Posteos etiquetados Enerxías Renovables

Campamentos de verán con Amigos da Terra!

130207_banho_campa_webÁbrese o prazo de inscrición para os campamentos de 2014 con Amigos da Terra! En As Corcerizas creamos un marco de convivencia e traballo en equipo no que se desenvolven os valores que defende Amigos da Terra baseados no respecto pola natureza dende unha visión positiva e construtiva.

Disfrutarán de variadas actividades educativas, de animación, excursións, obradoiros creativos, xogos populares, dinámicas de grupo, asembleas e debates sobre temas ambientais. Aquí podes consultar máis información sobre o enfoque e actividades deste ano.

  • Do 1 ao 7 de xullo: 8 a 11 anos
  • Do 8 ao 14 de xullo: 12 a 15 anos

Ler mais…

Curso de Deseño, montaxe e mantemento de sistemas eólicos

eolico_instalacionÁbrese a inscrición para o curso que levaremos a cabo en As Corcerizas os días 21 a 23 de marzo: Deseño práctico, montaxe e mantemento de sistemas eólicos de pequena potencia para instalacións de autoconsumo, autónomas ou conectadas á rede.

A formación baséase na configuración dun sistema eólico de pequena potencia e na súa montaxe real, coa posta en marcha, comprobación e mantemento. Consulta o programa: APLICACIÓN INSTALACIÓNS EÓLICAS

DIRIXIDO A: estudantes, formadores/as, electricistas, e profesionais en xeral do sector; emprededores/as, etc., e calquera persoa que teña interese en aproveitar a enerxía do vento para producir electricidade.

PREZO: 175€; 150€ para socios/as de Amigos da Terra; inclúe matrícula, aloxamento e manutención (alimentos ecolóxicos e locais, no posible)

Ler mais…

Participa no workshop de bioconstrución

En Amigos da Terra apostamos por un cambio de modelo enerxético, apoiando o aforro e a eficiencia enerxética; e promovendo o uso e autoxestión das renovables a través dun modelo distribuído como o de As Corcerizas. 

121027_muro_radiante01

121027_muro_radiante02

121027_muro_radiante03

Nesta liña, a fin de semana do 22-23 de febreiro convidámosche a que participes directamente na creación deste novo modelo, a través da campaña ésta é a nosa enerxía!:

  • Coñecendo como formar parte activa na xestión da electricidade como consumidora e posible produtora.
  • Empregando sistemas baseados no aforro e eficiencia enerxética: workshop de muros radiantes con barro crú para a calefación.

Ler mais…

Próximos cursos de Amigos da Terra, consulta as datas!

2014_cursos_primaveraNos vindeiros meses, desenvolveremos as seguintes accións:

  • Febreiro 22-23: Workshop de bioconstrución; participación na construción de muros radiantes con barro crú.
  • Marzo 8-9: Deseño en Permacultura e práctica de horta.
  • Marzo 20-23: Deseño, montaxe e mantemento de sistemas eólicos de pequena potencia. Práctica real-montaxe dun eólico.
  • Abril 12-13: Cociña ecolóxica, natural e local.
  • Abril 26-27: Bio-Decoración creativa.

Continuaremos informando de cada curso, cos contidos, formadores/as, prezos e modo de inscripción. Nos meses de maio e xuño máis… estade atentas/os!

Desexámosvos unha boa enerxía que ilumine o 2014!

arbore_estevo_900Con esta árbore, Amigos da Terra quere felicitarvos as festas e desexarvos unha boa enerxía que ilumine o vindeiro 2014.

Trátase dunha árbore de nadal de 75 metros de altura feita con lámpadas solares! activistas de Amigos da Terra quixeron lanzar, xunto ao Encoro de Santo Estevo do Sil, unha mensaxe clara á cidadanía: é posible desconectarse da rede e conectarse á enerxía solar, como demostramos en As Corcerizas. Por iso, reclamamos unhas políticas enerxéticas que fomenten as renovables e unha enerxía descentralizada. Únete!

AMPLIAR INFORMACIÓN

As Corcerizas é finalista a nivel mundial no concurso HI Fondo Sustentabilidade, axúdanos a gañar!

Estamos entre os 15 finalistas E precisamos a túa axuda!
HI Hosteling Internacional 2013

Hostelling International 2013

O Albergue As Corcerizas representa ao Estado español nun concurso de Hostelling International a nivel mundial, que ten como finalidade a conservación e o respeto polo medio ambiente; o proxecto que máis votos online reciba será o gañador.

Dende Amigos da Terra e a Red Española de Albergues Juveniles (REAJ) solicitamos a vosa colaboración votando polo proxecto de As Corcerizas (Spain) entrando en www.reaj.com/sostenibilidad.html e seguindo os pasos que se indican.

Ademais, REAJ sortea 4 fins de semana gratis en calquera dos seus 264 albergues entre as persoas que apoien a As Corcerizas!

Ler mais…

Campamentos 2013 con Amigos da Terra!

Este verán apuntate a un Campamento Alternativo!

Nos campamentos de Amigos da Terra apostamos por unha educación ambiental de calidade, onde ademais do propio disfrute das actividades aportase unha experiencia vivencial de alto valor.

Desenvolvemos un programa en permanente contacto coa natureza, ampliando a sensibilidade que permite identificar valores humáns e de convivencia na mesma. E coidamos a alimentación cunha cociña libre de transxénicos e con alimentos ecolóxicos.

Do 1 ao 10 de xullo terán o protagonismo os mozos e mozas de 10 a 14 anos.

Disfrutarán de variadas actividades educativas, de animación, excursións e visitas a pobos próximos, obradoiros creativos e actividades manuais, xogos populares, dinámicas de grupo, cine ao aire libre, asembleas e debates sobre temas ambientais. Aquí podes consultar máis informacion sobre o enfoque e actividades deste ano.

Fotografías de anteriores Campamentos en As Corcerizas

Ler mais…

Actividades Escolares: oferta especial de primavera!


Inscribe o teu centro educativo nas actividades escolares 2013! Adaptadas dende infantil ata bacharelato, con estadías de 1 a 3 días. Cada centro pode escoller entre as diferentes actividades propostas ou solicitar un programa “a medida”. Ofertas especiais, consulta as TARIFAS:

Cubre as 50 plazas do bus e só vos custará 8 € por participante! Para estancias, en grupos de 25 participantes, con aloxamento, manutención e actividades:
2 días: 68€/persoa (inclúe 1 noite e 1 pensión completa)
3 días: 97€/persoa (inclúe 2 noites e 2 pensións completas)

Consulta as actividades propostas e o modo de inscrición!

Ler mais…

Visitas educativas antes da neve

Xa chegou a neve a As Corcerizas! pronto poderemos amosarvos esa bonita paisaxe.. E xusto antes recibimos varios grupos con diferentes intereses:

Achegáronse os/as socios/as e voluntarios/as de Enxeñería Sen Fronteiras, para levar a cabo a súa xuntanza de asociación, compartindo recursos e potenciando o traballo en rede entre organizacións!

Tamén recibimos ao alumnado do curso de Monitor/a Ambiental que está a levar acabo a Fundación Ramón González Ferreiro de Allariz, co obxectivo de coñecer novas ferramentas educativas, metodoloxías e recursos.

E non faltaron os/as nenos/as! xa que se achegaron 2 grupos do C.E.I.P. A Lama dende a provincia de Pontevedra, dende infantil ata o último curso de primaria, para coñecer a realidade das enerxía renovables.

Pronto comezarán novas actividades, estade atentos/as!

Vente de campamento con Amigos de la Tierra!

Este verán poderás apuntar aos/ás teus/túas nenos/as ao Campamento ecolóxico de Educación Ambiental organizado polo grupo de Amigos de la Tierra Comunidad de Madrid.

Combinaremos as alternativas que ofrece As Corcerizas coa experiencia da asociación en campamentos de educación ambiental, actividades de lecer e multiaventura. Unha oportunidade para a convivencia de rapaces/zas de distintos territorios do Estado español, e na montaña!

  • DATAS: 2 a 11 de agosto
  • IDADES: 8 a 16 anos
  • PREZO: 287€ para socios/as; 331€ para non socios/as

Máis información e inscricións:

amigos@tierramadrid.org; 91 697 34 22 – 678 481 037