Posteos etiquetados Voluntariado Ambiental
Na defensa dos nosos montes!
Ago 29
Logo da dramática desfeita que os lumes produciron estes últimos anos nos montes e ecosistemas galegos, dende Amigos da Terra levamos a cabo labores continuadas de recuperación e sensibilización con persoas voluntarias na Serra de San Mamede.
Nesta campaña integráronse tamén as accións de defensa contra os incendios forestais do programa de voluntariado ambiental que pon en marcha a Xunta de Galicia, no que participamos neste verán.
En periodos de 1 semana, durante 4 quendas puideron achegarse 24 persoas, ás que agradecemos a súa participación, interese e esforzo en preservar e mellorar este espazo natural, así como o apoio recibido ao proxecto educativo que alí se desenvolve. GALERÍA DE FOTOGRAFÍAS DO PROGRAMA Continuaremos na defensa dos nosos montes!
Voluntariado Ambiental en As Corcerizas, participa!
Xuñ 25
Comezamos co programa de prevención contra os incendios forestais na Serra de San Mamede! Dende Amigos da Terra animámosvos a participar na defensa dos nosos bosques e a colaborar na mellora do ecosistema forestal próximo a As Corcerizas, en estancias gratuítas dunha semana durante os meses de xullo e agosto.
Combinaremos accións directas no monte para a súa recuperación, restauración de zonas afectadas polos lumes, roteiros de vixianza e coñecemento do medio, obradoiros ambientais, debates, videos, dinámicas grupais, etc.; nun ambiente lúdico e participativo.
Apúntate xa a esta primeira semana! do 30 de xuño ao 4 de xullo, neste FORMULARIO DE PARTICIPACIÓN
Máis datas en As Corcerizas: 7 a 11 e 14 a 18 de xullo; 18 a 22 de agosto
Campo de traballo en agosto, apúntate!
Mai 6
Este verán levaremos a cabo un novo Campo de Traballo Internacional en As Corcerizas, dirixido a persoas entre 18 e 30 anos.
Do 1 ao 12 de agosto desenvolveremos actividades de bioconstrución e autoconstrución, nun ambiente participativo e lúdico.
Tamén se traballará na protección do contorno natural, recuperando o ecosistema forestal e vixiando para a detección de posibles lumes na Serra de San Mamede; xunto con roteiros pola montaña, obradoiros, e dinámicas grupais que fomentarán un ambiente amigable e distendido. {INFORMACIÓN AMPLIADA}
Consulta aquí as condicións xerais e modo de inscrición a través da Dirección Xeral de Xuventude e Voluntariado,que apoia e promove esta iniciativa a través da campaña Acción de Verán.
Participa con Amigos da Terra na protección dos bosques!
Abr 14
O sábado 19 de abril continuaremos coas xornadas de voluntariado ambiental na Serra de San Mamede, centrando as accións no ecosistema forestal próximo a As Corcerizas; espazo de gran riqueza faunística e de diversidade de especies vexetais. Coa finalidade de seguir recuperando zonas degradadas e revalorizar os seus elementos singulares, realizaremos as seguintes actividades:
– Mellora do bosque comestible
– Deseño do “roteiro da fraga das lendas” e localización do miradoiro
– Construción dunha ponte sobre o río da lagoa
Se estás interesado/a en participar, contacta en voluntariado.galicia@amigosdaterra.net ou no 988 374 318, local de Amigos da Terra en Ourense. Horario das actividades:11h. a 19h.; saída conxunta ás 10 dende Ourense
Participa nas xornadas de voluntariado e desfruta do entroido!
Feb 24
Dende este venres 28 ata o martes 4 de marzo, As Corcerizas pon a túa disposición o albergue para que podas disfrutar do entroido ourensán, á vez que colaboras co proxecto.
Durante a fin de semana, convidámosche a colaborar na preparación do terreo para a horta que imos poñer en marcha. Recuperaremos os materiais dun cercado abandonado no monte e prepararemos a terra para os bancais. E a partir do domingo poderás seguir aloxándote de xeito gratuíto no albergue para disfrutar do triángulo máxico do Entroido ourensán.
Aproveita a ocasión e apúntate en info@ascorcerizas.com!
Xornadas de PrantaFragas, activismo na Serra!
Nov 21
Dende Amigos da Terra continuamos coas accións de revalorización e recuperación do monte no entorno de As Corcerizas! Esta mesma fin de semana un grupo de activistas da asociación organiza e levará a cabo un plan de coñecemento e acción pola Serra de San Mamede: XORNADAS DE PRANTAFRAGAS.
Empregaranse as sementes recollidas neste mesmo mes, na súa maioría landras de carballo da zona da Limia.
Estades todas/os convidadas/os a pasar a fin de semana en As Corcerizas, e implicarvos na restauración destes montes, apuntádevos!
Voluntariado ambiental en As Corcerizas… de voluntari@s a voluntari@s
Out 18
Organizada dende un grupo de activistas da asociación, a vindeira fin de semana, dende o 19 ata o 20 de outubro, está prevista unha xornada de voluntariado ambiental para dar continuidade aos traballos forestais e ambientais que se iniciaron esta primavera no entorno de As Corcerizas: construción dun secadoiro de castañas con adobe, aprender técnicas de bioconstrución como facer diferentes mesturas de adobe, tamén desfrutaremos dos aires limpos da serra e faremos pan artesán.
O aloxamento no albergue será gratuio así como o almorzo.
Os participantes teredes que levar a comida do sábado e domingo e algunhas verduriñas para a cea do vernes e sábado (a pasta ou o arroz poñemolos nós).
Chegada o sábado pola mañá, saida o domingo pola tarde ou ben se queredes o luns pola maña.
Voluntariado ambiental en As Corcerizas… de voluntari@s a voluntari@s
Out 3
Organizada dende un grupo de activistas da asociación, a vindeira fin de semana, dende o 4 ata o 6 de outubro, está prevista unha xornada de voluntariado ambiental para dar continuidade aos traballos forestais que se iniciaron esta primavera no entorno de As Corcerizas: construción dun valado de madeira para unha horta, e proxeccion de documentais ambientais …e para completar a xornada compartindo experiencias, organizaremos dous cursillos de cosmetica ecoloxica e pan artesán.
O aloxamento no albergue será gratuio así como o almorzo.
Os participantes teredes que levar a comida do sábado e domingo e algunhas verduriñas para a cea do vernes e sábado (a pasta ou o arroz poñemolos nós).
Chegada o venres ás 18:00 pola tarde.
Saida o domingo pola tarde ou ben se queredes o luns pola maña.
Voluntariado ambiental en As Corcerizas… de voluntari@s a voluntari@s
Set 4
Un grupo de activistas da asociación ecoloxista Amigos da Terra organiza a vindeira fin de semana, dende o 6 ata o 8 de setembro unha xornada de voluntariado ambiental para dar continuidade aos traballos forestais que se iniciaron esta primavera no entorno de As Corcerizas, na serra de San Mamede: recollida de leña, limpeza do monte, protección de árbores, e para completala xornada conpartindo experiencias, organizaráse un cursillo de auto cultivo de setas.
O aloxamento no albergue será gratuito, así como o almorzo. Os participantes terán que levar a comida do sábado e o domíngo, asi como unhas verduriñas para a cea do sábado, co fin de acompañar a pasta e o arroz que porá a asociación.
A chegada será o venres ás 18:00 h e a saída o domingo pola tarde.
Únete ao campo de traballo de bioconstrución!
Abr 24
Está aberta a inscrición para o Campo de traballo internacional que levaremos a cabo no verán, do 1 ao 12 de agosto 2013 en As Corcerizas.
Amigos da Terra abre un espazo participativo para a formación práctica en bioconstrución a través de traballos colectivos que nos mostren como empregar materiais ecolóxicos para minimizar os impactos que xeneramos coa nosa forma de vida. Adicaremos as mañás á rehabilitación de estruturas dos edificios bioclimáticos, combinando os revocos de barro, tratamentos naturais para estructuras de madeira, etc.; coa protección do contorno natural recuperando o ecosistema forestal e vixiando para a detección de posibles lumes na Serra de San Mamede.
Polas tardes disfrutaremos de actividades complementarias como obradoiros ambientais, roteiros e dinámicas grupais que fomenten un ambiente amigable e distendido. Teredes a oportunidade de coñecer tamén a costa galega e os recursos da cidade de Ourense. Apúntate a este espazo de reflexión e acción! [INFORMACIÓN AMPLIADA]
Consulta aquí as condicións xerais e modo de inscrición a través da Dirección Xeral de Xuventude e Voluntariado, que apoia e promove esta iniciativa a través da campaña Acción de Verán.
