O día 25 de outubro, Amigos da Terra dalle a benvida ao outono, presentando as “II Xornadas de Micoloxía e boas prácticas no monte” e convidando a todas as persoas a participar nunha das actividades máis practicadas na nosa Galicia. Contaremos coa colaboración de Martín Souto Souto do Departamento de Botánica da Universidade de Santiago de Compostela e experto en micoloxía.

Será unha xornada onde combinaremos a parte teórica coa saída práctica ao monte para adquirir e afianzar, uns coñecementos básicos e necesarios para disfrutar dunha actividade saudable e evitar moitos perigos por intoxicacións que se producen habitualmente. Tamén nos servirá para recoñecer as setas e os fungos máis atractivos para a nosa gastronomía, e pasar un agradable e satisfatorio día.

O albergue de As Corcerizas estará dispoñible dende o día 24 de outubro para todas as persoas que estean interesados/as en comezar a disfrutar do encanto da serra antes da xornada micolóxica.

Programa:
Contidos das xornadas:
·    Información sobre fungos e boas prácticas no monte.
·    Recollida e recoñecemento por xénero, especie e hábitat, in situ.
·    Realización dunha ficha técnica.
·    Exposición dos fungos recollidos.

Non esquezades:
·    Guía de campo.
·    Navalla.
·    Cestiña ou caixa para levar os cogomelos.
·    Xantar.

Lugar e Horarios:
·    25 de outubro con inicio da xornada ás 11:00 da mañá.

Inscricións:
·    Nº de prazas: 30
·    Prezo da xornada micolóxica: 10 €

Concepto do ingreso: “ Xornadas de Micoloxía”

Ficha inscrición