Gracias a colaboración e esforzo das/dos alumnas/os e do profesorado do CEIP de Vilar de Barrio, ducias de árbores autóconas medran xa no monte comunal de Arnuide.

A actividade deu comenzo no centro escolar onde, mediante xogos e actividades prácticas, reflexionouse sobre as características das árbores que ían plantar, importancia de repoboar cos especies autóctonas, funcións das árbores…

Con ilusión e grande maña, cativas de 3 anos ata mozos de 12 plantaron, nunha parcela do monte comunal de Arnuide queimada por un lume forestal, medio centenar de árbores: teixos, acivros, bidueiros, pradairos, castiñeiros, carballos…

Cun pouco de atención, algo de tempo e moito cariño, chegaremos a recuperar o monte galego… o noso monte.

O vindeiro mércores 14 de febreiro, o CEIP Vilar de Barrio, achegarase ate o monte comunal de Arnuide para facer unha plantación de árbores autóctonas nunha parcela arrasada polo lume o pasado verán.

A xornada dará comenzo no centro escolar, onde Thomas e Marine (voluntarios europeos de Amigos da Terra), organizarán diferentes actividades lúdicas de sensibilización sobre temas forestais.

Arredor das 12:00 todos/as os/as alumnos/as do colexio serán trasladados/as ata a zona prevista, onde traballadores do Concello de Vilar de Barrio xa terán listos os buratos e prestarán apoio aos/ás máis cativos/as.

[Fotografías da Actividade]

Ante un numeroso e intersado público os/as ponentes das xornadas presentaron o Filtro de Macrofitas en Flotación, explicando as vantaxes, beneficios e mostrando diversas experiencias xa implantadas noutras zonas da península.

Abriu as xornadas Vicente Torres (Macrofitas SL), facendo unha reflexión sobre a historia do FMF e presentando o proxecto de potabilización de auga en África mediante macrofitas.
A parte máis técnica foi asumida por Alfredo S. Rodríguez que, con fotos, esquemas e claras explicacións, evidenciou a funcionalidade, simplicidade e baixos custes que ten o sistema.

Con grande simpatía e demostrando que todo é posible gracias ao “topalantismo extremeño” (tó p’alante), Pedro Delgado (Aquaphytex) expuso o éxito dunha iniciativa xuvenil basada na producion de macrofitas.

Cun punto de vista práctico e realista, Luis C. Laighina (Raiambiente) presentou as experiencias de implatación de FMF en Portugal, como vía de substitución dos ineficientes sistemas actualmente instalados.

Para fechar as xornadas, Paula Vidal de Amigos da Terra, presentou a construción dun FMF no campo de traballo que este verán organizou a Asociación en As Corcerizas, como recurso educativo e solución sostible para a autoxestión das augas residuais do Centro.

Amigos da Terra agradece o patrocinio de Tragsa e o apoio da Consellaría de Medio Rural; en especial agadecemos o esforzo de Manuel Fernández Somoano na busca e defensa de alternativas sostibles para o medio rural galego.

O vindeiro 8 de Febreiro terá lugar no Pazo de Fontefiz (Ourense), a “I Xornada técnica sobre depuración de auga con Filtros de Macrofitas en Flotación” (FMF)

Con esta xornada preténdese presentar este innovador sistema de depuración como alternativa á complexa xestión das augas residuais en Galicia.

Ao longo da mañá, ademáis falar do funcionamento e da produción de macrofitas, reflexionarase sobre a implantación da fitodepuración en Portugal, e Amigos da Terra presentará a súa experiencia educativa na implantación do FMF en As Corcerizas.

Programa: Programa das Xornadas

A Serra de San Mamede non é allea as desenfrenadas repercusións do cambio climático, rexistrando o pasado mes de decembro temperaturas máis propias da primaveira que de finais de ano.

É evidente que o medio natural estase a resentir destes cambios e, mesmo os/as propioas poboadores/as, botan en falta ese frio branco e seco que deixaban, non fai tanto anos, as intensas nevadas.

A ola e frío que atravesa Galicia nestes días, deixou tras de si esta esperada paisaxe invernal en As Corcerizas.