Albergue
Sen plan para a Ponte da Constitución? Escápate a As Corcerizas!
Nov 25
O albergue de As Corcerizas abre as súas portas co motivo da Ponte da Constitución para desfrutar do 3 ao 8 de decembro do encanto da serra no inverno. Ademais de presentarse como un espazo de relax e desfrute da natureza, constitúe unha boa opción para compartir uns días en boa compañía.
No outono, apuntate a roteiro e magosto
Nov 5
O vindeiro sábado13 de novembro, celebraremos o outono na Serra de San mamede, cun roteiro interpretativo ata
o Bidueiral de Montederramo e un magosto en As Corcerizas.
Ao longo da xornada realizaremos un obradoiro de cartografía-orientación. Plantaremos árbores nunha zona degradada, faremos a interpretación dos ecosistemas que acubilla a Serra.
E remataremos o día cun tradicional magosto en As Corcerizas. Castañas, música tradicional,lendas e contos…
Datos prácticos:
O prezo de toda a xornada será de 10 Euros, con todos os gastos incluidos.
Data límite para inscribirse: 10 de novembro.
De Ourense sairá un autobús ás 9:00h da mañá desde o Parque San Lázaro.
Día das Letras Galegas en As Corcerizas
Mai 25
Amigos da terra quixo celebrar este ano o Día das Letras Galegas cun roteiro pola Serra de San Mamede, compartindo cos/as participantes, en torno á trintena, o encanto da primavera na montaña.
Ao longo do traxecto que nos levou ata o pobo de Rebordechao coñecemos algúns dos persoeiros que rondaban a Serra non fai moitos anos, a fauna que habita hoxe en día, usos e recursos, etc…, interpretando unha paisaxe que evidencia a forte pegada do ser humano nestas terras.
Desfruta do teu Entroido en As Corcerizas
Xan 28
O albergue de As Corcerizas abre as súas portas os vindeiros 13, 14, 15 e 16 de febreiro para todas aquelas persoas que queiran disfrutar dos mellores e máis coñecidos carnavais galegos, xa que o albergue atópase no corazón do triángulo máxico do Entroido ourensán, formado polas vilas de Laza, Xinzo de Limia e Verín.
Ademais de descansar, poderedes realizar unha visita ao equipamento de As Corcerizas, onde comprobaredes a viabilidade das enerxías alternativas e a bioconstrución.
