Educación Ambiental para Persoas Adultas
Desafío Solidario: 1000 árbores para a Serra de San Mamede
Feb 25
O vindeiro 2 de marzo xuntarémonos para a plantación de 1000 árbores autóctonas nas proximidades de As Corcerizas.
A primavera pasada socios/as e voluntarios/as de Amigos da Terra colaboramos no desenvolvemento da carreira Desafío Solidario 2012; un evento deportivo organizado anualmente por Cruz Vermella Maceda e a Asociación Deportiva e Cultural Vía XVIII, que o ano pasado año puso o seu enfoque na oleada de lumes que arrasou en 2011 a Serra.
Repoboaremos 1 hectárea enteira de terreo!
Se as montañas te fan feliz, dálles algo a cambio!
Dec 27
Dende a Rede de Montañas, da que formamos parte, queremos transmitir unha mensaxe de entrada no 2013 para todas as persoas amigas das montañas: se as montañas te fan feliz, DALLES ALGO A CAMBIO!! Hai tanto que facer…!:
– defendelas de proxectos insensatos e de quenes as maltratan,
– aprender acerca delas e non molestar aos/ás habitantes,
– levarte lixo, reparar camiños e non estropealos,
– plantar árbores (e regalas),
qué máis se che ocorre? Comparte as túas ideas escribindo un correo a coordinacion@redmontanas.org e cóntanos cómo levalas a cabo!! Feliz 2013!!
Visitas educativas antes da neve
Dec 5
Xa chegou a neve a As Corcerizas! pronto poderemos amosarvos esa bonita paisaxe.. E xusto antes recibimos varios grupos con diferentes intereses:
Achegáronse os/as socios/as e voluntarios/as de Enxeñería Sen Fronteiras, para levar a cabo a súa xuntanza de asociación, compartindo recursos e potenciando o traballo en rede entre organizacións!
Tamén recibimos ao alumnado do curso de Monitor/a Ambiental que está a levar acabo a Fundación Ramón González Ferreiro de Allariz, co obxectivo de coñecer novas ferramentas educativas, metodoloxías e recursos.
E non faltaron os/as nenos/as! xa que se achegaron 2 grupos do C.E.I.P. A Lama dende a provincia de Pontevedra, dende infantil ata o último curso de primaria, para coñecer a realidade das enerxía renovables.
Pronto comezarán novas actividades, estade atentos/as!
Momentos vividos, momentos compartidos
Out 2
Pasada a data simbólica da celebración do 10º Aniversario queremos agora compartir con todos/as vós, algúns dos momentos desta grata fin de semana asi como unha visión da traxectoria do proxecto dende os seus inicios ata a data presente. Disfrutade coa:
• Galeria de fotos: 10 anos As Corcerizas
• Video: Aniversario de As Corcerizas. 10 anos compartindo alternativas
Sabemos que, a pesar de formar parte importante do proxecto, non están todos/as os/as que son; pero é que son milleiros de fotos, voluntarios/as, participantes, actividades…
Gracias pola enerxía e confianza aportada… e xa sabedes, vémonos na Serra!
10 anos compartindo alternativas! celébrao con nós
Set 17
Dende Amigos da Terra convidámoste a compartir con nós un momento moi especial:
O 10 ANIVERSARIO DE AS CORCERIZAS!
Achégate a As Corcerizas a fin de semana do 29-30 de setembro, e disfruta das actividades ambientais e obradorios dunha programación lúdica e participativa (esperamos a túa aportación!). E pola noite… festa rachada, música e lembranzas!
Roteiros para a Xuventude. Educación ambiental e lecer
Abr 2
“Roteiros para a Xuventude” consiste nun programa de saídas de fin de semana que permite o contacto coa natureza ao mesmo tempo que combina o lecer, o deporte e mailo coñecemento do noso contorno cultural e ambiental.
As Corcerizas sitúase dentro do Macizo Central Ourensán, catalogado como Lugar de Importancia Comunitaria (L.I.C.) dentro da Rede Natura 2000. A súa localización en plena montaña, a 1.100m. de altura, constitúe un recurso ideal para a desconexión, relaxación e posta en acción de actividades de natureza e lecer.
En As Corcerizas – Serra de San Mamede están previstas as seguintes datas para os roteiros:
- Abril: 21-22
- Maio: 12-13 e 26-27
- Xuño: 9-10
Colabora na recuperación do monte de As Corcerizas
Nov 17
Xornadas de Recuperación de zonas afectadas polos lumes. Coñecer, valorar e capacitar para actuar, 26-27 novembro
Logo da dramática desfeita que os incendios forestais produxeron este ano nos nosos montes e ecosistemas, dende Amigos da Terra propomos unhas xornadas de sensibilización e acción na Serra de San Mamede, Macizo Central Ourensán.
Sábado 26, a partires das 17.30h.: prepararación do Nendo Dango e materiais.
Poderedes aloxarvos de xeito gratuíto no albergue! ou vir directamente o domingo.
Domingo 27, en horario de 10.30h. a 18.00h.:
- Recollida de sementes
- Roteiro interpretativo. Observación e valoración das repercusións do lume
- Plantación de estaquiñas de salgueiro a carón dos regueiros
- Sementeira e plantación de árbores e método Nendo Dango (bolas de arxila con sementes autóctonas)
Consulta o Programa das Xornadas
Ficha de inscricion xornadas monte formato odt
Ficha de inscricion xornadas monte formato doc
Colabora nesta actividade:
Un novo Campo de Traballo que deixa pegada en As Corcerizas
Ago 2
Rematamos o campo de traballo de bioconstrución moi satisfeitas/os dos resultados obtidos, da convivencia e o bo ambiente de cooperación e traballo conxunto que se creou, acompañado por suposto de moitas risas!
Tomando a bioconstrución como fío conductor, creamos entre todos e todas as participantes un campo multidisciplinar de reflexións, opinións e experiencias desde distintas temáticas ambientais, sociais, e diferentes puntos de vista.
Participa no Voluntariado Ambiental para a prevención e defensa contra os incendios forestais
Xul 19
Amigos da Terra convídavos a participar na prevención, vixilancia e defensa dos nosos bosques, a través do programa “Voluntariado ambiental para a prevención e defensa contra os incendios forestais”. Este programa, é un proxecto de educación ambiental multidisciplinar posto en marcha pola Dirección Xeral de Xuventude e Voluntariado, e pola Dirección Xeral de Montes da Consellería de Medio Rural, en Lóuzara-Samos e na Serra de San Mamede.
Comezamos un novo Campo de Traballo sobre Bioconstrución
Xul 13
Logo da boa experiencia do pasado ano, damos comezo nesta campaña de verán, un novo Campo de Traballo sobre Bioconstrución. O venres 15 de xullo recibiremos a 20 persoas de todo o estado español, con novas ilusións e capacidades para compartir, durante 12 días, experiencias e alternativas para vivir dun xeito máis coherente co contorno natural e social.
Este Campo de Traballo forma parte do programa Acción de Verán, campaña que convoca a Consellería de Traballo e Benestar a través da Dirección Xeral de Xuventude e Voluntariado, e colabora o Concello de Ourense.
