Apúntate ao Monográfico de Construción e Rehabilitación con Barro
Os días 28 e 29 de maio, Amigos da Terra e o experto artesano e bioconstrutor Guido Tomasini levaremos a cabo o curso de Construción e Rehabilitación con Barro
O barro é un dos primeiros materiais empregados pola humanidade para a construción, contando cunha serie de propiedades que o situan hoxe en día nun material de preferencia en bioconstrución.
Xunto a outros materiais que manexaremos no curso, como palla ou mimbre, a facilidade de extracción, preparación e emprego, facilita o uso do barro en proxectos de auto-construción.
O obxectivo deste curso é mostrar, a través da práctica, esta posible alternativa para poder levar a cabo construcións e actividades de rehabilitación con barro nos nosos propios proxectos (vivenda, local social, traballo, etc.)., aplicando diferentes técnicas con barro cru.
CONTIDOS DO CURSO:
Sábado pola mañá
- Criterios básicos de bioconstrución, materiais e técnicas
- Eficiencia enerxética e emprego de enerxías alternativas
- Beneficios e usos da construción con barro
Sábado pola tarde e domingo todo o día
- Posta en práctica das diferentes técnicas de construción con barro cru: muros macizos (tapial); paredes divisorias (aplicación da técnica de trenzado con mimbres de castiñeiro, avelaira e xesta); ladrillos, recubrimientos; chans; etc.
PREZO: 100 €; 85 € para socios/as de Amigos da Terra. Inclúe a matrícula, o aloxamento e a manutención, con alimentos de produción ecolóxica local e comercio xusto, na medida do posible.
INFORMACIÓN E INSCRICIÓNS: EN COLABORACIÓN:
986 125 171
info@ascorcerizas.com
Los comentarios estan cerrados.
about 12 years ago
Boas Carolina,
pois tes un tren que vén ata Monforte (o Arco 720, que sae ás 06.50 da Coruña), pero chega ás 09.38, e nós temos que marchar ás 8.30 porque quedamos ás 9 en Ourense.
E tes outro (Arco 280) que che sae ás 08.48 da Coruña e chega a Ourense ás 10.55. Algo tarde…
Ao mellor hai alguén que vaia chegar tarde e lle cadre pasar a esa hora por Ourense…
Sorte!
about 12 years ago
Boas Rebeca.
Nós (Verónica Quintela e Marcos Ferreira) quedamos na estación de tren de Ourense ás 9 con Sofía e Mariano (os que veñen de Madrid). No coche aínda collemos un máis, así que se queres unirte, es benvida.
about 12 years ago
Ola! Eu vou dende A Coruña (cidade), e non quería levar o coche, se alguén se lle ocorre como podo facer… De tódolos xeitos, se teño que levalo gustaríame compartir a viaxe con alguén máis…
Apertas!
Carolina
about 12 years ago
Sofia Iglesias e eu, Mariano Reaño, xegamos a Ourense de Madrid as cinco da mañá do Sábado no tren. Temos tempo de camiñar ata Corcerizas, pero non é plan 🙂 Alguén pode levar-nos?
about 12 years ago
Ola bo día!! Eu vou desde Ourense; se ti Marcos pasas por aquí, podemos campartir coche, que te parece? alguén máis pasa por Ourense?
Saúdos
about 12 years ago
Boas, a próxima fin de semana imos ir desde Monforte ao curso de barro. Alguén está interesado en compartir coche?
about 12 years ago
Podedes ver un video de Guido levando a cabo unha das técnicas de construción que imos a practicar en As Corcerizas, pinchando neste enlace:
http://tv.uvigo.es/video/24931
Saúdos, vémonos na serra!