Posteos etiquetados Enerxías Renovables

Amigos da Terra gaña o PREMIO CONAMA de Sostibilidade!

eolico_instalacion_500O proxecto de As Corcerizas gaña o VII Premio Conama á Sostibilidade de Pequenos e Medianos Municipios 2014 na categoría de menos de 5.000 habitantes, que se entregará o 24 de novembro no duodécimo Congreso Nacional del Medio Ambiente.

Trátase dun galardón honorífico que distingue as mellores iniciativas de eido local a favor da sostibilidade, dando visibilidade a aquelas que poidan servir de exemplo a outras localidades do Estado español. Amigos da Terra continúa creando e divulgando alternativas para un cambio real de modelo!

Apúntante á montaxe dun sistema fotovoltaico

PENTAX ImageAmigos da Terra e Nosa Enerxía poñen en marcha unha xornada gratuíta en As Corcerizas, o día 16 de novembro, co fin de facilitar información para integrar fontes de produción de electricidade renovable a nivel doméstico e/ou consumir este tipo de enerxías con garantías de sostibilidade.

Logo dunha introdución sobre o sector enerxético, a Cooperativa Nosa Enerxía explicará as opcións de consumo de renovables e a súa área de comercialización como alternativa xa en funcionamento.

O resto da xornada será de carácter práctico, montando un sistema fotovoltaico asistido, da man de Suso López Taboada, instalador experto en sistemas eólicos, fotovoltaicos e microhidráulico. Tamén coñeceremos o funcionamento dun sistema illado a través da visita técnica guiada ás nosas instalacións enerxéticas de As Corcerizas. PROGRAMA COMPLETO

Ler mais…

Apoia a As Corcerizas no PREMIO CONAMA de Sostibilidade

conama2014_congreso_premio_webAmigos da Terra presentase ao  “Premio Conama a la Sostenibilidad 2014″ co seu proxecto “As Corcerizas, ejemplo de alternativas para un cambio de modelo”.

Trátase dun galardón honorífico que distingue as mellores iniciativas de eido local a favor da sostibilidade, dando visibilidade a aquelas que poidan servir de exemplo a outras localidades do Estado español.

Os proxectos gañadores decídense a partir de nove votos. Os oito de cada un dos membros dun xurado de expertos en sostibilidade e un noveno que depende dos resultados das votacións en Internet. Estos premios entregaranse no próximo Congreso Nacional de Medio Ambiente, CONAMA 2014, que se celebrará en Madrid do 24 ao 27 de novembro.

CONSULTA AQUÍ A FICHA. Votacións so ata o 3 de novembro!

Curso de Xeobioloxía e Bioconstrución

2014xeobioloxia_bioconstrucionA Bioconstrución entende unha relación de saúde e harmonía entre a vivenda e as persoas, respetando o medio e incorporando sistemas eficientes e aforradores de enerxía. Os días 8 e 9 de Novembro, levaremos a cabo un curso co obxectivo de mostrar os aspectos a ter en conta dende o momento de plantexar o edificio, integrando, ademais da orientación, unha serie de factores de risco que poderían afectar á saúde das persoas que habiten o lugar.

Unha axeitada prospección da xeobioloxÍa do terreo daranos información sobre posibles alteracións; aprendendo cómo replantexar o posicionamento da edificación no seu lugar óptimo segundo a súa finalidade. Aprenderemos a facer un estudo de Biohabitabilidade e a elaborar paralelamente unha idealización e construción cos materiais axeitados aos criterios da Bioconstrución: cal, arxilas, madeiras, pinturas orgánicas, etc. Así como o uso e manutención e a súa vinculación coa saúde.

Apúntate canto antes! aquí o PROGRAMA COMPLETO XEOBIOLOXÍA E BIOCONSTRUCIÓN. Ler mais…

Curso de Produción e Xestión de Electricidade Renovable nas edificacións

2014enerxias_renovablesOs días 25 e 26 de outubro, Amigos da Terra pon en marcha unha formación en As Corcerizas co obxectivo de proporcionar a información suficiente para integrar fontes de produción de electricidade renovable a nivel doméstico: solar, eólica e microhidráulica; de xeito práctico e cun enfoque real que permita trasladalo ao noso proxecto ou fogar.

No curso entenderemos cómo calcular o consumo eléctrico nunha vivenda e a súa demanda enerxética, os criterios de elección das fontes renovables máis apropiadas e as diferentes opcións para a xestión eléctrica nun sistema asistido ou illado da rede eléctrica. Ademais adquiriremos as nocións básicas para o dimensionamento dun sistema de aproveitamento de electricidade fotovoltaica, cos cálculos precisos para trasladalo a cada realidade.

Información ampliada: PROGRAMA E CONDICIÓNS

Ler mais…

Bioconstrución e renovables: formación no mes de outubro

2014_formacion_bioconstrucionAberta a inscrición dos cursos que pon en marcha Amigos da Terra:

Estufas de alto rendemento: 11 e 12 de outubro. Imparte Manuel Vázquez, Ecofogar

Pinturas e aceites naturais: 18 de outubro. Imparte Alejandro Domínguez-Pintor de Quins, Decologic

Enerxías renovables no fogar e instalación de fotovoltaicas: 25 e 26 de outubro. Imparte Suso López Taboada, Montaxes Lagoa

Xeobioloxía e bioconstrución: 8 e 9 de novembro. Imparte Xulio Fernández, Bioconstruir

Se estás interesada solicita información e realiza a preinscrición en: info@ascorcerizas.com

Os cursos irán publicandose con programa, horarios, formadores/as e tarifas. Estade atentas!

Finaliza con éxito a I edición do programa escolar: Reduce a pegada de carbono!

escolares_IES_Anxel_Fole

As Corcerizas é un exemplo de aplicación de criterios de redución de emisións. A través do premio Fondo de Sustentabilidade, incorporaronse novos recursos para continuar minimizando a pegada de carbono, como a instalación dun pequeno eólico e a construción de muros radiantes para a calefacción. 
Neste marco Amigos da Terra convidou a 8 centros escolares a unha xornada didáctica, na que as/os participantes analizaron as principais fontes de emisións de CO2, a nosa relación coa produción e a capacidade que temos para influir na súa redución.
Agradecemos aos centros a súa participación e dinamismo! 
Aquí unha presentación das FOTOGRAFÍAS DAS XORNADAS

As Corcerizas no Salón da Construción: alternativa ás compañías eléctricas

AGAENAmigos da Terra presenta as alternativas que ofrece o seu proxecto de As Corcerizas para un cambio de modelo enerxético no Salón da Construción de Galicia SICO 2014.

Será o xóves 5 de xuño ás 18h., no marco das xornadas técnicas organizadas por AGAEN, Cluster Galego do Autoconsumo Enerxético; entidade que aboga polo autoconsumo enerxético e a xeneración distribuida de electricidade. As Xornadas contarán con especialistas en enerxías renovables, bioconstrución, técnicas de eficiencia enerxética, empleo de cámaras termográficas para detectar fallos de illamento, etc. MAIS INFORMACIÓN

Curso de deseño de Permacultura

2014permacultura_curso12 a 27 de xullo en As Corcerizas, con máis de 100 horas!

Apúntate a esta formación ecopedagóxica baseada nunha aprendizaxe inclusiva e compartida, vinculando o coñocemento adquirido coas experiencias e circunstancias da vida diaria.

Mantendo o respeto polo currículum convencional de 72 horas dun CDP, traballaremos na aplicación práctica da ética, principios, técnicas e coñocemento ecolóxico e social da permacultura; con certificado recoñecido internacionalmente.

Consulta o PROGRAMA diario, currículum do facilitador, etc.

Ler mais…

Primeiros vatios de minieólica intelixente en As Corcerizas

230314instalacion_eolico_anelionEste domingo, 23 de marzo de 2014, vai supoñer un antes e un despois a nivel enerxético para As Corcerizas! Logrouse con éxito a instalación dunha nova máquina de pequena potencia que mostra un novo concepto de minieólica: máxima eficiencia, fiable, con baixos niveles de ruído e sen mantemento. Este novo aeroxerador Anelion SW3.5 distínguese por ter un sistema de regulación e control de potencia puramente electrónico, que agora está a producir xa os primeiros vatios na Serra de San Mamede.

Fotos do procesoPresentación instalación aeroxerador

Ler mais…