O sábado 27 de Xaneiro se celebrará a derradeira xornada sobre Recuperación e Promoción Turística de Rutas Medio Ambientais e Paraxes Naturais. Para todos aqueles interesados, terá lugar na Casa de Cultura de Vilardevós, Ourense, a partir das 9 da mañá.

O pasado sábado tivo lugar en Piñor de Cea, onde o público se interesou e descubriu o ecoturismo como unha opción sostible para o desenvolvemento do pobo.

Amigos da Terra e Upta vos anima a que participedes nesta xornada gratuíta, dirixida a traballadores activos de PYMEs e profesionais autónomos relacionados co sector medio ambiental.

O innovador sistema de tratamento de augas FMF, instalado no campo de traballo de agosto en As Corcerizas, foi seleccionado como “buen ejemplo de gestión del agua“, polos responsables en Galicia do Proxecto Enmar.

ENMaR (European Network of Municipalities and Rivers) é un proxecto Interreg IIIC, co que se pretende mostrar as diferencias, similitudes, problemas e oportunidades na implementación da Directiva Marco das Augas a nivel local en varias rexións europeas.
A rede creada permitirá a estas rexións o intercambio de coñecementos e experiencias.

Dentro do proxecto está contemplada a edición dunha Guía de bos exemplos na xestión da auga, na que se compilarán diferentes experiencias relevantes e sostibles.
Para a elaboración desta guía contarase coa colaboración de 7 socios de 4 países (Alemania, Suecia, Inglaterra y Letonia)

A Unión de profesionáis traballadores autónomos de Galicia conta con Amigos da Terra para o desenvolvemento das xornadas sobre Recuperación e Promoción turística das rutas medioambientais e paraxes naturais. Se trata dunha acción cofinanciada polo Fondo Social Europeo e a Fundación Biodiversidade, no marco dos Programas Operativos de “Iniciativa Empresarial e Formación Continua” 2000-2006.

A xornada terá lugar o día 16 de Decembro en Monterroso, a partir das 16:00h. Nela trataremos a viabilidade do desenvolvemento do sector turismo dun xeito máis sustentable, as alternativas das que dispoñemos e o xeito de acadalas coa exposición que Amigos da Terra fará desde a súa experiencia. A xestión que se leva a cabo en  As Corcerizas é un claro exemplo de turismo ecolóxico sin perder a calidade que todos demandamos, ademáis do caso concreto do proxecto levado a cabo na serra de San Mamede de Revalorización e Recuperación de rutas para o desenvolvemento do rural.

A participación é gratuíta e está dirixida a traballadores activos de PYMEs e profesionáis autónomos relacionados co sector medioambiental que desenvolvan a súa actividade en Galicia e Castela e León.

Na primeira fin de semana As Corcerizas exerceu de escola de Educación Ambiental para un grupo das Xuventudes Socialistas de Galicia, na que, ademáis de coñecer as instalacións, tamén exploraron o entorno cun roteiro interpretativo ambiental e etnográfico pola serra. Durante os tres días de actividades se trataron temas como a problemática dos lumes en Galicia, ou a importancia que ten que todos aprendamos a consumir responsablemente, incorporemos cada vez máis á nosa cesta da compra productos de comercio xusto, e valoremos a importancia dunha alimentación saudable.

A seguinte fin de semana estivo máis adicada á ciencia e a conservación, coa participación dun grupo de xente,que atraída pola celebración da Semana da Ciencia en Galicia, disfrutou da práctica dun anelamento científico de aves dirixido por aneladores profesionáis e varios colaboradores da Sociedade Galega de Historia Natural.

Tamén os colexios unitarios de Vilar de Barrio, Baños de Molgas e Sarreaus se achegaron para participar dunhas xornadas de coñecemento e revalorización do entorno á vez de reforzar a cooperatividade e a interrelación coa poboación máis próxima. Cunha perspectiva educativa á vez que lúdica, os/as escolares puideron asimilar novos coñecementos e habilidades.

Outra temática que tratamos en As Corcerizas durante este mes foi a problemática da Xestión de residuos en Galicia. Un grupo de persoas do Concello de Piñor comprobou in situ a viabilidade dunha xestión alternativa de residuos sólidos e das augas residuais, seguindo o exemplo que se leva a cabo no Centro. A actividade, dirixida pola responsable de residuos de Amigos da Terra, resultou unha experiencia enriquecedora gracias ás numerosas aportacións e ao interese mostrado pola xente; e tamén práctica, coa elaboración dun vermicomposteiro doméstico.

As cores do Outono en As Corcerizas invitan á reflexión e ao descanso dun xeito especial. Tanto é así que a fin de semana de Musicoterapia, Ioga e Relaxación resultou todo un éxito.

A alta calidade das actividades, dirixidas por grandes profesionais, a práctica delas en estancias saudables de construción sostible, a alimentación biolóxica e ademáis moi rica! e o sol que sempre nos acompañou, fixeron realidade a oportunidade de desconexión que todos buscabamos para esta fin de semana na Serra. Pero non vos preocupedes si non puidestes asistir, que para a primaveira voltaremos con novas propostas!

Pero tamén neste mes de Outubro se achegaron ata As Corcerizas varias familias pertencentes ao Clube Ciclista de Maceda, onde os pequenos disfrutaron xogando e aprendendo cousas novas á vez que os maiores coñecían as instalacións e o seu funcionamento.

E non foron os únicos, o Centro de Estudios Áuria, de Ourense, trouxo aos seus alumnos do Curso de Monitores de Educación Ambiental. Puideron comprobar por eles mesmos a través do coñecemento do Centro e as explicacións como se afronta no día a día a aplicación dun proxecto educativo como é o de As Corcerizas.