiante, e o apoio mostrado ao proxecto de As Corcerizas.

Podedes ver todas as fotos desta actividade nas galerias fotográficas de Amigos da Terra.