Para estes días e para que non deixes de moverte, ofertamos varias actividades:

• Aproveita esta escapada para deixarte hipnotizar pola súa paisaxe e os maravillosos roteiros que ofrece o contorno, tanto a pé coma en bicicleta:

1. Roteiro ao Bidueiral de Montederramo
2. Roteiro a Rebordechao
3. Roteiro a Teixeira

• Ademais poderás desfrutar dunha visita guiada polo equipamento para coñecer  “in situ”  un proxecto que demostra a súa realidade, coñecendo o funcionamento da enerxías renovables, a bioconstrución e a xestión alternativa dos residuos.

• Para rematar, propoñemoste que te relaxes no Balneario de Baños de Molgas, gozando das  propiedades terapeúticas das súas augas a través dunha ruta termal: toma de augas mineromedicinais, piscina con chorro, tratamento con barro.  Todo isto cun 15 % de desconto en tratamentos de auga.

Prezo do aloxamento por día 10 euros
Oferta especial: se ves todos os días da ponte te regalamos un!
10% de desconto por persoa se ves con acompañante!

Máis información e reservas: 988 374 318 – info@ascorcerizas.com

Ao longo da xornada realizaremos un obradoiro de cartografía-orientación. Plantaremos árbores nunha zona degradada, faremos a interpretación dos ecosistemas que acubilla a Serra.

E remataremos o día cun tradicional magosto en As Corcerizas. Castañas, música tradicional,lendas e contos…

Datos prácticos:

O prezo de toda a xornada será de 10 Euros, con todos os gastos incluidos.

Data límite para inscribirse: 10 de novembro.

De Ourense sairá un autobús ás 9:00h da mañá desde o Parque San Lázaro.

Sairemos ás 10 da mañá do Albergue das Corcerizas ata a Fonte do Santo (nascente do Río Arnoia), chegaremos ata o cúmio da serra-Capela do San Mamede (1618 metros) con vistas ás montañas máis altas de Galicia, serras de Portugal, Val do Limia, Val de Monterrei, Terra de Caldelas…baixaremos ata o Bidueiral (unha das épocas do ano onde esta fraga de alta montaña está máis bonita) pasearemos polo Bidueiral e voltaremos polo camiño que leva a Peneda da Lebre (vistas do Val do Medo-Maceda, Cabeza de Meda, serras do Faro, A Martiñá, A Madanela, Faro de Avión, Val do Sil, Val do Miño…).

Máis información en cada unha das asociacións, en Amigos da Terra 988 374318 ou en info@ascorcerizas.com.

ORGANIZA: Amigos da Terra, C.D.R. EIRADA de Parada de Outeiro, Asoc. Veciñal SAN BREIXO de Seixalbo



Amigos da terra quixo celebrar este ano o Día das Letras Galegas cun roteiro pola Serra de San Mamede, compartindo cos/as participantes, en torno á trintena, o encanto da primavera na montaña.

Ao longo do traxecto que nos levou ata o pobo de Rebordechao coñecemos algúns dos persoeiros que rondaban a Serra non fai moitos anos, a fauna que habita hoxe en día, usos e recursos, etc…, interpretando unha paisaxe que evidencia a forte pegada do ser humano nestas terras.

Xa no pobo, e logo dun agradable xantar na antiga escola Celso, un veciño reborderiego, ensinounos o forno comunal e as palleiras; achegándonos ao final da visita ate o muíño comunal, onde ao son da pandeireta coñecemos a funcionalidade e importancia dos cursos de auga nos labores diarios e o labor social dos muíños.

E para finalizar a xornada festiva e aliviar as posibles maniotas, as gaitas, bailes e voces dos Serandeiros de Boborás encargáronse de animar a velada e os/as participantes foron pouco a pouco sumándose ao grupo ata facerse os protagonistas da foliada.

Actividade incluída no programa Maio Xove 2010, subvencionado pola Casa da Xuventude de Ourense.

Ademais de descansar, poderedes realizar unha visita ao equipamento de As Corcerizas, onde comprobaredes a viabilidade das enerxías alternativas e a bioconstrución.

E se vos animades, os arredores do albergue son ideais para realizar varias rutas, nas que coñeceredes o contorno natural e cultural máis representativo do Macizo Central Ourensán.

Datas importantes do triángulo máxico do Entroido:

Laza

• Venres: O Folión
• Sábado: A Cabritada
• Domingo: A Estrena
• Luns: A Farrapada, Gitanada dos burros, A morena, A Formigas
• Martes: Testamento do burro, Queimada de Arangaño, Enterro do Entroido

Xinzo de Limia

• Domingo: Domingo corredoiro
• Luns: Desfiles, disfraces, pantallas e carrozas
• Martes: Desfiles, disfraces, pantallas e carrozas
• Mércores: Enterro da sardiña

Verín:

• Sábado: Charangas, bombas e petardos
• Domingo: Desfile de cigarróns e carrozas
• Luns: Fariñada
• Martes: Desfile de cigarróns e carrozas

Para máis información e reservas:

Amigos da Terra
988374318
info@ascorcerizas.com

Aquí tedes as impresións sobre todo o acontecido nesa fin de semana, narradas por unha das participantes.

“Coa vontade de achegarnos ao feminismo, consolidar coñecementos, rexenerármonos e compartir experiencias e convivencia, convocóusenos a un grupo de mulleres, de distintas partes da Galiza, con distintas ocupacións, formación e percorridos vitais pero coas mesmas ganas de disfrutar e aprender todas de todas.

No albergue das Corcerizas atopamos un espazo no que aprendemos (da man Analía, Amiga da Terra) unha forma de asentamento alternativa, respectuosa co medio ambiente e que optimiza os recursos naturais e promove o aforro enerxético. Na nosa fin de semana alí participamos en obradoiros organizados polas compañeiras, compartimos as tarefas e responsabilidades derivadas da nosa estancia e tivemos tempo para debates informais e incluso disfrutar dunha pequena camiñada pola serra.

As actividades

Da man de Pepa organizouse un obradoiro que abriu as portas a falar de cales pensamos que terían que ser os obxectivos dunha organización feminista e como terían que organizarse, divididas en dous grupos e a partir de dous textos con perspectivas distintas o debate levounos de maneira sorprendente a confluír e falar de temas comúns.

As dinámicas de comezo e fin dos obradoiros, animadas por Lidia, Pepa e Meri, puxéronnos en cada momento no ánimo idóneo para acercarnos o seguinte encontro da xornada. Para animarnos e activarnos, para relaxarnos, para aumentar a nosa confianza en nós mesmas e nas compañeiras.

Mariola fíxonos ver co seu seminario de fotografía como é posible, tendo como útiles o pensamento e a experimentación, facer fotografías por nós que digan as cousas que queremos dicir e aprender a ler os significados nas imaxes que se mostran o noso redor.

Paz falounos de tres cousas importantes que teñen que existir entre as compañeiras de organizacións: a Comunicación, a Confianza e a Colaboración e nos achegou a elas mediante xogos.