Posteos etiquetados Bioconstrución
Próximos cursos de Amigos da Terra, consulta as datas!
Feb 3
Nos vindeiros meses, desenvolveremos as seguintes accións:
- Febreiro 22-23: Workshop de bioconstrución; participación na construción de muros radiantes con barro crú.
- Marzo 8-9: Deseño en Permacultura e práctica de horta.
- Marzo 20-23: Deseño, montaxe e mantemento de sistemas eólicos de pequena potencia. Práctica real-montaxe dun eólico.
- Abril 12-13: Cociña ecolóxica, natural e local.
- Abril 26-27: Bio-Decoración creativa.
Continuaremos informando de cada curso, cos contidos, formadores/as, prezos e modo de inscripción. Nos meses de maio e xuño máis… estade atentas/os!
Bioconstrución con sacos de terra. Curso práctico
Mai 6
A bioconstrucion é un fenómeno imparable e unha opción pola que cada vez se decantan máis persoas ao coñecer que é posible construir a túa propia casa cuns estándares de calidade moi elevados e un prezo razoable.
O obxectivo deste curso intensivo, do 17 ao 21 de xullo, é o de capacitar para a construción de vivendas con sacos de terra, mediante a construción dun domo dende a cimentaciòn ata o acabado. O sistema basease na consecución de fiadas de sacos recheos con terra estabilizada e compactada, estructuras autoresistentes e illantes, hidrófugas e ignífugas.
O sistema é único en todo o proceso: a casa é de abaixo a arriba de terra e cal. [PROGRAMA]
Imparte o bioconstrutor Antonio Prados, certificado en superadobe e fundador de tienes tierra tienes casa
Únete ao campo de traballo de bioconstrución!
Abr 24
Está aberta a inscrición para o Campo de traballo internacional que levaremos a cabo no verán, do 1 ao 12 de agosto 2013 en As Corcerizas.
Amigos da Terra abre un espazo participativo para a formación práctica en bioconstrución a través de traballos colectivos que nos mostren como empregar materiais ecolóxicos para minimizar os impactos que xeneramos coa nosa forma de vida. Adicaremos as mañás á rehabilitación de estruturas dos edificios bioclimáticos, combinando os revocos de barro, tratamentos naturais para estructuras de madeira, etc.; coa protección do contorno natural recuperando o ecosistema forestal e vixiando para a detección de posibles lumes na Serra de San Mamede.
Polas tardes disfrutaremos de actividades complementarias como obradoiros ambientais, roteiros e dinámicas grupais que fomenten un ambiente amigable e distendido. Teredes a oportunidade de coñecer tamén a costa galega e os recursos da cidade de Ourense. Apúntate a este espazo de reflexión e acción! [INFORMACIÓN AMPLIADA]
Consulta aquí as condicións xerais e modo de inscrición a través da Dirección Xeral de Xuventude e Voluntariado, que apoia e promove esta iniciativa a través da campaña Acción de Verán.
Apúntate aos cursos desta primavera!
Mar 21
Dende Amigos da Terra adiantámosvos o programa de accións formativas que levaremos a cabo nesta primavera:
– Fotografía ambiental, imaxes para o cambio social
– Tratamentos biolóxicos de augas residuais: cómo construir un sistema de depuración autónomo
– Alimentación e nutrición sana eco-lóxica e natural
– Elaboración de xabóns e cosmética natural
Curso de Sistemas eficientes de calefacción: Muro Radiante con Barro
Out 3
A fin de semana do 27-28 de outubro levaremos a cabo un curso sobre sistemas eficientes de calefacción, no que realizaremos na práctica 2 muros radiantes con barro crú, mecanismo que permite unha captación corporal de temperatura superior que nos solos radiantes.
Trátase dun sistema moi eficiente, que funciona a baixa temperatura (35-40ºC), de doada combinación con enerxías renovables e moi saudable pola transpirabilidade do barro. Imparte a formación Guido Tomasini, artesano e bioconstrutor.
Fórmate na construción con sacos de terra. Curso práctico de Superadobe
Ago 30
En colaboración con Tienes tierra tienes casa, levaremos a cabo durante 5 días un curso intensivo de formación específica que nos capacitará para a construción de vivendas con sacos de terra.
Mediante a aplicación das técnicas tradicionais deste sistema constructivo coas melloras tecnolóxicas das que dispomos na actualidade, levaremos a cabo a construción dun domo, dende a cimentaciòn ate o acabado e protección.
O curso está dirixido a autoconstrutores/as, estudantes e profesionais da construción e bioconstrución, arquitectura, urbanismo, enxeñeiría, xestión do territorio, etc.
Imparte Antonio Prados Beiras, profesional e formador en construción con terra; presidente da asociación Manos a la Tierra
Inscríbete ao Curso de Carpintería en Bioconstrución
Mai 18
Os días 9 e 10 de xuño levaremos a cabo unha acción formativa na que se transmitirán coñecementos, criterios e recursos prácticos que nos introducirán no mundo da carpintería de bioconstrución; capacitándonos para construir estruturas lixeiras e aplicar tratamentos e acabados na madeira.
O curso está dirixido a autoconstrutores/as, estudantes e profesionais da construción e bioconstrución, arquitectura, urbanismo, enxeñeiría, xestión do territorio, etc.
Imparte a formación André Calvo, profesional da carpinteiría e a bioconstrución.
Apúntate aos novos cursos e actividades nesta primavera
Mar 20
Dende Amigos da Terra adiantámosvos o programa de accións formativas que levaremos a cabo nesta primavera. Cada curso será convocado e detallado coa información precisa, pero podedes facer unha pre-reserva enviando un correo a info@ascorcerizas.com coa vosa solicitude.
Ademais poderedes disfrutar dun programa de educación ambiental e lecer na natureza, “Roteiros para a Xuventude”, con actividades de sendeirismo, orientación, coñecemento etnográfico e balneario! Máis información dos Cursos e actividades nesta primavera.
Reserva datas e apúntate canto antes!- Inclusión do enfoque de sostibilidade ambiental nos proxectos de Cooperación, 14-15 de abril
- Cociña ecolóxica local. Transición cara unha alimentación sana e sustentable, 5-6 de maio
- Xornadas de Biodepuración: sistema F.M.F. e microorganismos eficientes, 26-27 de maio
- Carpintería en Bioconstrución, 9-10 de xuño
6ª edición do Programa Sentir, Coñecer e Actuar
Dec 20
Amigos da Terra convídavos a participar un ano máis no Programa Escolar de Educación Ambiental: Sentir Coñecer e Actuar
Xornadas educativas que fomentan no alumnado o pensamento crítico e aportan solucións prácticas para comprender e vivir en coherencia nunha sociedade de futuro
O programa ofrece diversas temáticas ambientais orientadas aos diferentes cursos de primaria e secundaria: cambio climático, enerxías renovables, bioconstrución, residuos, aplicación de metoloxías científicas, coñecemento do medio e cooperación.
As xornadas serán desenvoltas nas instalacións de As Corcerizas e no entorno do Macizo Central Ourensán.
Contacta con nós en:
info@ascorcerizas.com
Telf: 988 374 318 / 986 125 171
- Rúa da Concordia 20, 2º esquerda 32003 – Ourense
- Rúa Policarpo Sanz, 17 – 1º D. 36202 – Vigo
Divulgando a Bioconstrución
Out 21
Xa están dispoñibles as presentacións do curso avanzado de bioconstrución. Unha pequena parte de todo o falado e practicado, pero unha boa guía para continuar coa formación e divulgación de toda esta información.
EL BARRO EN LA CONSRUCCION – GUIDO TOMASINI: información da historia do uso do barro, descrición, propiedades e posibilidades de aplicación hoxe en día.
TERMICA DE LOS EDIFICIOS – ROMAIN DENISOT, OIKOS: información sobre a concepción térmica dunha edificación, importancia do illamento, cómo facelo e materiais máis axeitados.
MARCO LEGAL – ANA LOPEZ, FAIMEVI: información sobre normativa a nivel europeo, estatal e autonómico; sistemas internacionais de certificación; empresas de servizos enerxéticos; e edificios sostibles.
Podedes consultalas e descargalas pinchando aquí
Tamén dispoñedes das galerías de fotos das dúas fins de semana:
