Educación Ambiental para Persoas Adultas

Continuamos con novas experiencias no Voluntariado en Espazos Naturais

Continuamos coas actividades de voluntariado no monte en As Corcerizas. Ademais da colaboración dos/as novos/as participantes no acondicionamente do contorno, unha vez mais disfrutamos de novas experiencias:

  • Na fin de semana do 17-19 de xuño aprendimos a recoñecer as especies de anfibios e reptís da Serra de San Mamede, construindo un refuxio somentes de pedras con ramas. Pinchade para ver as fotografías.
  • Na fin de semana do 24-26, a actividade de sensibilización sobre a xestión forestal sostible completouse coa explicación e inicio dun asentamento de formigueiros como medida de control biolóxico e mellora da biodiversidade do monte. Tamén tedes dispoñibles as fotos das actividades.

Coñecer o noso contorno é o primeiro paso para amalo e conservalo. Agradecemos a Alberto Ribero e Xosé Santos a súa colaboración para achegarnos un pouco mais a esta finalidade!

II Fin de semana de Voluntariado Ambiental en Espazos Naturais

As Corcerizas acolle dende hoxe e ata o domingo, a segunda fin de semana de Voluntariado Ambiental en Espazos Naturais, un proxecto de educación ambiental multidisciplinar posto en marcha pola Dirección Xeral de Xuventude e Voluntariado, e pola Dirección Xeral de Conservación da Natureza, na Serra de San Mamede (Macizo Central Ourensán) e na Baixa Limia (Serra do Xurés). Nesta ocasión, despois de facer un roteiro na busca e interpretación de rastros animais e profundizar no coñecemento da situación do lobo en Galicia, abordaremos unha temática de conexión coa Terra, dando renda solta á nosa imaxinación creando obras de “Land Art”.

Ler mais…

Fins de semana de voluntariado ambiental en San Mamede. Apúntante xa!

Amigos da Terra anímavos a fomar parte activa da mellora dos nosos montes e a disfrutar dos encantos da montaña ourensá, a través do programa Voluntariado Ambiental en Espazos Naturais.

Un programa de formación e sensibilización en materia de patrimonio natural galego, que ten por obxecto promover o voluntariado a través de actividades de educación ambiental encamiñadas á conservación, recuperación, sostibilidade e divulgación dos valores de distintos espazos naturais de Galicia.

 

Ler mais…

Amigos da Terra chámate á acción no Día Mundial da Eficiencia Enerxética

O Día Internacional da Eficiencia Enerxética é unha data para que reflexionemos sobre os nosos hábitos fronte ao uso sostible e racional da enerxía. Ademais temos o dereito de reclamar un maior compromiso de empresas, institucións e gobernos coa redución e o emprego de enerxías renovables.

Apostemos en primeiro lugar pola redución de enerxía e despois pola mellora dos procesos, a reutilización, a reciclaxe e a reorientación da produción cara a produtos menos intensivos en enerxía, con maior valor engadido, menos contaminantes, xeradores de emprego e socialmente útiles. Ademais, os/as consumidores/as, podemos mellorar a eficiencia enerxética dos nosos fogares aplicando unha serie de pequenas medidas no referente ao uso racional da calefacción, os electrodomésticos do fogar, etc…

As Corcerizas non é unha utopía, é a aposta feita realidade dun modelo máis coherente onde podes experimentar a viabilidade de todas estas medidas. Reflexiona e actúa!

Asina o manifesto en defensa da Educación Ambiental en Galicia

Desde Amigos da Terra apoiamos o manifesto NON Á DESAPARICIÓN DA EDUCACIÓN AMBIENTAL EN GALICIA no que a Sociedade Galega de Educación Ambiental (SGEA) denuncia a alarmante situación que está a vivir a Educación Ambiental na actualidade: recorte de actividades e recursos, peche e infrautilización de equipamentos públicos, despedimentos e peche de empresas, despilfarro de recursos,…

Infórmate e asina ti tamén o manifesto, por unha sociedade máis respectuosa co medio, xusta e solidaria.

No outono, apuntate a roteiro e magosto

O vindeiro sábado13 de novembro, celebraremos o outono na Serra de San mamede, cun roteiro interpretativo ata o Bidueiral de Montederramo e un magosto en As Corcerizas.

Ao longo da xornada realizaremos un obradoiro de cartografía-orientación. Plantaremos árbores nunha zona degradada, faremos a interpretación dos ecosistemas que acubilla a Serra.

E remataremos o día cun tradicional magosto en As Corcerizas. Castañas, música tradicional,lendas e contos…

Datos prácticos:

O prezo de toda a xornada será de 10 Euros, con todos os gastos incluidos.

Data límite para inscribirse: 10 de novembro.

De Ourense sairá un autobús ás 9:00h da mañá desde o Parque San Lázaro.

Ler mais…

O lobo e o teixugo. Bioloxía e conservación

Debido ao gran éxito das anteriores xornadas de rastros, desde a asociación queremos indagar máis no estudio da fauna, neste caso sobre o lobo e o teixugo. Co lema de “coñecer para conservar”, nos introduciremos unha vez máis nesta temática, para poder comprender e coñecer a estas dúas especies tan atacadas polo ser humano.

Ler mais…

Inscríbete agora no Campo de Traballo Alternativo

bioconstrucionXa está dispoñible o programa de contidos do campo de traballo alternativo e a ficha para que enviedes a vosa solicitude de inscrición, a través dun correo electrónico.

Pronto teredes máis información sobre as entidades e persoas que colaborarán con Amigos da Terra neste proxecto e enriquecerán a aprendizaxe.

Contidos

Ficha de inscricion en formato odt

Ficha de inscricion en formato doc


Campo de Traballo Alternativo. Bioconstrución e Autoconstrución

campo de traballoAmigos da Terra abre o plazo de inscrición para a formación en bioconstrución e autoconstrución que levaremos a cabo a través dun campo de traballo diferente, no que prima o coñecemento de novas técnicas bioconstrutivas e as súas aplicacións prácticas a través da  realización de traballos colectivos.

Ao longo destes 10 días desfrutaremos dun programa variado de formación, animación, lecer, convivencia e participación, á vez que colaboramos cun proxecto no que podemos demostrar outros modelos de desenvolvemento máis respetuosos co medio que compartimos.

Ler mais…

Curso “Recursos prácticos para a educación ambiental no tempo de lecer”

O vindeiro venres, 28 de maio, da comezo no centro o curso “Recursos prácticos para a educación ambiental no tempo de lecer”, enmarcado dentro do Plan de formación continua para monitores/as e directores/as de tempo libre que organiza a Dirección Xeral de Xuventude e Voluntariado.

Este curso pretende poñer en valor as ideas e capacidades dos monitores/as, reforzando o papel como educadores/as e nutrindo a vía para a profesionalización do sector do ocio e tempo de lecer. Ler mais…