As Corcerizas nas VI Xornadas Galegas de Educación Ambiental

Enviado por Analia Moares · Novas · Xuño 2009

Amigos da Terra participa nas VI Xornadas Galegas de Educación Ambiental, que terán lugar en Santiago de Compostela o 25,26 e 27 de xuño, e que están patrocinadas pola Consellería de Medio Ambiente.

090618_macrofitascorcerizas.JPG

Este ano, están orientadas a resituar os problemas ambientais do século XXI, debater os avances realizados en Galicia e no Estado na implantación de estratexias de educación ambiental e así mesmo, ofrecer un foro para o intercambio de experiencias neste eido.

As xornadas incluirán mesas redondas, sesións de intercambio de experiencias e comunicacións. Neste senso, Amigos da Terra, realizará unha comunicación sobre o Centro de Educación Ambiental As Corcerizas.

Ademais, haberá unha Mostra de Educación Ambiental, na que se exporán e difundirán materiais, equipamentos e recursos das entidades e asociacións interesadas.

Os comentarios están fechados.