AS CORCERIZAS | Serra de San Mamede

Inscríbete ao Curso de Carpintería en Bioconstrución

Paula Vidal — Fri, 18 May 2012 12:32:32 +0000

Os días 9 e 10 de xuño levaremos a cabo unha acción formativa na que se transmitirán coñecementos, criterios e recursos prácticos que nos introducirán no mundo da carpintería de bioconstrución; capacitándonos para construir estruturas lixeiras e aplicar tratamentos e acabados na madeira.

O curso está dirixido a autoconstrutores/as, estudantes e profesionais da construción e bioconstrución, arquitectura, urbanismo, enxeñeiría, xestión do territorio, etc.

Imparte a formación André Calvo, profesional da carpinteiría e a bioconstrución.

Horario:

Sábado de 10:00 h a 14:30 h e de 16:00 h a 20:30 h.

Domingo de 10:00 h a 14:30 h e de 16:00 h a 18:30 h.

Prezo:

Completo: 115 euros. 105 € para socios/as. Inclúe formación, aloxamento e manutención (procedente da agricultura ecolóxica local e comercio xusto, na medida do posible)

Reducido: 75 euros. inclúe formación e aloxamento (manutención por conta dos/as participantes)

Inscricións: envía a ficha cuberta antes do 1 de xuño a info@ascorcerizas.com e contactaremos contigo. As prazas son limitadas!

ficha de inscricion (odt)

ficha de inscricion (doc)

Máis información a través do correo info@ascorcerizas.com; e no teléfono 988 374 318

Comparte e goza compartindo:

Biodepuración de augas. Xornada teórico-práctica

Analia Moares — Wed, 02 May 2012 20:37:39 +0000

O vindeiro 26 de maio Amigos da Terra levará a cabo en As Corcerizas unha Xornada teórico práctica sobre Biodepuración de augas.

A través de persoal técnico especializado, se exporán as bases da Fitodepuración e se presentarán alternativas viables, como o Filtro de Macrofitas en Flotación e Microorganismos Efectivos, para a depuración de augas.

Un Xornada sen dúbida interesante para particulares, empresas e Administración pública.

PROGRAMA:

10:30 – 11:45 Introdución aos sistemas de Fitodepuración – Que son, alternativas existentes
. Aplicación en Galicia do Filtro de Macrofitas en Flotación (F.M.F.)

11:45 – 12:15 Descanso

12:15 – 13:45 Introdución aos Microorganismos Efectivos (E.M.) – Que son, posibles aplicacións
. Depuración de augas con EM

13:45 – 15:30 Xantar (por conta dos participantes)

15:30 – 16:15 Obradoiro EM Dango (bolas de arxila con Microorganismos Efectivos)
16:30 – 18:30 Analíse in situ e actividade de replantación no sistema FMF de As Corcerizas

PONENTES:

Javier Santiago, Tp3 oficina técnica forestal – Galicia. Delegación técnica hidrolution FMF Galicia (www.hidrolution.com)
Juan Gaiteiro e Andrés Reboreda, Reboreda SL Sanidade Vexetal

Data: Sábado 26 de maio

Horario: De 10:30 h a 13:45 h e de 15:30 h a 18:30 h.

Xantar por conta dos/as participantes

Destinatarios/as: público xeral; especialmente dirixido para persoal técnico de concellos, xestores de comunidades de montes e instalacións públicas e privadas, e todas aquelas persoas interesadas en coñecer alternativas naturais para a depuración de augas.

Prezo: 30 euros. 25 € para socios/as.

Certificado de asistencia para aquelas persoas que o soliciten

INSCRICION:

Envia a ficha cuberta por correo electrónico, postal ou fax; antes do 22 de maio a:

info@ascorcerizas.com

Fax: 988 511 020

R/Concordia nº20, 2º esquerda. 32003 Ourense

Comparte e goza compartindo:

Participa no curso práctico de Cociña ecolóxica e local (Completo)

Paula Vidal — Mon, 16 Apr 2012 11:23:54 +0000

Os días 5 e 6 de maio levaremos a cabo o curso práctico de cociña ecolóxica. Nesta II edición achegarémonos máis a unha alimentación local e de tempada, centrándonos en alternativas para combinar os alimentos e obter a enerxía que precisamos na estación de primavera.

Coñeceremos os impactos que provocan os alimentos que percorren miles de quilómetros mentres cociñamos alternativas e coñecemos novas recetas.

Contaremos coa colaboración da especialista en cociña natural Gloria Domecq.

O curso está dirixido a calquera persoa, asociación, cooperativa de consumo, empresa, etc., interesada na transición cara unha alimentación sana e sustentable.

Prezo: 13 € en concepto de aloxamento; a actividade é gratuíta (inclúe matrícula e manutención).

Horario: sábado ás 10.00h. da mañá ata o domingo ás 16.30h.

Inscricións: envía a ficha cuberta a info@ascorcerizas.com e contactaremos contigo. As prazas son limitadas!

Ficha de inscrición do curso de cociña_formato odt

Ficha de inscrición do curso de cociña_formato doc

Máis información: Coa colaboración de:

info@ascorcerizas.com

986 125 171

Comparte e goza compartindo:

Roteiros para a Xuventude. Educación ambiental e lecer

Analia Moares — Mon, 02 Apr 2012 17:00:11 +0000

“Roteiros para a Xuventude” consiste nun programa de saídas de fin de semana que permite o contacto coa natureza ao mesmo tempo que combina o lecer, o deporte e mailo coñecemento do noso contorno cultural e ambiental.

As Corcerizas sitúase dentro do Macizo Central Ourensán, catalogado como Lugar de Importancia Comunitaria (L.I.C.) dentro da Rede Natura 2000. A súa localización en plena montaña, a 1.100m. de altura, constitúe un recurso ideal para a desconexión, relaxación e posta en acción de actividades de natureza e lecer.

En As Corcerizas – Serra de San Mamede están previstas as seguintes datas para os roteiros:

Abril: 21-22
Maio: 12-13 e 26-27
Xuño: 9-10

Programa:

Sábado:

Roteiro interpretativo pola montaña, nocións de orientación con mapa e brúxula.
Visita etnográfica ao pobo de Rebordechao.
Velada.

Domingo:

Xogo de orientación.
Baño no Balneario de Baños de Molgas e tratamento con parafangos.

Prezo:

94€, 75.20 € para as persoas que posúan o carné xoven

Reserva e inscrición:

Os/as interesados/as na participación neste programa poden facer a reserva de praza chamando aos números de teléfono:

981 545937
981 545702
981 545822
981 541689

De luns a venres de 09:00 a 14:00 horas.
Unha vez reservada a praza, deberase efectuar o pago da cota no prazo máximo de 48 horas.
Máis infomación sobre o programa en: Roteiros para a xuventude

Programa organizado en colaboración coa Dirección Xeral de Xuventude e Voluntariado. Xunta de Galicia

Comparte e goza compartindo:

Curso “Inclusión do enfoque ambiental na cooperación ao desenvolvemento”

Paula Vidal — Tue, 27 Mar 2012 17:47:14 +0000

O 14 e 15 de abril iniciamos o curso teórico-práctico sobre integración da sostibilidade ambiental na cooperación. Dirixido a aquelas persoas que traballan neste eido, o programa ten unha dobre finalidade:

A capacitación dos principais axentes de cooperación para desenvolver accións e proxectos sustentables.
O intercambio de experiencias, coñecementos e necesidades entre os axentes financiadores de proxectos e as entidades solicitantes dos mesmos.

Dende unha metodoloxía práctica levaremos a cabo obradoiros paralelos para cada un dos grupos de alumnos/as impartidos por destacados/as expertos/as na materia (profesionais de diversas ONGD e da AECID).

Descarga o tríptico do curso e consulta toda a información sobre o programa e os/as formadores/as.

Destinatarios/as:

Persoal e técnicos/as de ONGD e outros axentes de cooperación
Entidades financiadoras de proxectos de cooperación e EpD

Prezo:

O curso, financiado pola Xunta de Galicia, é gratuito para as /os asistentes. Inclúe aloxamento, manutención e desprazamento (en autobús) dende Ourense.

Inscrición:

Envía a ficha cuberta por correo electrónico ou chámanos; antes do luns 9 de abril a:

Email: cooperacion@amigosdaterra.net Teléfono: 986 125171

Ficha inscrición .odt
Ficha inscripción .doc

Comparte e goza compartindo:

Apúntate aos novos cursos e actividades nesta primavera

Paula Vidal — Tue, 20 Mar 2012 18:05:01 +0000

Dende Amigos da Terra adiantámosvos o programa de accións formativas que levaremos a cabo nesta primavera. Cada curso será convocado e detallado coa información precisa, pero podedes facer unha pre-reserva enviando un correo a info@ascorcerizas.com coa vosa solicitude.

Ademais poderedes disfrutar dun programa de educación ambiental e lecer na natureza, “Roteiros para a Xuventude”, con actividades de sendeirismo, orientación, coñecemento etnográfico e balneario! Máis información dos Cursos e actividades nesta primavera.

Reserva datas e apúntate canto antes!

Inclusión do enfoque de sostibilidade ambiental nos proxectos de Cooperación, 14-15 de abril
Cociña ecolóxica local. Transición cara unha alimentación sana e sustentable, 5-6 de maio
Xornadas de Biodepuración: sistema F.M.F. e microorganismos eficientes, 26-27 de maio
Carpintería en Bioconstrución, 9-10 de xuño

Comparte e goza compartindo:

Creando unha nova espiral de iniciativas

Paula Vidal — Mon, 19 Mar 2012 19:53:50 +0000

Esta fin de semana un grupo de 20 persoas participaron no curso de Horta Ecolóxica Familiar. Guiadas por Jacobo e Belén, puxemos a semente que xerminará en novas iniciativas e melloras das nosas hortas.

Para comezar, elaboramos entre todas unha espiral de aromáticas e un bancal para o cultivo de verán, poñendo en práctica os coñecementos adquiridos. De xeito ameno e dende unha visión práctica, recibimos moita información e fomos máis conscientes de todos os factores a ter en conta nos nosos cultivos.

Unha posta en valor do traballo que desenvolven os labregos e labregas en Galicia, o que nos motiva a apoiar as iniciativas de agricultura ecolóxica local e a rexeitar unha alimentación baseada na explotación masiva dos recursos naturais e humanos.

Comparte e goza compartindo:

O horto ecolóxico familiar. Capacitándonos na produción para o autoconsumo

Analia Moares — Thu, 23 Feb 2012 10:03:36 +0000

Do 17 – 18 de marzo dámos comezo á programación formativa de primavera cun curso teórico práctico sobre horticultura.

Da man de Belén Fervenza e Jacobo Ojea, labregos/as ecolóxicos de Redondela e habituais colaboradores de Amigos da Terra, coñeceremos nocións básicas para iniciarse na creación dun horto ecolóxico para autoconsumo.

Planificación, rotacións, asociacións, sistemas de rega, creación de bancales, etc; serán algúns dos contidos a tratar neste curso, onde ademais dos contido teóricos, faremos prácticas sobre o terreo.

Consulta a Programacion do curso.

Datas: 17 -18 marzo

Horario: Sábado de 10:00 h a 14:30 h e de 16:00 h a 20:30 h.

Domingo de 10:00 h a 14:30 h e de 16:00 h a 18:30 h.

Prezo completo: 110 euros. 100 € para socios/as. inclúe formación, aloxamento e manutención (procedente da agricultura ecolóxica local e comercio xusto, na medida do posible)

Prezo reducido: 70 euros. inclúe formación e aloxamento (manutención por conta dos/as participantes)

Destinatarios/as: público xeral, especialmente dirixido para aquelas persoas que queiran iniciarse no cultivo ecolóxico ou mudar dun sistema convencional.

Certificado de asistencia para aquelas persoas que o soliciten

Inscrición: Envia a ficha cuberta por correo electrónico, postal ou fax; antes do 12 de marzo a:

info@ascorcerizas.com

Fax: 988 511 020

R/Concordia nº20, 2º esquerda. 32003 Ourense

Ficha inscricion [odt]

Ficha inscricion [doc]

Comparte e goza compartindo:

Mesa redonda sobre a enerxía eólica

Paula Vidal — Sun, 12 Feb 2012 09:00:36 +0000

O 25 de febreiro Amigos da Terra participará na mesa da Plataforma en defensa da serra do Galiñeiro da que forma parte. A intervención consistirá na exposición doutro modelo posible de desenvolvemento baseado no uso de renovables dun xeito máis sostible, a través da experiencia de As Corcerizas.

Unha cita relevante para a reflexión, especialmente unha vez coñecido que o goberno recortará as axudas para as enerxías renovables.

Esperámosvos en Vigo, no Auditorio Municipal do Areal a partir das 17h. , onde poderedes obter máis información sobre a enerxía eólica dende diferentes puntos de vista.

Comparte e goza compartindo:

Alimentos Quilométricos: novo programa escolar!

Paula Vidal — Thu, 09 Feb 2012 23:35:27 +0000

Os alimentos que comemos veñen cada vez de máis lonxe: hortalizas de Marrocos, garbanzos de México, viño de Chile.. Ademais, cada vez é maior a cantidade de alimentos que importamos, contribuindo ao abuso dos recursos naturais dos países do Sur e agravando o cambio climático pola gran cantidade de emisións de gases de efecto invernadero que supón.

Investiguemos como frear o cambio climático co que comemos cada día!

Convidámosvos a participar nas xornadas educativas que levaremos a cabo dende o mes de marzo ata xuño.

OS 3 PRIMEIROS CENTROS EN APUNTARSE DISFRUTARÁN DA XORNADA DE XEITO GRATUÍTO! coa financiación da Fundación Biodiversidad, a través do proxecto estatal do que forma parte este programa e que desenvolve Amigos de la Tierra en diferentes puntos do estado español.

O programa está dirixido a alumnos/as e educadores/as de 5º e 6º de Primaria e 1º ESO dos centros escolares de Galicia. Contaredes con materiais para continuar traballando os contidos: os/as educadores/as poderedes dispor de información adaptada e do noso asesoramento.

Obxectivos:

Visualizar o entramado do actual modelo de produción de alimentos
Analizar as consecuencias ambientais, económicas e sociais deste modelo
Coñecer alternativas e opcións máis respetuosas e sostibles

Contidos e Metodoloxía, a xornada estará dividida en dúas partes:

Analítica e reflexiva: visualizaremos a orixe dos alimentos tendo en conta as emisións de CO2, a superficie necesaria para a súa produción a escala mundial e a pegada ecolóxica deste modelo
Valorativa e proactiva: a través dun xogo asimilaremos os diferentes pasos da cadea de produción de alimentos, descubriremos as implicacións e consecuencias dun modelo industrializado fronte a un máis sostible e valoraremos as posibilidades que temos para mudar.

Xogando podemos aprender a tomar decisións razoadas que conleven melloras, para as persoas e o planeta!

Reserva a túa data enviándonos a ficha de inscrición cuberta:

Ficha inscricion [odt] / Ficha inscricion [doc] Coa Colaboración de

Comparte e goza compartindo:

Conferencia sobre a xestión enerxética de As Corcerizas na Facultade de Ciencias de Ourense

Paula Vidal — Mon, 30 Jan 2012 18:41:41 +0000

Amigos da Terra abre o Ciclo de Conferencias organizado pola asociación de estudantes da Facultade de Ciencias de Ourense ECOUS, cunha ponencia sobre o proxecto de As Corcerizas.

A intervención estará centrada na experiencia de xestión dun sistema autónomo de enerxía baseada exclusivamente no uso de renovables, dende o caracter científico do ciclo.

Data: mércores 15 de febreiro

Hora: 17.00h.

Lugar: salón de actos da Facultade de Ciencias de Ourense

A asistencia será gratuíta, con opción a obter un crédito ECTS na Universidade de Vigo. O ciclo continuará ata o mes de maio, consulta o diptico das conferencias

Máis información:ecousuvigo.blogspot.com; ecous@fcou.uvigo.es

Comparte e goza compartindo:

6ª edición do Programa Sentir, Coñecer e Actuar

Analia Moares — Tue, 20 Dec 2011 12:23:22 +0000

Amigos da Terra convídavos a participar un ano máis no Programa Escolar de Educación Ambiental: Sentir Coñecer e Actuar

Xornadas educativas que fomentan no alumnado o pensamento crítico e aportan solucións prácticas para comprender e vivir en coherencia nunha sociedade de futuro

O programa ofrece diversas temáticas ambientais orientadas aos diferentes cursos de primaria e secundaria: cambio climático, enerxías renovables, bioconstrución, residuos, aplicación de metoloxías científicas, coñecemento do medio e cooperación.

As xornadas serán desenvoltas nas instalacións de As Corcerizas e no entorno do Macizo Central Ourensán.

Contacta con nós en:

info@ascorcerizas.com
Telf: 988 374 318 / 986 125 171

Rúa da Concordia 20, 2º esquerda 32003 – Ourense

Rúa Policarpo Sanz, 17 – 1º D. 36202 – Vigo

Comparte e goza compartindo:

Participación no curso de Educación Ambiental Rural en Cantabria

Paula Vidal — Mon, 05 Dec 2011 10:36:50 +0000

Esta pasada semana o proxecto de As Corcerizas estivo presente en Cantabria para participar no curso de Educación Ambiental Rural que está a desenvolver o CEDREAC – Centro de Documentación y Recursos para la Educación Ambiental de Cantabria.

Co obxectivo de transmitir a experiencia destes casi 10 anos de traballo nun entorno de montaña como é a Serra de San Mamede, o CEDREAC convidou a Amigos da Terra a divulgar as ferramentas que poden proporcionar unha batería de ideas para os/as participantes, moi interesados/as en iniciar os seus proxectos no rural.

O bo ambiente e a activa participación dos/as asistentes facilitaron o dialogo e potenciaron a reflexión cara distintas posibilidades, iniciativas e capacidades para a acción.

Comparte e goza compartindo:

Colabora na recuperación do monte de As Corcerizas

Paula Vidal — Thu, 17 Nov 2011 09:45:04 +0000

Xornadas de Recuperación de zonas afectadas polos lumes. Coñecer, valorar e capacitar para actuar, 26-27 novembro

Logo da dramática desfeita que os incendios forestais produxeron este ano nos nosos montes e ecosistemas, dende Amigos da Terra propomos unhas xornadas de sensibilización e acción na Serra de San Mamede, Macizo Central Ourensán.

Sábado 26, a partires das 17.30h.: prepararación do Nendo Dango e materiais.

Poderedes aloxarvos de xeito gratuíto no albergue! ou vir directamente o domingo.

Domingo 27, en horario de 10.30h. a 18.00h.:

Recollida de sementes

Roteiro interpretativo. Observación e valoración das repercusións do lume

Plantación de estaquiñas de salgueiro a carón dos regueiros

Sementeira e plantación de árbores e método Nendo Dango (bolas de arxila con sementes autóctonas)

Consulta o Programa das Xornadas

Ficha de inscricion xornadas monte formato odt

Ficha de inscricion xornadas monte formato doc

Colabora nesta actividade:

Comparte e goza compartindo:

Participa no curso de cociña vexetariana e envasados

Analia Moares — Tue, 25 Oct 2011 12:48:01 +0000

Coa idea de promover hábitos de consumo máis saudables, os días 12 e 13 de novembro levaremos a cabo un curso no que coñeceremos criterios de cociña vexetariana, coa fin de incorporar máis verduras, hortalizas e legumes na nosa alimentación diaria.

Elaboraremos receitas con productos de tempada e de orixe ecolóxica e local, descubrindo ademais novas posibilidades para poder conservalos durante todo o ano.

Vai ser divertido, ameno e sobre todo imos poder degustalo!

Actividade gratuita finaciada polo Ministerio de Medio Ambiente, Rural e Mariño. Inclúe matrícula, aloxamento e manutención.

Datas: 12-13 de novembro de 2011

Horario: sábado ás 10.00h ata domingo ás 16.00h.

Destinatarios/as: cociñeiros/as de centros públicos, coordinadores/as de comedores, ANPAs; e calquera persoa, asociación, cooperativa, empresa interesada na programación do curso

Imparte: Gloria Domecq, experta en cociña natural.

Programa:

Descarga a información do proxecto e o Programa do Curso

Inscricións:
Envía a ficha cuberta a info@ascorcerizas.com e contactaremos contigo. As prazas son limitadas!

Ficha inscricion .odt

Ficha inscricion .doc

Máis información:

info@ascorcerizas.com

986 125 171

Comparte e goza compartindo:

Divulgando a Bioconstrución

Paula Vidal — Fri, 21 Oct 2011 07:58:52 +0000

Xa están dispoñibles as presentacións do curso avanzado de bioconstrución. Unha pequena parte de todo o falado e practicado, pero unha boa guía para continuar coa formación e divulgación de toda esta información.

EL BARRO EN LA CONSRUCCION – GUIDO TOMASINI: información da historia do uso do barro, descrición, propiedades e posibilidades de aplicación hoxe en día.

TERMICA DE LOS EDIFICIOS – ROMAIN DENISOT, OIKOS: información sobre a concepción térmica dunha edificación, importancia do illamento, cómo facelo e materiais máis axeitados.

MARCO LEGAL – ANA LOPEZ, FAIMEVI: información sobre normativa a nivel europeo, estatal e autonómico; sistemas internacionais de certificación; empresas de servizos enerxéticos; e edificios sostibles.

Podedes consultalas e descargalas pinchando aquí

Tamén dispoñedes das galerías de fotos das dúas fins de semana:

Fotos fin de semana 30 de setembro – 2 de outubro

Fotos fin de semana 7 – 9 de outubro

Comparte e goza compartindo:

Continúa a formación en Bioconstrución en As Corcerizas

Analia Moares — Tue, 04 Oct 2011 17:46:08 +0000

Logo das intensas e enriquecedoras xornadas de formación con Guido Tomasini e Suso López, o vindeiro venres daremos continuación ao curso de bioconstrución da man de Romain Denisot e Ana Belén Albo; quen analizaran, dende distintos pontos de vista, os sistemas térmicos das edificacións.

E xa o sábado daremos inicio ao Monográfico de Rehabilitación e construción con cal; un curso dirixido a un público máis específico, onde se tratarán de xeito teórico-práctico conceptos como o funcionamento higrotérmico dos edificios antigos, proceso de fabricación e características da cal, usos e elaboración de morteiros e pinturas de cal.

Máis información e programa sobre os cursos nesta nova

Algunhas fotillos da 1ª parte do Curso de Bioconstución, nesta galería fotográfica

Comparte e goza compartindo:

Presenza de Amigos da Terra no Salón Bioatlantic

As Corcerizas — Fri, 30 Sep 2011 23:19:59 +0000

Amigos da Terra estará presente en Vigo os vindeiros 30 de setembro 1 e 2 de outubro no Salón Bioatlantic, un espazo de difusión e encontro sobre Bioalimentacion, Bioenerxías e Bioconstrución.

O proxecto está estructurado nun salón con numerosos expositores, un programa de conferencias divulgativas e o desenvolvemento do “I Foro Atlántico de Desarrollo Sostenible”, un evento que se perfila como punto de encontro entre os expertos do sector e un espazo no que se reúnan os protagonistas do desenvolvemento sostible.

Dende a Asociación participaremos aportando unha visión global, práctica e ecoloxista dos temas centrais do evento; presentando nunha comunicación o proxecto de As Corcerizas, e difundindo información sobre bioconstrucción, transxénicos e xestión de residuos nun posto informativo no que tamén divulgaremos as actividades de Amigos da Terra.

HORARIO:

DÍA 30 Setembro e 1 de Outubro: de 10.30 h a 20.00h

DÍA 2 de Outubro: De 10.30h a 19.00 h

LUGAR:

Auditorio Palacio Congresos Mar de Vigo

Avda. Beiramar s/n 36202 Vigo

PREZOS:

Entrada ao Salón: 5€ en taquilla e 3€ solicitando desconto na web (ate o mércores 28)

Asistencia ao Foro (previa inscrición): 3€ por 1 día; 5€ os 2 días (inclúe visita ao salón)

Comparte e goza compartindo:

A experiencia de Montaxes Lagoa-enerxías renovables completa o curso de Bioconstrución

Paula Vidal — Tue, 27 Sep 2011 08:23:23 +0000

Suso López Taboada, experto en enerxías renovables, completa o curso de bioconstrución que levaremos a cabo esta fin de semana.

Dende a súa experiencia en MONTAXES LAGOA, empresa de instalación de enerxías renovables, e coa propia realidade das fontes renovables que autoabastecen As Corcerizas, teremos unha visión práctica e realista deste eido e da súa situación actual.

A integración das enerxías renovables constitúe unha premisa máis a ter en conta nos nosos proxectos de bioconstrución e autoconstrución.

Comparte e goza compartindo:

Curso práctico de Educación Ambiental. Aberto o prazo de inscrición!

Analia Moares — Fri, 23 Sep 2011 10:16:03 +0000

Durante a fin de semana do 22 e 23 de outubro, dende Amigos da Terra levaremos a cabo unha nova actividade formativa no eido da educación ambiental, coa que pretendemos poñer en valor a súa potencialidade.

A través deste curso aportaremos coñecementos, ferramentas e estratexias aos/ás asistentes para ser transmisores/as de aptitudes, coñecementos e valores; capaces de producir nos seus receptores/as cambios actitudinais que lles fagan ser máis respectuosos/as co medio, xustos/as, críticos/as e conscientes das súas actuacións.

Os fundamentos teóricos levaranse a cabo a través de actividades de participación e debate, seguido de aplicacións prácticas.

Datas: 22-23 de outubro de 201

Horario: o curso dará comezo o sábado 22 ás 10.00h e rematará o domingo 23 ás 19.30h

Prezo: 70 €; 55€ para socios/as de Amigos da Terra. Inclúe matrícula, aloxamento e alimentación procedente de agricultura ecolóxica local e comercio xusto, na medida do posible.

Destinatarios/as: educadores/as ambientais, monitores/as e directores/as de tempo libre, docentes e calquera persoa, asociación, cooperativa, empresa interesada nos obxectivos do curso.

Obxectivos

Transmitir a relevancia da educación ambiental como motor de cambio.
Achegar coñecementos, aptitudes e ferramentas para incorporar a compoñente ambiental en actividades e programas educativos.
Capacitar para a creación de recursos didácticos empregados nas actividades de educación ambiental.
Facilitar estratexias e ferramentas para o guiado de grupos.

Contidos
Bloque 1

Bases metodolóxicas da educación ambiental.
O papel do/a educador/a ambiental.
Deseño de recursos e materiais.
Modalidades e técnicas de avaliación.

Bloque 2

Recursos prácticos para a educación ambiental.
Actividades en equipamentos de Educación Ambiental.
Actividades nun entorno natural.
Realización de casos prácticos.

Inscricións:
Envía a ficha cuberta a info@ascorcerizas.com e contactaremos contigo. As plazas son limitadas!

Ficha inscricion .odt

Ficha inscricion .doc

Esta actividade está financiada pola Rede de Amigos de la Tierra

Comparte e goza compartindo:

Camisolas de As Corcerizas

As Corcerizas — Thu, 08 Sep 2011 22:51:32 +0000

Amigos da Terra ven de editar unha serie de camisolas para difundir o Centro de Educación Ambiental de As Corcerizas.

Estas camisolas de comercio xusto, algodón ecolóxico e con tintes á auga, foron feitas en colaboración coa empresa Mandacaru.

Disponibeis xa no local de Ourense (Rúa da Concordia, 20 – 2º Esq) e no propio Centro …a 10 euros!!!
Colabora con Amigos da Terra, axudanos a difundir As Corcerizas!

Comparte e goza compartindo:

Finalizamos con enerxía positiva o XIV Encontro Ibérico de Ecoaldeas

Rebeca Carreiro — Thu, 08 Sep 2011 12:06:58 +0000

Preto de 300 persoas procedentes de diferentes localidades, de varias xeracións e con distintos intereses, reuníronse a finais de agosto en As Corcerizas durante 5 días para falar, escoitar, aprender e intercambiar todo aquelo válido para vivir en comunidade, buscando unha forma de vida máis humana, máis respetuosa e sobre todo máis sinxela.

Houbo unha grande variedade de temas – obradoiros a tratar: comunicación, resolución de conflictos, educación, proxectos, bioconstrución, permacultura, enerxías renovables, entre outros. Tamén houbo espazo para presentar proxectos existentes de Ecoaldeas e ofertar outros novos que se están a por en marcha.

Ademáis dos obradoiros e charlas, o Encontro tivo moi bos momentos, coma por exemplo as noites, cheas de actuacións, representacións teatrais, humor, música tradicional galega, danza, en fin, boas noites de festa acompañadas do son da música e as palmas.

Resultou asombrosa a fluidez do Encontro e do ben que responderon as persoas participantes. Foi unha grata experiencia para todas/os nós, marchando cargadas/os de enerxía positiva e sentindo como As Corcerizas, tamén se cargou de emocións, sentimentos tan positivos e esperanzadores que desprende un novo sopro de aire fresco.

Aquí vos deixamos unha galería fotográfica que é unha pequena mostra deste grande acontecemento:

Ver todas as fotos (454 fotografías en formato web)
Descarregar a selección de fotos especial Corcerizas (Estas 108 fotografías 11MB)

Comparte e goza compartindo:

Curso avanzado de Bioconstrución e Monográfico sobre Cal. PRAZAS CUBERTAS

Paula Vidal — Tue, 06 Sep 2011 17:13:38 +0000

Formación dirixida a autoconstrutores/as, estudantes e profesionais da construción e bioconstrución, arquitectura, urbanismo, enxeñeiría, xestión do territorio, calidade ambiental, etc.

40 horas presenciais. Certificado de asistencia.

Prazas Limitadas!

Cursos financiados pola rede de Amigos de la Tierra

Podes inscribirte na formación completa ou participar só nun dos cursos:

Curso de Bioconstrución, 20 horas

Módulo 1 – Sistemas construtivos e materiais (15h.): 30 Setembro, 1 e 2 de Outubro
Módulo 2 – Térmica do edificio (5h.): 7 de Outubro

Monográfico de Rehabilitación e Construción con Cal, 20 horas

Módulo Teórico – Por que o emprego de cal nos edificios? Aplicacións e beneficios do emprego da cal na construción e rehabiltación
Módulo Práctico – Elaboración de morteros de cal; revocos exteriores e interiores; solos de cal

Consulta os contidos e condicións de inscrición:

Imparten a formación:

Guido Tomasini, artesano e bioconstrutor

Suso López Taboada, Montaxes Lagoa-enerxías renovables

Monique Cerro, especialista en restauración de construcións antigas, asociación Oïkos información, formación e educación en Eco-construción, Francia

Romain Denisot, responsable de formación e técnico en Eco-construción, asociación Oïkos información, formación e educación en Eco-construción, Francia

Ana Belén Albo López, responsable de área técnica de FAIMEVI, Fundación Axencia Intermunicipal da enerxía de Vigo

Paula Vidal, responsable de formación en Amigos da Terra

Curso de Bioconstrución, 20h. Contidos:

Módulo 1 – Sistemas construtivos e materiais (15h.): 30 Setembro, 1 e 2 de Outubro

Introdución: Bioconstrución, Enerxías Alternativas e Xestión de Residuos.
Concepto de Pegada ecolóxica.
Principios de bioconstrución
Materiais de bioconstrución: Análise do Ciclo de Vida (ACV) e criterios de selección
Sistemas construtivos e técnicas
Aplicación práctica: estudio de caso e análise comparativa de diferentes solucións técnicas

Módulo 2 – Térmica do edificio (5h.): 7 de Outubro

Sentirse cómodo/a a nivel térmico
Pérdidas térmicas
Estratexias de eficiencia térmica

- Illamento
- Estanqueidade do aire
- Regulación higrométrica do edificio

Indicadores de eficiencia térmica dos materiais
Rehabilitación térmica e Casas pasivas
Marco legal sobre a eficiencia enerxética en edificios

Monográfico de Rehabilitación e Construción con Cal, 20h. Contidos:

Curso práctico: 8 e 9 de Outubro

MÓDULO TEÓRICO
Por que o emprego de cal nos edificios? Aplicacións e beneficios do emprego da cal na construción e rehabiltación

Contidos a tratar
• Funcionamento higrotérmico dos edificios antigos
• Química da cal
• Proceso de fabricación da cal
• Características da cal
• Usos da cal
• Elaboración de morteiros de cal:

-para remates
-para planchadas
-con función illante
-con función de corrección térmica

MÓDULO PRÁCTICO
Elaboración de diversos tipos de morteiros de cal, en función dos uso e condicións, e de pinturas

•Elaboración de morteiros

-composición
-ferramentas
-condicións climáticas
-usos

• Aplicación dos diferentes morteiros
• Pintura con cal “ao fresco”

Datas e Horarios:

Curso Bioconstrución Módulo 1: Recepción e aloxamento o venres 30 de setembro a partir das 20.30h.; remate o domingo ás 19.30h.
Curso Bioconstrución Módulo 2: Venres 7 de outubro en horario de 16.00h. a 21.00h.
Monográfico de Cal: sábado 8 de outubro inicio ás 9.30h.; remate o domingo ás 21.00h.

Prezos:

Prezo conxunto do Curso de Bioconstrución e Monográfico de cal: 200€; 175€ para socios/as de Amigos da Terra. Inclúe a matrícula, o aloxamento e a manutención, con alimentos de produción ecolóxica local e comercio xusto na medida do posible, das dúas fins de semana.
Prezos por separado:

Curso de Bioconstrución: 120€; inclúe matrícula, aloxamento e manutención (cea do día 30 por conta propia). Opción só matrícula 75€ (aloxamento e manutención por conta propia).
Monográfico de cal: 120€; inclúe matrícula, aloxamento e manutención. Opción só matrícula 75€ (aloxamento e manutención por conta propia)

Envía a túa inscrición:

Máis información:

986 125 171
info@ascorcerizas.com

Envía a tarxeta e axúdanos a difundir o curso!

Comparte e goza compartindo:

As Corcerizas acolle o XIV Encontro de Verán da Rede Ibérica de Ecoaldeas

Rebeca Carreiro — Tue, 02 Aug 2011 12:24:52 +0000

Galego | Castellano

Este verán, do 25 ao 30 de agosto, As Corcerizas acollerá o XIV Encontro de Verán da Rede Ibérica de Ecoaldeas.

Será un momento onde compartir experiencias e coñecementos que nos axuden a transformar de xeito creativo as nosas vidas e o noso entorno hacia novos modelos de convivencia que velen pola sostibilidade, a autoxestión e o respeto por minorías e maiorías.

Realizaránse un total de 28 obradoiros, charlas, experiencias e demais actividades coas que poder trazar a nosa propia ruta por este universo eco aldeano.

Ademais, haberá espazo para os momentos autoxestionados que xorden nestes encontros de verán: música, videoforum, obradoiros, bailes, etc…

Información ampliada sobre a organización do Encontro Ecoaldeas 2011:

Queremos volver atoparnos no espazo do posible, compartir e comprender o proceso que habemos de realizar como persoas para materializar aquí e agora a opción das eco aldeas e os proxectos comunitarios.

Un momento festivo onde compartir experiencias, comprobar o valioso das ideas e o difícil da súa implementación e divulgar coñecementos que nos axuden a transformar de maneira creativa as nosas vidas e a nosa contorna cara novos modelos de convivencia que velen pola sustentabilidade, a autoxestión e o respecto por minorías e maiorías.

A parte educativa deséñase e organiza desde a propia RIE que propón un encontro moi creativo no que cada un poida achegarse –segundo as súas particulares necesidades– a unha visión holística dos temas que animan a rede.

Divididas en catro dimensións, atoparemos unha serie de 28 talleres, charlas, experiencias e demais coas que trazar a nosa propia ruta por este universo eco aldeán.

Esas 4 dimensións son:

Social e comunitaria: Nela abordaremos os criterios sobre os que construír comunidades sas e equilibradas. Aspectos como os liderazgos, as tomas de decisións, o activismo social, a comunicación non violenta, a xestión emocional e do Poder, por exemplo, axudarannos a descubrir a evidente necesidade de dispor dunha boa caixa de ferramentas de facilitación para chegar a bo porto nos nosos proxectos colectivos.
Ecolóxica: Prácticas como a agricultura biolóxica, a Permacultura, como calcular a pegada ecolóxica, a pegada hídrica, a autoxestión enerxética, a auga Viva, a bioconstrucción, os biocombustibles, as iniciativas en transición, por exemplo, terán cabida durante os talleres deste apartado.
Económica: Encamiñándonos sempre cara á autoxestión das nosas economías, trataremos de enunciar e compartir moitas das prácticas e accións que podemos establecer para depender menos do capital e defender os dereitos da Terra, con ferramentas e experiencias prácticas. Biorexionalismo, cooperativas, investimentos éticos, moedas locais, decrecimiento, alternativas a unha economía baseada na produción e a depredación.
Espiritual: Unha comunidade é algo máis que unha suma de individuos. Abordaremos coas ferramentas das que dispomos, esa dimensión invisible –pero non por iso inexistente– que ha de conformar ese “espírito” presente en cada comunidade ou proxecto comunitario. É a forza de gravidade que mantén unidos aos membros do grupo e dirixe o seu labor e dálle máis ou menos brillo. A fame polos símbolos, ritos e mitos segue estando presente nos nosos procesos, pois é a través deles como conectamos con outras dimensións máis sutís máis aló da nosa propia individualidade.

Programación:

PDF Programación do Encontro

Inscricións:

PDF Datos e Ficha de Inscrición
Báixate o PDF encheo e envíao a lakabeko@gmail.com ou chama ao 630 58 47 87

Mercadiño de troco

Este ano realizaremos no Encontro un mercadiño de troco, trocaremos os produtos que traias, (CD, DVD, libros, roupa, artesanía, pequenos aparellos, etc.) por puntos, que vos servirán para intercambiar por outros produtos.

Ademais, está claro, dos numerosos espazos creativos e autoxestionados que xorden nos encontros de verán da RIE, música, nenos, cineforum, baile, talleres instantáneos… etc.

Cómo chegar

Podes consultar e descargarte o plano e as indicacións de como chegar a A Corcerizas en coche, caravana, bus, tren, bici, andando… premendo aquí

Qué levar

Útiles para comer (prato, cubertos, vaso, gardanapos de tea).
Para as persoas que dormen no albergue: saco de durmir, chanclas e toalla.
Para as persoas que van facer algunha ruta: botella que se poida reencher para levar auga.
Recomendamos: Roupa de abrigo, lanterna, gorra, protector solar, esterilla, chuvasqueiro

Algúns datos de interese

A auga das billas das instalacións e da fonte é potable, de manantial.
Haberá duchas exteriores e baños secos para completar os servizos das instalacións.
Á chegada ás Corcerizas entregarase un plano coas zonas de acampada, aparcadoiro e servizos principais, e explicarase como proceder para a correcta xestión dos residuos.
A alimentación será ovolactovegetariana; elaborada con alimentos procedentes da agricultura ecolóxica local e comercio xusto (na medida do posible).
As Corcerizas está situado en plena Serra de San Mamede, estando prohibido facer lume nesta época do ano. Habilitaremos un PEQUENO espazo por se algunha persoa necesita utilizar hornillo ou cámping gas.
Durante o Encontro NON teremos capacidade para albergar a cans ou mascotas, así que por favor absterse de traer animais.
No pobo Arnuide hai un pequeno supermercado e panadaría, o horario e contacto son:

Supermercado Prol (Narciso) 988 44 93 80
de luns a sábado: 10:00 – 13:30 e de 16:00 – 20:30/21:00
domingo: de 10:00 – 13:30

Panadaría (o domingo non cocen): Avelina 988 44 91 03

Contacta con As Corcerizas (Amigos da Terra)

Correo electrónico: info@ascorcerizas.com
Local de Amigos da Terra en Ourense: 988 374 318
Albergue As Corcerizas: 988 302 403
Móbil: 677 292 557

Máis información sobre Ecoaldeas e a RIE en: www.ecoaldeas.org

As Ecoaldeas son asentamentos que viven buscando e creando modelos que integren o equilibrio entre o ecolóxico, o social, o cultural, o económico, o tecnolóxico, o político, o espiritual…

Non deixes pasar este momento!!

Comparte e goza compartindo:

Un novo Campo de Traballo que deixa pegada en As Corcerizas

Paula Vidal — Tue, 02 Aug 2011 09:29:03 +0000

Rematamos o campo de traballo de bioconstrución moi satisfeitas/os dos resultados obtidos, da convivencia e o bo ambiente de cooperación e traballo conxunto que se creou, acompañado por suposto de moitas risas!

Tomando a bioconstrución como fío conductor, creamos entre todos e todas as participantes un campo multidisciplinar de reflexións, opinións e experiencias desde distintas temáticas ambientais, sociais, e diferentes puntos de vista.

Revocamos con barro a parede interior do edificio do comedor, continuando o traballo inciado polo grupo do campo do verán pasado e coa colaboración de Guido Tomasini, artesano e bioconstrutor
Fixemos ladrillos de adobe para a construción de baños secos para o encontro da Rede Ibérica de Ecoaldeas
Renovamos con aceites naturais as vigas das cubertas vexetais dos edificios
Pintamos o albergue co asesoramento do Pintor de Quins
Plantamos acivros e acondicionamos a nova zona de creación do biotopo para ir recuperando o contorno

E todas estas actividades combinadas con animación, obradoiros, excursións pola montaña,visita á cidade de Ourense e á costa galega, etc., afianzaron o grupo e deron a oportunidade de que persoas de todo o estado español e 3 participantes de Uruguay coñecesen os recursos naturais e culturais de Galicia.

Aquí podedes ver as fotos e algúns vídeos dos 12 días do campo!

Comparte e goza compartindo:

Participa no Voluntariado Ambiental para a prevención e defensa contra os incendios forestais

Montse Fernández — Tue, 19 Jul 2011 08:38:21 +0000

Amigos da Terra convídavos a participar na prevención, vixilancia e defensa dos nosos bosques, a través do programa “Voluntariado ambiental para a prevención e defensa contra os incendios forestais”. Este programa, é un proxecto de educación ambiental multidisciplinar posto en marcha pola Dirección Xeral de Xuventude e Voluntariado, e pola Dirección Xeral de Montes da Consellería de Medio Rural, en Lóuzara-Samos e na Serra de San Mamede.

O obxectivo principal do mesmo é sensibilizar e infundir nos/nas participantes criterios e coñecementos básicos sobre a prevención, información e vixilancia contra os incendios forestais, que os motiven e capaciten para valorar e conservar os nosos bosques.

Este ano, prodúcese ademais a concorrencia de dous grandes feitos; por un lado, o ano 2011 foi declarado polo Consello Europeo “Ano Europeo das Actividades de Voluntariado que Fomenten unha Cidadanía Activa” e, por outro, o 20 de decembro de 2006 a Asemblea Xeral de Nacións Unidas declarou 2011 como “Ano Internacional dos Bosques”, invitando aos gobernos, ONG, sector privado e a todas as organizacións e cidadáns a facer esforzos concertados para concienciar e fortalecer en todos os niveis a conservación e o aproveitamento sustentable dos ecosistemas forestais en beneficio das xeracións actuais e futuras.

Actividades a desenvolver:

Formación ao voluntariado sobre prevención e vixilancia contra os incendios forestais.
Obradoiro de prevención de incendios forestais.
Obradoiro básico de cartografía-orientación-comunicación.
Roteiros de vixilancia temperá pola Serra para a detección de posibles lumes forestais andando e en bicicleta, con estruturación e organización dos equipos para poder abarcar o maior campo de visión posible: zonas altas con gran campo de visión e zonas baixas para a detección temperá de incendios difíciles de detectar desde as casetas de vixilancia.
Vixilancia disuasiva polas zonas potencialmente perigosas polos incendios.
Recoñecemento de flora e fauna de montaña.
Observación de ecosistemas forestais e interpretación da paisaxe.
Labores de información e sensibilización á poboación local.
Visita á Caseta de Vixilancia Ambiental do Alto da Serra de San Mamede

Datas e número de participantes na Serra de San Mamede:

Xullo: do 29 ao 31 (25 participantes)
Agosto: do 5 ao 7 (15 participantes) POSPOSTO
Agosto: do 12 ao 14 (25 participantes) POSPOSTO
Agosto: do 19 ao 21 (25 participantes)
Setembro: do 2 ao 4 (25 participantes)
Setembro: do 9 ao 11 (25 participantes)

O programa inclúe:

Aloxamento e pensión completa no albergue.
Programa de actividades e monitores.
Seguro de accidentes e de responsabilidade civil.

O desprazamento ata o albergue será por conta dos/das participantes.

Condicións xerais:

Poderán participar no programa voluntarios e voluntarias que teñan cumpridos os 18 anos no momento da súa participación.
Deberán levar os útiles de aseo persoal, toallas, chancletas para a ducha, roupa cómoda, roupa de abrigo e de auga, botas de montaña, calzado deportivo e lanterna. Obrigatorio levar saco de durmir.

Participantes e inscricións:

Todos os voluntarios e voluntarias que estean dispostos a colaborar neste proxecto poden inscribirse a través do formulario que aparece na web www.voluntariadogalego.org.

Comparte e goza compartindo:

Comezamos un novo Campo de Traballo sobre Bioconstrución

Paula Vidal — Wed, 13 Jul 2011 10:14:01 +0000

Logo da boa experiencia do pasado ano, damos comezo nesta campaña de verán, un novo Campo de Traballo sobre Bioconstrución. O venres 15 de xullo recibiremos a 20 persoas de todo o estado español, con novas ilusións e capacidades para compartir, durante 12 días, experiencias e alternativas para vivir dun xeito máis coherente co contorno natural e social.

Este Campo de Traballo forma parte do programa Acción de Verán, campaña que convoca a Consellería de Traballo e Benestar a través da Dirección Xeral de Xuventude e Voluntariado, e colabora o Concello de Ourense.

Adicaremos as mañás á formación e traballos de bioconstrución, contando con colaboradores como Guido Tomasini para o emprego de barro ou o Pintor de Quins para aplicación de pinturas naturais.

Completaremos o programa con outros temas relacionados coa conservación do patrimonio, etnografía, xestión sustentable do monte, etc., con roteiros, obradoiros, e moitas outras actividades de animación e lecer.

Os/as participantes tamén terán a oportunidade de coñecer a costa galega, outros xeitos de ocupar e construir segundo o clima e materiais. Visitaremos tamén a cidade de Ourense, a través dunha visita guiada polo casco histórico e rematando nas termas, gracias á colaboración da Concellería de Turismo, Industria, Comercio e Termalismo do Concello de Ourense.

Comparte e goza compartindo:

Finalizamos o Campamento de Verán do Concello de Pontevedra

Rebeca Carreiro — Tue, 12 Jul 2011 10:44:06 +0000

Rematado o campamento de verán 2011 do Concello de Pontevedra, onde durante 10 días os/as nenos/as desfrutarón no Centro de Educación Ambiental As Corcerizas, dunha gran variedade de actividades lúdicas e educativas, sempre en contacto coa natureza.

Nestes días tiveron a oportunidade de descubrir novas paisaxes, novas amizades, novas sensacións, sempre a través de xogos e dinámicas en grupo, desenvolvendo a sensibilidade e favorecendo o traballo en equipo.

Esperamos que recordedes con ilusión estes 10 días que pasamos xuntas/os!!!

Aquí tedes un pequeno agasallo

Comparte e goza compartindo:

Comeza o campamento de verán co Concello de Pontevedra

Rebeca Carreiro — Thu, 30 Jun 2011 09:07:05 +0000

Damos comenzo ao campamento de verán co Concello de Pontevedra dentro do programa PONTEVERÁN 2011 da Concellaría de Xuventude, no que participaran un total de 51 nenos/as de entre 8 e 14 anos.

Durante 10 días nenos e nenas disfrutarán dunha gran variedade de actividades lúdicas e educativas dentro dun entorno privilexiado coma é o Centro de Educación Ambiental As Corcerizas, descubrindo a través de xogos e dinámicas de grupo, de xeito lúdico e divertido, o fascinante entorno da serra; realizarán actividades en contacto coa natureza, desenvolvendo a sensibilidade que permite identificar os valores humanos e de convivencia na mesma.

Ademais terán a oportunidade para a recreación e o esparexemento, onde os/as nenos/as aprenderán e interactuarán coa natureza dunha forma ordeada e amigable.

Comparte e goza compartindo:

Continuamos con novas experiencias no Voluntariado en Espazos Naturais

Paula Vidal — Tue, 28 Jun 2011 10:27:56 +0000

Continuamos coas actividades de voluntariado no monte en As Corcerizas. Ademais da colaboración dos/as novos/as participantes no acondicionamente do contorno, unha vez mais disfrutamos de novas experiencias:

Na fin de semana do 17-19 de xuño aprendimos a recoñecer as especies de anfibios e reptís da Serra de San Mamede, construindo un refuxio somentes de pedras con ramas. Pinchade para ver as fotografías.

Na fin de semana do 24-26, a actividade de sensibilización sobre a xestión forestal sostible completouse coa explicación e inicio dun asentamento de formigueiros como medida de control biolóxico e mellora da biodiversidade do monte. Tamén tedes dispoñibles as fotos das actividades.

Coñecer o noso contorno é o primeiro paso para amalo e conservalo. Agradecemos a Alberto Ribero e Xosé Santos a súa colaboración para achegarnos un pouco mais a esta finalidade!

Comparte e goza compartindo:

Últimas prazas para os campamentos de Amigos da Terra!!

Rebeca Carreiro — Fri, 17 Jun 2011 10:59:32 +0000

Queres reservar un campamento de verán? Pois date prisa, aínda quedan prazas dispoñibles!!
Descarga aquí toda a información e reserva xa o teu campamento con Amigos da Terra!

Será unha oportunidade para todos os nenos e nenas que desexen convertirse durante estas vacacións de verán en intrépidos/as exploradores; coa a axuda dos/as monitores, descubrirán os segredos máis ocultos da Serra de San Mamede.
O campamento se desenvolverá nun marco de convivencia, respeto, traballo en equipo e cooperación, cun divertido programa de actividades que combina xogos, xincanas, multi-aventura, obradoiros e dinámicas de grupo.

DATAS: 1 a 8 de agosto de 2011
IDADES: 8 a 11 anos e 12 a 15 anos
PREZO: 335 euros; 300 euros para socios/as de Amigos da Terra

Non deixes pasar a oportunidade para este verán!!
Inscríbete!!
(Data límite de inscrición: 11 de xullo)

Comparte e goza compartindo:

Compartimos os resultados do curso de construción con barro!

Paula Vidal — Thu, 02 Jun 2011 15:17:52 +0000

Nesta pasada fin de semana disfrutamos á vez que nos capacitamos nesta forma de construir e rehabilitar edificacións, co obxectivo de actuar dende a nosa vida cotiá, os nosos proxectos, e poder difundir con argumentos esta alternativa á construción convencional.

Para Amigos da Terra ser referentes no ecoloxismo non é mais que demostrar a viabilidade de todas as alternativas que defendemos como asociación e que demostran unha vez máis que o que antes se definía como utopía pode ser unha nova realidade.

Agradecemos especialmente a Guido Tomasini a oportunidade de mostrarnos todas as posibles técnicas do manexo deste material e de sumerxirnos neste apaixonante mundo.

Ademais das explicacións, preparación das diferentes masas de barro e demais materiais, levamos á práctica principalmente 4 técnicas de construción con barro cru:

Trenzado con avelaira e revoco con barro para tabiquería interior
Realización de ladrillos
Tapial, construción de muros de carga
Revocos con distintos tipos de barro e proporcións de materiais

Neste enlace podedes ver todas as fotos do curso!

Comparte e goza compartindo:

Finaliza a edición 2010-2011 do Proxecto Terra en As Corcerizas

Analia Moares — Wed, 01 Jun 2011 08:17:52 +0000

Coa visita do Ies Rodeira de Cangas o pasado 26 de maio, dámos por finalizadas as xornadas educativas en As Corcerizas dentro dos Intercambios territoriais previstos na programación do Proxecto Terra para curso 2010-2011.

Entre os meses de abril e maio case 200 escolares de 12 a 18 anos, chegados de diferentes pontos de Galicia, puideron comprobar en 1ª persoas as vantaxes e beneficios da bioconstrución e arquitectura bioclimática; tomando consciencia da diversidade e evolución das construcións e dos asentamentos no territorio galego.

A visita educativa polas propias instalacións de As Corcerizas, obradoiro de construción con barro, roteiros interpretativos pola Serra de San Mamede ou actividades de etnografía cos propios habitantes dos pobos da Serra, foron algunhas das actividades desenvoltas dentro do Programa.

Os Institutos integrados no Proxecto Terra que se desenvolveron nesta edición parte das actividades educativas en As Corcerizas foron:

IES Eusebio da Guarda (A Coruña)
IES Abrente (Ribadavia)
IES A Sangriña (A Guarda)
IES A Cañiza (Pontevedra)
IES Rodeira (Cangas)

Agradecemos a participación dos diferentes Centros e animamos aos que non o coñecen a descubrir e disfrutar deste interesante Proxecto!

Felicitar ao Colexio Oficial de Arquitectos de Galicia (COAG) polo PREMIO NACIONAL DE URBANISMO que lle foi concedido pola Secretaría de Estado de Vivenda e Actuacións Urbanas do Ministerio de Fomento polo “Proxecto Terra“.

Comparte e goza compartindo:

Introdución ao coñecemento dos anfibios e reptís. Bioloxía e conservación

Rebeca Carreiro — Fri, 27 May 2011 12:08:39 +0000

Amigos da Terra convídavos a participar un ano máis nas IV Xornadas de Rastros e Sinais de Fauna que se celebrará o día 12 de xuño no Centro de Educación Ambiental As Corcerizas.

Esta xornada estará adicada aos hérpetos: anfibios e reptís, aportando toda a información necesaria para coñecer máis sobre a bioloxía e a conservación destas especies.

Nesta xornada non só trataremos cuestións coma: épocas reproductivas, postas, metamorfose, etc, senón que iremos máis alá, queremos “ coñecer para conservar” a este grupo de animais silvestres moi amenazados, non só pola acción do ser humano no seu desenvolvemento, senón polos factores do cambio climático que condicionan as diferentes etapas polas que pasan os anfibios e reptís.

Ademais ofertamos para o sábado pola noite, unha saída nocturna, a realización dun transecto para a identificación de anfibios, tanto visualmente coma por sinais indirectos (cantos).

Nesta saída poderemos identificar Alytes obstetricans, Hyla arbórea, Bufo calamita, e se temos sorte e somos pacientes algunha máis.

Obxectivos

Fortalecer os coñecementos dos/as participantes en aspectos taxonómicos, ecolóxicos, zooxeográficos, reproductivos, morfolóxicos e evolutivos dos anfibios e reptís.

Aprender técnicas de estudio e conservación para ambos grupos.

Contidos da xornada

Taxonomía en Anfibios e Reptís
Orixen e evolución dos Anfibios e Reptís
Adaptacións e características
Catálogo de especies españolas
Identificación de especies
Conservación de Anfibios y Reptiles (estado de conservación, factores de ameaza, especies invasoras, etc

Horario:

Sábado chegada a partir das 19:00 no albergue de As Corcerizas.
Domingo de 10:30 a 19:00 aproximadamente

Inscricións:

Nº de prazas limitadas
Prezo das xornadas de Rastros e Sinais da Fauna: 12 €
Prezo do albergue para o sábado: 11 €

Envía a ficha cuberta a info@ascorcerizas.come contactaremos contigo.

Inscricion-rastros-formato.doc

Inscricion-rastros-formato.odt

Comparte e goza compartindo:

Curso práctico de Educación Ambiental, inscríbete!

Paula Vidal — Wed, 18 May 2011 13:06:23 +0000

Amigos da Terra desenvolverá o vindeiro 4 e 5 de xuño o curso Recursos prácticos de educación ambiental no tempo libre, co que se pretende poñer en valor as ideas e capacidades dos monitores/as, reforzando o papel como educadores/as e nutrindo a vía para a profesionalización do sector do ocio e tempo de lecer.

Os fundamentos teóricos levaranse a cabo a través de actividades de participación e debate, seguido de aplicacións prácticas. Traballaremos como abordar algunhas problemáticas ambientais difíciles de incorporar en programas de animación e tempo libre, como por exemplo o cambio climático, e como capacitar para a acción.

Datos de interese:

Datas e Horario: 4-5 de xuño de 2011; o curso dará comezo o sábado 4 ás 10.30h e rematará o domingo 5 ás 19.00h

Prezo: 75 €; 60 € para socios/as de Amigos da Terra. Inclúe matrícula, aloxamento e alimentación procedente de agricultura ecolóxica local e comercio xusto, na medida do posible.

Destinatarios/as: monitores/as e directores/as de tempo libre, educadores/as ambientais e calquera persoa interesada nos obxectivos do curso.

A educación ambiental é unha ferramenta básica para os/as directores/as e monitores/as de ocio e tempo de lecer, pois son potenciais transmisores/as de aptitudes, coñecemento e valores, producindo nos seus receptores cambios actitudinais que lles fagan ser máis respectuosos co medio, xustos, críticos e conscientes das súas actuacións.

Obxectivos

Adquirir coñecementos, aptitudes e ferramentas para incorporar a compoñente ambiental nas actividades de animación e programas de ocio e lecer.
Aportar ferramentas para a realización de obradoiros ambientais en campamentos.
Capacitar para a creación de recursos didácticos empregados nas actividades de educación ambiental.
Achegar estratexias e ferramentas para o guiado de grupos nunha ruta ambiental.

Contidos

Bloque 1

Bases metodolóxicas da educación ambiental.
O papel do/a monitor/a de ocio e tempo de lecer como educador/a ambiental.
Estratexias básicas de comunicación.
Deseño de recursos e materiais.
Modalidades e técnicas de avaliación.

Bloque 2

Recursos prácticos para a educación ambiental.
Actividades en equipamentos de Educación Ambiental.
Actividades nun entorno natural.
Realización de casos prácticos.

Inscricións:

Envía a ficha cuberta a info@ascorcerizas.com e contactaremos contigo. As plazas son limitadas!

Comparte e goza compartindo:

II Fin de semana de Voluntariado Ambiental en Espazos Naturais

Montse Fernández — Fri, 13 May 2011 16:34:52 +0000

As Corcerizas acolle dende hoxe e ata o domingo, a segunda fin de semana de Voluntariado Ambiental en Espazos Naturais, un proxecto de educación ambiental multidisciplinar posto en marcha pola Dirección Xeral de Xuventude e Voluntariado, e pola Dirección Xeral de Conservación da Natureza, na Serra de San Mamede (Macizo Central Ourensán) e na Baixa Limia (Serra do Xurés). Nesta ocasión, despois de facer un roteiro na busca e interpretación de rastros animais e profundizar no coñecemento da situación do lobo en Galicia, abordaremos unha temática de conexión coa Terra, dando renda solta á nosa imaxinación creando obras de “Land Art”.

Esta modalidade artística, trata de pór en relación directa ao ser humano co seu contorno e coa natureza, considerando que a obra de arte debe estar ao alcance de todos, como un elemento paixístico máis, e disfrutándoo do mesmo xeito que dunha montaña, dunha cala costeira o dun bosque de árbores centenarias.

O programa de Voluntariado Ambiental en Espazos Naturais continuará durante o vindeiro mes de xuño en As Corcerizas (do 17 ao 19, e do 24 ao 26). Todos os voluntarios e voluntarias que estean dispostos a colaborar neste proxecto poden inscribirse a través do formulario de inscrición da web de voluntariadogalego.org da Xunta, ou chamando ao Teléfono Solidario 900 400800.

Comparte e goza compartindo:

Apúntate ao Monográfico de Construción e Rehabilitación con Barro

Paula Vidal — Tue, 26 Apr 2011 16:24:03 +0000

Os días 28 e 29 de maio, Amigos da Terra e o experto artesano e bioconstrutor Guido Tomasini levaremos a cabo o curso de Construción e Rehabilitación con Barro

O barro é un dos primeiros materiais empregados pola humanidade para a construción, contando cunha serie de propiedades que o situan hoxe en día nun material de preferencia en bioconstrución.

Xunto a outros materiais que manexaremos no curso, como palla ou mimbre, a facilidade de extracción, preparación e emprego, facilita o uso do barro en proxectos de auto-construción.

O obxectivo deste curso é mostrar, a través da práctica, esta posible alternativa para poder levar a cabo construcións e actividades de rehabilitación con barro nos nosos propios proxectos (vivenda, local social, traballo, etc.)., aplicando diferentes técnicas con barro cru.

CONTIDOS DO CURSO:

Sábado pola mañá

Criterios básicos de bioconstrución, materiais e técnicas
Eficiencia enerxética e emprego de enerxías alternativas
Beneficios e usos da construción con barro

Sábado pola tarde e domingo todo o día

Posta en práctica das diferentes técnicas de construción con barro cru: muros macizos (tapial); paredes divisorias (aplicación da técnica de trenzado con mimbres de castiñeiro, avelaira e xesta); ladrillos, recubrimientos; chans; etc.

PREZO: 100 €; 85 € para socios/as de Amigos da Terra. Inclúe a matrícula, o aloxamento e a manutención, con alimentos de produción ecolóxica local e comercio xusto, na medida do posible.

INFORMACIÓN E INSCRICIÓNS: EN COLABORACIÓN:

986 125 171
info@ascorcerizas.com

Inscricion curso barro formato odt

Inscricion curso barro formato doc

Comparte e goza compartindo:

Fins de semana de voluntariado ambiental en San Mamede. Apúntante xa!

Analia Moares — Fri, 15 Apr 2011 12:48:17 +0000

Amigos da Terra anímavos a fomar parte activa da mellora dos nosos montes e a disfrutar dos encantos da montaña ourensá, a través do programa Voluntariado Ambiental en Espazos Naturais.

Un programa de formación e sensibilización en materia de patrimonio natural galego, que ten por obxecto promover o voluntariado a través de actividades de educación ambiental encamiñadas á conservación, recuperación, sostibilidade e divulgación dos valores de distintos espazos naturais de Galicia.

ACTIVIDADES A DESENVOLVER:

Revexetación dunha das balsas do filtro de depuración biolóxica
Creación de refuxios para anfibios e reptis
Restauración e recuperación ambiental de regueiros
Consolidación de pequenos taludes e recuperación da flora preexistente
Acondicionamento e creación dun bosque comestible
Actividades de identificación e conservación de rastros e sinais de fauna
Restauración dos prados pastizais naturais
Fabricación e colocación de comedeiros e caixas niño para aves e morcegos
Formación Xurídico Ambiental
Roteiros pola Serra
….

DATAS E LUGAR DE REALIZACIÓN NA SERRA DE SAN MAMEDE:
Abril: do 29 ao 1 maio.
Maio: do 13 ao 15.
Xuño: do 17 ao 19, e do 24 ao 26.
Cada quenda contará cun máximo de 25 persoas voluntarias.

As actividades e estancia desenvolveranse no entorno do Centro de Educación Ambiental As Corcerizas

O PROGRAMA INCLÚE:
- Aloxamento e pensión completa en albergue.
- Programa de actividades e equipo educativo
- Seguro de accidentes e de responsabilidade civil.
- O desprazamento ata o albergue será por conta dos participantes.

CONDICIÓNS XERAIS:
Poderán participar no programa voluntarios e voluntarias que teñan cumpridos os 18 anos no momento da súa participación.
Deberán levar os útiles de aseo persoal, toallas, chancletas para a ducha, roupa cómoda, roupa de abrigo e de auga, botas de montaña, calzado deportivo e lanterna. Obrigatorio levar saco de durmir.

INFORMACIÓN E INSCRICIÓNS
Todos os voluntarios e voluntarias que estean dispostos a colaborar neste proxecto poden inscribirse a través do formulario de inscrición da web de voluntariadogalego.org da Xunta, ou chamando ao Teléfono Solidario 900400800.

Este programa é un proxecto de educación ambiental multidisciplinar posto en marcha pola Dirección Xeral de Xuventude e Voluntariado, e pola Dirección Xeral de Conservación da Natureza; na Serra de San Mamede (Macizo Central Ourensán) e na Baixa Limia (Serra do Xurés)

Comparte e goza compartindo:

Cualifícate en Interpretación do Patrimonio. Prazo aberto de inscrición

Paula Vidal — Tue, 12 Apr 2011 18:09:26 +0000

Amigos da Terra abre a convocatoria de inscrición para o Curso Aplicación da Interpretación do Patrimonio como Estratexia de Comunicación e Instrumento de Xestión.

Entendendo a Interpretación do Patrimonio como un arte, trátase de transmitir sensacións, sentimentos relevantes ao público, e despertar actitudes positivas para a conservación e coñecemento do noso patrimonio.

Trasladaremos esta definición na práctica aplicando esta potente estratexia de comunicación no medio natural en As Corcerizas e no medio urbano en Vigo.

DATAS E LUGAR: 7 e 8 de maio en As Corcerizas; 13, 14 e 15 de maio en Vigo.

DURACIÓN: 40 horas

PREZO: 175 € e 150 € para socios e socias de Amigos da Terra. O prezo inclúe matrícula do curso e aloxamento e manutención da fin de semana do 7-8 de maio en As Corcerizas.

Consulta os CONTIDOS e máis información sobre o curso.

Temario en base a cursos adaptados á Cualificación Profesional “Interpretación e Educación Ambiental”, segundo o Real Decreto 1224/2009 de Recoñecemento das Competencias Laborais.

DESTINATARIOS/AS:

Educadores/as ambientais
Guías de turismo
Axentes de desenvolvemento local
Persoas interesadas nos contidos do curso

IMPARTEN ESPECIALISTAS NA MATERIA E FORMADORES:

Antón Lois, experto educador e intérprete ambiental; empresa cooperativa Teixugo S. Coop.
Fernando Ramos, experto en comunicación; empresa Ineco Comunicación para el Patrimonio
Enrique Mingote, experto en deseño; empresa Ineco Comunicación para el Patrimonio

Unha vez apuntado/a, recibirás o programa concreto cos horarios precisos.

Máis información: 986 125 171; cubre a ficha e remite a túa inscrición a info@ascorcerizas.com

inscricion IP formato odt

inscricion IP formato doc

Comparte e goza compartindo:

Últimos días para a inscrición no curso de “Ecoteatro”

Paula Vidal — Tue, 05 Apr 2011 10:54:32 +0000

Ao longo desta semana ainda tedes a oportunidade de inscribirvos ao curso de Ecoteatro, baixo o título de A Educación Artística como Recurso Comunicativo e de Participación, que se celebrará o 16 e 17 de abril.

Consulta a información pinchando aquí, e apuntate canto antes!

A Dirección Xeral de Xuventude e Voluntariado ampliou o plazo para a recepción de solicitudes durante esta semana. Se tes algunha dúbida contacta con nós en info@ascorcerizas.com

O obxectivo do curso é a capacitación de monitores/as, educadores/as e outros profesionais relacionados cos eidos do tempo libre e a educación ambiental, con novas ferramentas comunicativas e de participación. A través da teatralización, expresión corporal, animación, etc, poderedes mellorar nas vosas intervencións educativas e lúdicas, tanto para o público infantil como adulto.

Comparte e goza compartindo:

Comunicadores e ONGD únense para compartir formación e experiencias

Montse Fernández — Mon, 04 Apr 2011 07:42:18 +0000

Esta fin de semana, celebramos no Centro, o II Curso de Comunicación e Cooperación ao Desenvolvemento, organizado por Amigos da Terra e AGARESO ( Asociación Galega de Reporteiros Solidarios). O curso, dirixido a membros de ONGD e profesionais dos medios de comunicación, pretendeu dar un paso máis na mellora das relacións entre os dous actores, ofrecendo novas ferramentas ás ONGD, para mellorar as mensaxes que lanzan dende as súas organizacións, e aos profesionais dos medios para que poidan comunicar dun xeito máis axeitado e adecuado á realidade do mundo da cooperación e a comunicación social.

As redes sociais como unha oportunidade para dar a coñecer a mensaxe das ONGD, exemplos de comunicación alternativa, análise de campañas publicitarias, así como coñecer en profundidade o que significa a comunicación para o desenvolvemento, foron algúns dos temas tratados durante estes dous días.

Ademais, os asistentes tiveron a oportunidade de realizar unha visita guiada polos equipamentos de As Corcerizas, comprobando o bo funcionamento das enerxías renovables e coñecendo alternativas viables para unha vida cotiá sostible.

Comparte e goza compartindo:

Inscríbete no Curso “A Educación Artística como Recurso Comunicativo e de Participación”

Paula Vidal — Fri, 25 Mar 2011 12:06:05 +0000

Amigos da Terra anímavos a que vos inscribades ao Curso A Educación Artística como Recurso Comunicativo e de Participación, enmarcado no Plan de formación no eido do tempo libre que oferta a Dirección Xeral de Xuventude e Voluntariado.

Os cursos do plan están dirixidos a mozos e mozas en xeral, non obstante terán preferencia os/as monitores/as e directores/as de tempo libre.

DATAS: 15, 16 e 17 de abril. Venres ás 19.30h. ata o domingo ás 19.00h.

DURACIÓN: 20 horas, repartidos en módulos teóricos e fundamentalmente prácticos

INSCRICIÓN: A reserva da praza efectuarase por vía telemática, accedendo á solicitude a través da web www.xuventude.net. Pincha aquí e consulta toda a información precisa.

PRAZAS LIMITADAS!

CONTIDOS DO CURSO

Módulos teóricos:

O teatro ao servizo da educación ambiental: ferramentas para o cambio
A expresión dramática: medio comunicador de valores e técnica transformadora da conduta humana
Principais técnicas para o emprego do teatro como recurso para a intervención socioeducativa no ocio e tempo de lecer

Módulos prácticos:

Emprego dos elementos interventores no fenómeno comunicativo dramático: o corpo, a voz, as emocións, vestiario e elementos de escenografía, as imaxes e os símbolos. Práctica das diferentes técnicas
O eco-teatro: cando a arte crea novas realidades. Creación de animación teatral

COTA DE INSCRICIÓN: 60 €

CONTACTO: maria.del.carmen.suarez.regueira@xunta.es

Comparte e goza compartindo:

Seminario Estatal “Cambio Climático e Biodiversidade. Impactos e Solucións” (PRAZAS CUBERTAS)

Paula Vidal — Wed, 16 Mar 2011 09:42:18 +0000

Amigos de la Tierra e a Fundación Biodiversidad traballamos durante 2010 e 2011 no proxecto Modelización del impacto del cambio climático sobre la biodiversidad vegetal ibérica. Este traballo pretende predecir mediante simulacións estadísticas cál será o impacto do cambio climático sobre a distribución potencial dunha mostra representativa da flora da Península Ibérica.

Co obxecto de dar a coñecer os resultados do proxecto, outros similares e profundizar nos debates sobre metodoloxías, políticas, xestión e solucións ao problema, os días 9 e 10 de abril levaremos a cabo estas xornadas en As Corcerizas, como punto de encontro de axentes do mundo ambiental, académico e do público en xeral.

Contaremos con recoñecidos/as ponentes e excelentes comunicadores/as, consulta o Programa do Seminario e apúntate canto antes!

As xornadas, financiadas pola Fundación Biodiversidad, son gratuítas para os/as participantes, e as plazas son limitadas. Inclúe aloxamento e manutención.

CONTIDOS

A biodiversidade en España
Impactos do cambio climático e biodiversidade
Os marcos lexislativos do cambio climático e a biodiversidade: casos de estudo
Biodiversidade e cambio global: aportando solucións

DATAS: 9 e 10 de abril. Posibilidade de recepción desde o día 8 a partir das 20h.

INSCRICIÓN: cubre a ficha de inscrición e remítea a info@ascorcerizas.com

O prazo de inscrición remata o día 4 de abril

Comparte e goza compartindo:

DÍA DA ÁRBORE: Creación dun bosque de acivros con escolares de Ourense

Analia Moares — Thu, 10 Mar 2011 15:36:50 +0000

Dando continuidade ao labor educativo que levan facendo neste eido Amigos da Terra no Centro de As Corcerizas e o Concello de Ourense na Aula de Natureza do río Miño, propomos para celebrar o Día da Árbore, no Ano Internacional dos Bosques, unha xornada de achegamento ao Macizo Central Ourensán co obxectivo de revalorizar os nosos recursos forestais e iniciar a creación dun bosque de acivros na Serra de San Mamede.

Será este o inicio dun recurso educativo que irá medrando e madurando co paso do tempo e a implicación dos diferentes Centros educativos e persoas que pasan anualmente pola Serra.

DÍA: Luns 21 de marzo
LUGAR: Macizo Central Ourensán, Serra de San Mamede, entorno do Centro de As Corcerizas
PARTICIPANTES: escolares de Ourense

Consulta o Programa do Día da Árbore no Ano Internacional dos Bosques.

Agradecer a donación da totalidade dos acivros a Luis Álvarez, quen coidou ate o seu tamaño de trasplante as arboriñas que ían saindo no seu xardín, na zona de Cerdedo.

Os Centros educativos interesados en participar deberán reservar praza antes do 15 de marzo contactando con Amigos da Terra en:

info@ascorcerizas.com
988 374 318

Organizan:

A Asemblea Xeral das Nacións Unidas aprobou en 2006 a resolución pola que se declaraba 2011 Ano Internacional dos Bosques, co obxectivo de concienciar á opinión pública de que os bosques son esenciais para a sustentabilidade do planeta debido aos beneficios económicos, socioculturais e ambientais que proporcionan.

Comparte e goza compartindo:

II Curso de Comunicación e Cooperación ao Desenvolvemento

Montse Fernández — Mon, 07 Mar 2011 11:33:40 +0000

Amigos da Terra e a Asociación Galega de Reporteiros Solidarios (AGARESO), abren o prazo de inscrición para o II Curso de Comunicación e Cooperación ao Desenvolvemento, que terá lugar os vindeiros 2 e 3 de abril no Centro de Educación Ambiental As Corcerizas.

O curso, dirixido a membros de ONGD e profesionais dos medios de comunicación, pretende dar un paso máis na mellora das relacións entre os dous actores, ofrecendo novas ferramentas ás ONGD para que poidan mellorar as mensaxes que lanzan dende as súas organizacións, e converténdose ao mesmo tempo, nun espazo de reflexión para analizar as oportunidades e retos que ofrece a comunicación social á hora de acadar unha sociedade máis xusta e solidaria.

Estas xornadas, subvencionadas pola Xunta de Galicia a través de Cooperación Galega, son gratuítas para os asistentes. Non se inclúe o desprazamento.

Aquí podedes ver o programa do curso.

O prazo de inscrición remata o vindeiro 28 de marzo. Prazas limitadas.

Para máis información e reservas:
986 125 171 – comunicacion@amigosdaterra.net

Comparte e goza compartindo:

Apúntate ás accións formativas de Amigos da Terra

Paula Vidal — Sun, 06 Mar 2011 08:30:47 +0000

Desde Amigos da Terra adiantámosvos o programa de cursos e outras accións formativas que levaremos a cabo nesta primavera. Cada curso será posteriormente convocado e detallado coa información precisa e a ficha de inscrición correspondente.

Comunicación e Cooperación ao Desenvolvemento, 2-3 de abril
Seminario Estatal Cambio Climático e Biodiversidade, 8-10 de abril
A Educación Artística como Recurso Comunicativo e de Participación, 15-17 de abril
Aplicación da Interpretación do Patrimonio como Estratexia de Comunicación e Instrumento de Xestión, 7-8 e 14-15 de maio
Bioconstrución: Monográfico sobre Barro, 28-29 de maio
Recursos prácticos de Educación Ambiental no Tempo Libre, 4-5 de xuño
Rastros de Fauna: Monográfico sobre Reptís, 12 de xuño

Reserva datas e apúntate canto antes!
Máis información dos Cursos de Amigos da Terra nesta primavera.

Comparte e goza compartindo:

Amigos da Terra chámate á acción no Día Mundial da Eficiencia Enerxética

Paula Vidal — Sat, 05 Mar 2011 08:00:55 +0000

O Día Internacional da Eficiencia Enerxética é unha data para que reflexionemos sobre os nosos hábitos fronte ao uso sostible e racional da enerxía. Ademais temos o dereito de reclamar un maior compromiso de empresas, institucións e gobernos coa redución e o emprego de enerxías renovables.

Apostemos en primeiro lugar pola redución de enerxía e despois pola mellora dos procesos, a reutilización, a reciclaxe e a reorientación da produción cara a produtos menos intensivos en enerxía, con maior valor engadido, menos contaminantes, xeradores de emprego e socialmente útiles. Ademais, os/as consumidores/as, podemos mellorar a eficiencia enerxética dos nosos fogares aplicando unha serie de pequenas medidas no referente ao uso racional da calefacción, os electrodomésticos do fogar, etc…

As Corcerizas non é unha utopía, é a aposta feita realidade dun modelo máis coherente onde podes experimentar a viabilidade de todas estas medidas. Reflexiona e actúa!

Comparte e goza compartindo:

Grande afluencia das Comunidades de Montes ás Xornadas do 27 de febreiro

Analia Moares — Wed, 02 Mar 2011 12:53:52 +0000

Pasadas as xornadas de “O monte como fonte sostible de recursos” podemos dicir que o balance é grandemente positivo.

No entorno das 45 persoas, das diferentes comunidades de montes e axentes implicados no entorno da Serra de San Mamede, déronse cita na mañá do pasado domingo en As Corcerizas, para recibir con atención e interese as valoracións e propostas previstas na programación.

Coa exposición da Guía para propietarios dos terreos eólicos por X. Simón, e as aportación e experiencia de Luis Miguel da Xunta da Galicia, mostráronse as áreas de desenvolvemento eólico que afectaban aos terreos das Comunidades de montes presentes; aportando datos de referencia, valorando posibilidades, e asesorando para que as relacións entre as CMMC e as empresas promotoras sexan os máis xustas e equilibradas posibles.

Gandeiros propietarios de explotacións na Serra acolleron con interese a presentación das experiencias prácticas das Cooperativas de Monte Cabalar e Penamá; reforzándose o valor da xestión integrada do monte coma fonte sustentábel de recursos coa ponencia de Xosé Santos, quen aportou unha visión alternativa aos usos convencionais do monte.

A xornada rematou pola tarde coa visita polo equipamento de As Corcerizas, demostrando a viabilidade dun proxecto educativo en coherencia e respecto polo Medio e os pobos que o rodean.

Agradecer á Fundación Juana de Vega a enteira disponibilidade e colaboración para a realización desta xornada divulgativa, na que foron tamén distribuidos exemplares da Guía entre todos/as os/as interesados/as

Comparte e goza compartindo:

Despedida, esperemos que temporal, de Lucie

Analia Moares — Wed, 02 Mar 2011 10:19:52 +0000

Con este sorriso dende a Serra de San Mamede, despide Lucie Alain o seu proxecto como Voluntaria Europea de Amigos da Terra no Centro de As Corcerizas.

10 meses colaborando nos proxectos e actividades da Asociación, aportando e compartindo coñecementos, experiencias e grandes momentos de amizade.

Os últimos meses do seu voluntariado estiveron centrados na temática da xestión alternativa de residuos, construíndo un baño seco para a aula de As Corcerizas e elaborando un Boletín informativo sobre a xestión integral das augas e da biomasa, en base á tradución do traballo do científico Joseph Orszasgh, creador de Eutarcie.

En breve estará dispoñible o boletin para consulta na sección de documentación da web

Unha forte aperta de agradecemento de toda a Asociación, especialmente da equipa de As Corcerizas.
Sabido é por todos/as que o monte no ten cancelas, asi que as portas están abertas para cando queiras voltar.
Beijos e sorte nos novos proxectos que xa pronto empezan!

Comparte e goza compartindo:

Goza do Entroido en As Corcerizas

Montse Fernández — Tue, 22 Feb 2011 08:04:12 +0000

O albergue de As Corcerizas abre as súas portas os vindeiros dias 5, 6, 7 e 8 de marzo para todas aquelas persoas que queiran disfrutar dos mellores e máis coñecidos carnavais galegos, xa que o albergue atópase no corazón do triángulo máxico do Entroido ourensán, formado polas vilas de Laza, Xinzo de Limia e Verín.

Se vos animades e queredes desfrutar da natureza, os arredores do albergue son ideais para realizar varias rutas tanto a pé como en bicicleta, nas que coñeceredes o contorno natural e cultural máis representativo do Macizo Central Ourensán.

Ruta ao Bidueiral de Montederramo
Ruta a Rebordechao
Ruta a Teixeira

Non deixedes pasar a oportunidade!
Datas importantes do triángulo máxico do Entroido:

Laza

Venres: O Folión
Sábado: A Cabritada
Domingo: A Estrena
Luns: A Farrapada, Gitanada dos burros, A morena, A Formigas
Martes: Testamento do burro, Queimada de Arangaño, Enterro do Entroido

Xinzo de Limia

Domingo: Domingo corredoiro
Luns: Desfiles, disfraces, pantallas e carrozas
Martes: Desfiles, disfraces, pantallas e carrozas
Mércores: Enterro da sardiña

Verín:

Sábado: Charangas, bombas e petardos
Domingo: Desfile de cigarróns e carrozas
Luns: Fariñada
Martes: Desfile de cigarróns e carrozas

Para máis información e reservas:

Amigos da Terra
988 374318
info@ascorcerizas.com

Comparte e goza compartindo: