Posteos etiquetados Xornadas

Seminario Estatal “Cambio Climático e Biodiversidade. Impactos e Solucións” (PRAZAS CUBERTAS)

Amigos de la Tierra e a Fundación Biodiversidad traballamos durante 2010 e 2011 no proxecto Modelización del impacto del cambio climático sobre la biodiversidad vegetal ibérica. Este traballo pretende predecir mediante simulacións estadísticas cál será o impacto do cambio climático sobre a distribución potencial dunha mostra representativa da flora da Península Ibérica.

Co obxecto de dar a coñecer os resultados do proxecto, outros similares e profundizar nos debates sobre metodoloxías, políticas, xestión e solucións ao problema, os días 9 e 10 de abril levaremos a cabo estas xornadas en As Corcerizas, como punto de encontro de axentes do mundo ambiental, académico e do público en xeral.

Contaremos con recoñecidos/as ponentes e excelentes comunicadores/as, consulta o Programa do Seminario e apúntate canto antes!

As xornadas, financiadas pola Fundación Biodiversidad, son gratuítas para os/as participantes, e as plazas son limitadas. Inclúe aloxamento e manutención.

Ler mais…

Related Images:

DÍA DA ÁRBORE: Creación dun bosque de acivros con escolares de Ourense

Dando continuidade ao labor educativo que levan facendo neste eido Amigos da Terra no Centro de As Corcerizas e o Concello de Ourense na Aula de Natureza do río Miño, propomos para celebrar o Día da Árbore, no Ano Internacional dos Bosques, unha xornada de achegamento ao Macizo Central Ourensán co obxectivo de revalorizar os nosos recursos forestais e iniciar a creación dun bosque de acivros na Serra de San Mamede. Día da Árbore 2011

Será este o inicio dun recurso educativo que irá medrando e madurando co paso do tempo e a implicación dos diferentes Centros educativos e persoas que pasan anualmente pola Serra.
Ler mais…

Related Images:

Grande afluencia das Comunidades de Montes ás Xornadas do 27 de febreiro

Pasadas as xornadas de “O monte como fonte sostible de recursos” podemos dicir que o balance é grandemente positivo.

No entorno das 45 persoas, das diferentes comunidades de montes e axentes implicados no entorno da Serra de San Mamede, déronse cita  na mañá do pasado domingo en As Corcerizas, para recibir con atención e interese as valoracións e propostas previstas na programación.

Ler mais…

Related Images:

O monte como fonte sostible de recursos. Xornadas divulgativas

Data: 27 de febreiro 2011
Lugar: Centro de As Corcerizas, Serra San Mamede (Ou)
Destinatarios/as: proprietarios/as e xestores/as de CMMC, concellos, asociacións vinculadas ao medio rural, público xeral.

Con estas xornadas Amigos da Terra pretende promover unha reflexión crítica sobre usos do monte, achegando ferramentas, experiencias e vías de comunicación e formación, para a capacitación dos axentes implicados

Dentro da xornada está prevista a presentación da Guía para propietarios de terreos eólicos que editou a Fundación Juana de Vega co obxecto de reducir a asimetría de información entre as partes implicadas e mellorar os procesos de negociación.

Ler mais…

Related Images:

III Xornadas de Micoloxía e boas prácticas no monte

Como todos os anos por estas datas, Amigos da Terra, presenta as “III Xornadas de Micoloxía e boas prácticas no monte” que se realizara o día 14 de novembro.

Contaremos coa colaboración de Juan José Martínez Álvarez, profesional da materia e presidente da Asociación Micolóxica Os Cogordos.

Será unha xornada onde combinaremos a parte teórica coa saída práctica ao monte, puidendo desfrutar dunha das actividades máis saudables e habituais nesta época.

Ler mais…

Related Images:

II Xornadas de Rastros e Sinais da Fauna

A pasada fin de semana tivo lugar no centro, as II Xornadas de Rastros e Sinais da Fauna, unha das propostas que máis éxito ten entre o público, cubríndose todas as prazas ofertadas. Nesta ocasión, contamos coa inestimable colaboración de Rubén Portas, especialista no estudo do lobo.

Ler mais…

Related Images:

II Xornadas de Rastros e Sinais da Fauna

Amigos da Terra convídavos a participar nas II Xornadas de Rastros e Sinais da Fauna o vindeiro 14 de marzo.

Mentres que observar a vexetación é sinxelo, xa que esta forma parte imprescindible da paisaxe, a observación directa da fauna salvaxe no seu medio natural é moito máis complexa, de aquí que un dos métodos máis utilizados polos/as naturalistas, sexa a búsqueda e o estudo dos rastros e pegadas dos animais.

Nesta xornada daremos a coñecer de xeito práctico a actividade dos animais no seu propio medio, á vez que aprenderemos a observar con detemento escenarios, restos e indicios que deixan ao seu  paso.

Se ademais queredes aproveitar a fin de semana na Serra San Mamede, Amigos da Terra ofrece servizo de albergue o sábado pola noite.

Ler mais…

Related Images:

Participación nas xornadas “Terra e Cultura Sustentable 2009”

Amigos da Terra participará mañá sábado 7 de novembro na quinta xornada “Terra e Cultura Sustentable 2009” que organiza a Asociación Cultural Os Ameios, dentro dunha mesa redonda expoñendo o sistema de macrófitas para a depuración de augas residuais.

As xornadas “Terra e Cultura Sustentable” 2009, son de balde e para todos os públicos. Teñen un compoñente temático común que é a sustentabilidade. Estas xornadas están deseñadas como un evento aberto e inclusivo, as distintas actividades conforman unha proposta para a INTEGRACIÓN SOCIAL da cidadanía na reflexión sobre a sustentabilidade.

Ler mais…

Related Images:

Xornada de micoloxía en As Corcerizas

O pasado 25 de outubro, Amigos da Terra levou a cabo con gran éxito as “II Xornadas de Micoloxía e boas prácticas no monte”. Nesta ocasión, contamos coa colaboración de Martín Souto Souto do Departamento de Botánica da Universidade de Santiago de Compostela e experto en micoloxía, que nos introduciu no marabilloso e amplo mundo da micoloxía. Na xornada abordamos dende a identificación e recoñecemento dos cogomelos ata a conservación destas especies e dos seus hábitats.

Ler mais…

Related Images:

As Corcerizas campamento base para as “I Xornadas de Autoformación Feminista”

Do 11 ao 13 de setembro celebráronse en As Corcerizas as “I Xornadas de Autoformación Feminista”, uns días de convivencia e de relaxación en plena Serra de San Mamede.

Aquí tedes as impresións sobre todo o acontecido nesa fin de semana, narradas por unha das participantes.

“Coa vontade de achegarnos ao feminismo, consolidar coñecementos, rexenerármonos e compartir experiencias e convivencia, convocóusenos a un grupo de mulleres, de distintas partes da Galiza, con distintas ocupacións, formación e percorridos vitais pero coas mesmas ganas de disfrutar e aprender todas de todas.

Ler mais…

Related Images: