Programa de educación ambiental para escolares: Sentir, Coñecer, Actuar

Programa 2009

A Serra de San Mamede, entorno natural e cultural

A Serra de San Mamede resulta un enclave natural excepcional para coñecer a natureza e os recursos do singular L.I.C. Macizo Central Ourensán. A ubicación do Centro e a súa proximidade con varios pobos típicos da montaña galega e outros elementos patrimoniais singulares, brindaranos a oportunidade de visitar, acompañados moitas veces polos seus actuais ou pasados poboadores/as, muíños de auga, fornos comunais ou pobos abandonados, descubrindo os oficios, arquitectura tradicional, lendas e tradicións a día de hoxe vixentes.

Destinatarios/as: a partir de 1º da E.S.O.

Proposta:

Ruta ambiental e etnográfica As Corcerizas-Rebordechao-A Ermida

O descenso ata Rebordechao discurre entre pastos, carballeiras, e os impoñentes cumios da Serra de San Mamede. Unha vez no pobo, os/as escolares, guiados/as nalgúns casos polos/as propios/as habitantes, poderán coñecer o funcionamento da forxa, o muíño, as colmeas tradicinais, cómo se cocía o pan e a utilidade dos fornos comunais. A ruta etnográfica continuará ata A Ermida, onde coñecerán as “palleiras”, construcións destinadas a acoller o gando nos duros días de inverno.

Obxectivos:

[Voltar]