Programa xeral de actividades ofertadas

A SERRA DE SAN MAMEDE ÁBRESE ANTE TI
Descubre a tranquilidade dos seus arredores e os agrestes cumios embelecidos polo paso do tempo.

PLAN DE ACTIVIDADES PARA GRUPOS CONCERTADOS E ESCOLARES
Poñemos á vosa disposición unha ampla oferta de actividades coas que, atendendo ás vosas preferencias, poderemos confeccionar un programa específico:

• Roteiros interpretativos:
  • A Serra de San Mamede, entorno natural e cultural: sentir, coñecer e actuar.
  • Cambio climático – enerxías renovábeis – desenvolvemento sostible.
  • Bioconstrución: vivir nunha casa sa.
  
• Visita interpretativa polas instalacións de “As Corcerizas”.
  Abastecidas por Enerxías Renovábeis (placas solares fotovoltaicas e térmicas, caldeiras de biomasa e eléctrica, aeroxenerador, microturbina, baterías estacionarias); e feitas con técnicas e materiais de biocosntrución e arquitectura bioclimática.
  
• Actividades prácticas no campo.
  A Serra de San Mamede resulta un enclave natural excepcional para coñecer a natureza e os recursos do singular Macizo Central Ourensán: plantacións, rastrexos, estudos de biodiversidade, topografía e orientación, saídas prácticas sobre paisaxe, xeoloxía, edafoloxía, …
  
• Visitas e actividades etnográficas.
  A ubicación do Centro e a súa proximidade con varios pobos típicos da montaña galega e outros elementos patrimoniais singulares, brindaranos a oportunidade de visitar, acompañados moitas veces polos seus actuais ou pasados poboadores, muíños de auga, fornos comunais, pobos abandonados,… descubrindo os oficios, apeiros de labranza, arquitectura tradicional, lendas e tradicións a día de hoxe vixentes…
  
• Obradoiros.
  Unha ampla oferta de obradoiros será a fórmula ideal para aprender xogando novas habilidades e coñecementos.

  Obradoiros ambientais: enerxías renovábeis, natureza, residuos, compostaxe, pegadas da vida do bosque, audicións, videforums… Alimentación e consumo: comercio xusto, agricultura ecolóxica, coñecemento dos alimentos e consumo responsable… Traballos manuais: xogos e xoguetes de refugallo, caixas niño, comedeiros para paxaros, bixutería natural, papiroflexia, papel maché, barro, abalorios, papel reciclado…

• Actividades de animación, lecer e tempo libre:
  Xogos, dinámicas de grupo, cancións do mundo, astronomía, deportes alternativos, veladas nocturnas, festas temáticas, festa de despedida…
  Un bo complemento dentro da programación para desenvolver e adquirir, actitudes, aptitudes e capacidades tales como: sicomotricidade, cooperación, respecto mutuo, coordinación, socialización, imaxinación, axilidade física e mental…
  
• Campamentos, campos de traballo, intercambios culturais
  O Centro oferta a súa propia programación, estando aberto a colaborar con outras entidades organizadoras.