Posteos etiquetados Bioconstrución

Curso de Xeobioloxía e Bioconstrución

2014xeobioloxia_bioconstrucionA Bioconstrución entende unha relación de saúde e harmonía entre a vivenda e as persoas, respetando o medio e incorporando sistemas eficientes e aforradores de enerxía. Os días 8 e 9 de Novembro, levaremos a cabo un curso co obxectivo de mostrar os aspectos a ter en conta dende o momento de plantexar o edificio, integrando, ademais da orientación, unha serie de factores de risco que poderían afectar á saúde das persoas que habiten o lugar.

Unha axeitada prospección da xeobioloxÍa do terreo daranos información sobre posibles alteracións; aprendendo cómo replantexar o posicionamento da edificación no seu lugar óptimo segundo a súa finalidade. Aprenderemos a facer un estudo de Biohabitabilidade e a elaborar paralelamente unha idealización e construción cos materiais axeitados aos criterios da Bioconstrución: cal, arxilas, madeiras, pinturas orgánicas, etc. Así como o uso e manutención e a súa vinculación coa saúde.

Apúntate canto antes! aquí o PROGRAMA COMPLETO XEOBIOLOXÍA E BIOCONSTRUCIÓN. Ler mais…

Obradoiro de Pinturas e Aceites Naturais

2014obradoiro_pinturas_naturais

O 18 de outubro levaremos a cabo un obradoiro no que coñeceremos as vantaxes do emprego de pinturas e vernices naturais: transpirables, regulan a humidade e están libres de sustancias nocivas. A súa elaboración é respetuosa co medio, tanto na produción como na reciclaxe de materias primas e embalaxes. Unha alternativa ás convencionais que supoñen un risco para a saúde polas sustancias canceríxenas e a emisión de gases tóxicos.

Imparte a formación o especialista Alexandre Domínguez, coñecido como Pintor de Quins e promotor da empresa Decologic

Consulta os horarios, contidos e actividades complementarias da xornada!

Ler mais…

Curso de estufas de alto rendemento: novas datas!

2014_estufas_rendementoAs estufas cerámicas están deseñadas baixo as premisas de aforro enerxético, construción sostible e óptimo aproveitamento da enerxía producida pola leña. Ademais dunha maior eficiencia, lógrase unha importante redución na emisión de gases contaminantes. Neste curso práctico construiremos unha estufa, da man do experto Manuel Vázquez, xerente de ECOFOGAR.

Datas e lugar: 25-26 de outubro, en As Corcerizas

Horarios e inscrición: o curso comeza o sábado ás 10.30h. e remata o domingo ás 19.00h. Para matricularse é preciso enviar a ficha cuberta a info@ascorcerizas.com, ata o día 22 de outubro

Destinatarios/as: público en xeral, calquera persoa interesada en incorporar sistemas eficientes no fogar; especialmente dirixido a autoconstrutores/as, estudantes e profesionais da construción e bioconstrución, arquitectura, etc.

Consulta os contidos, tarifas e apúntate canto antes!

Ler mais…

Bioconstrución e renovables: formación no mes de outubro

2014_formacion_bioconstrucionAberta a inscrición dos cursos que pon en marcha Amigos da Terra:

Estufas de alto rendemento: 11 e 12 de outubro. Imparte Manuel Vázquez, Ecofogar

Pinturas e aceites naturais: 18 de outubro. Imparte Alejandro Domínguez-Pintor de Quins, Decologic

Enerxías renovables no fogar e instalación de fotovoltaicas: 25 e 26 de outubro. Imparte Suso López Taboada, Montaxes Lagoa

Xeobioloxía e bioconstrución: 8 e 9 de novembro. Imparte Xulio Fernández, Bioconstruir

Se estás interesada solicita información e realiza a preinscrición en: info@ascorcerizas.com

Os cursos irán publicandose con programa, horarios, formadores/as e tarifas. Estade atentas!

Remata o Campo de traballo internacional de bioconstrución!

campo_de_trabajo_ascorcerizas_2014_brais_palmásO pasado 12 de agosto finalizou o campo de traballo internacional de bioconstrución e autoconstrución en As Corcerizas. Ao longo de doce xornadas, mozas de seis nacionalidades diferentes aprenderon a deseñar e construir seguindo os principios da construción sostible.

O programa completouse con charlas informativas sobre o sistema alimentario convencional, a mediciña alopática e o presente modelo enerxético. E para coñecer as alternativas propuxemos diversos obradoiros de cosmética natural, velas e xabóns veganos, elaboración de pan, de marmelos e cervexa artesanal. Aquí algunhas FOTOGRAFÍAS das xornadas.

Ler mais…

As Corcerizas no Salón da Construción: alternativa ás compañías eléctricas

AGAENAmigos da Terra presenta as alternativas que ofrece o seu proxecto de As Corcerizas para un cambio de modelo enerxético no Salón da Construción de Galicia SICO 2014.

Será o xóves 5 de xuño ás 18h., no marco das xornadas técnicas organizadas por AGAEN, Cluster Galego do Autoconsumo Enerxético; entidade que aboga polo autoconsumo enerxético e a xeneración distribuida de electricidade. As Xornadas contarán con especialistas en enerxías renovables, bioconstrución, técnicas de eficiencia enerxética, empleo de cámaras termográficas para detectar fallos de illamento, etc. MAIS INFORMACIÓN

Curso de deseño de Permacultura

2014permacultura_curso12 a 27 de xullo en As Corcerizas, con máis de 100 horas!

Apúntate a esta formación ecopedagóxica baseada nunha aprendizaxe inclusiva e compartida, vinculando o coñocemento adquirido coas experiencias e circunstancias da vida diaria.

Mantendo o respeto polo currículum convencional de 72 horas dun CDP, traballaremos na aplicación práctica da ética, principios, técnicas e coñocemento ecolóxico e social da permacultura; con certificado recoñecido internacionalmente.

Consulta o PROGRAMA diario, currículum do facilitador, etc.

Ler mais…

Campo de traballo en agosto, apúntate!

130801_campo_traballo

Este verán levaremos a cabo un novo Campo de Traballo Internacional en As Corcerizas, dirixido a persoas entre 18 e 30 anos.

Do 1 ao 12 de agosto desenvolveremos actividades de bioconstrución e autoconstrución, nun ambiente participativo e lúdico.

Tamén se traballará na protección do contorno natural, recuperando o ecosistema forestal e vixiando para a detección de posibles lumes na Serra de San Mamede; xunto con roteiros pola montaña, obradoiros, e dinámicas grupais que fomentarán un ambiente amigable e distendido. {INFORMACIÓN AMPLIADA}

Consulta aquí as condicións xerais e modo de inscrición a través da Dirección Xeral de Xuventude e Voluntariado,que apoia e promove esta iniciativa a través da campaña Acción de Verán.

A cal e os seus usos: curso práctico

cal_1-300x234

A asociación galega para a bioconstrución, ESPIGA, organiza esta formación en As Corcerizas co obxectivo de poñer en coñecemento das participantes a cal en pasta, para a súa aplicación en restauración e/ou conservación do Patrimonio Histórico, bioconstrución, construción ecolóxica e autoconstrución.

Da man de JOYSTUC coñeceremos a versatilidade que presenta este gran material aplicable tanto en exteriores como interiores.

O curso levarase a cabo do 15 ao 17 de maio, e vai dirixido especialmente a profesionais do mundo da construción e do estuco. Pero tamén a todas aquelas persoas interesadas na mellora da calidade das súas vivendas e da sostibilidade. Consulta aquí o PROGRAMA E CONDICIÓNS, e inscríbete!

Participa no workshop de bioconstrución

En Amigos da Terra apostamos por un cambio de modelo enerxético, apoiando o aforro e a eficiencia enerxética; e promovendo o uso e autoxestión das renovables a través dun modelo distribuído como o de As Corcerizas. 

121027_muro_radiante01

121027_muro_radiante02

121027_muro_radiante03

Nesta liña, a fin de semana do 22-23 de febreiro convidámosche a que participes directamente na creación deste novo modelo, a través da campaña ésta é a nosa enerxía!:

  • Coñecendo como formar parte activa na xestión da electricidade como consumidora e posible produtora.
  • Empregando sistemas baseados no aforro e eficiencia enerxética: workshop de muros radiantes con barro crú para a calefación.

Ler mais…