Campamentos Ambientais
Remata o Campo de traballo internacional de bioconstrución!
Ago 15
O pasado 12 de agosto finalizou o campo de traballo internacional de bioconstrución e autoconstrución en As Corcerizas. Ao longo de doce xornadas, mozas de seis nacionalidades diferentes aprenderon a deseñar e construir seguindo os principios da construción sostible.
O programa completouse con charlas informativas sobre o sistema alimentario convencional, a mediciña alopática e o presente modelo enerxético. E para coñecer as alternativas propuxemos diversos obradoiros de cosmética natural, velas e xabóns veganos, elaboración de pan, de marmelos e cervexa artesanal. Aquí algunhas FOTOGRAFÍAS das xornadas.
Continúan as accións de voluntariado forestal
Xul 14
Da comezo a terceira semana
de voluntariado ambiental para a defensa contra incendios, con diversidade de actividades forestais na contorna da Serra de San Mamede!
Nas pasadas quendas, as/os participantes puideron coñecer e comprender a problemática dos lumes na montaña, interactuar cos axentes implicados e colaborar na súa prevención coa vixianza a través de roteiros e na mellora do ecosistema. Nos tempos libres aproveitaron a experiencia do equipo de As Corcerizas para coñecer alternativas como o funcionamento das enerxías renovables; así como obradoiros e actividades de debate e reflexión.
Non perdades a oportunidade de apuntarvos para a última semana do programa en As Corcerizas!
Do 18 ao 22 de agosto, cubrindo este FORMULARIO
Campamentos de verán con Amigos da Terra!
Mar 10
Ábrese o prazo de inscrición para os campamentos de 2014 con Amigos da Terra! En As Corcerizas creamos un marco de convivencia e traballo en equipo no que se desenvolven os valores que defende Amigos da Terra baseados no respecto pola natureza dende unha visión positiva e construtiva.
Disfrutarán de variadas actividades educativas, de animación, excursións, obradoiros creativos, xogos populares, dinámicas de grupo, asembleas e debates sobre temas ambientais. Aquí podes consultar máis información sobre o enfoque e actividades deste ano.
- Do 1 ao 7 de xullo: 8 a 11 anos
- Do 8 ao 14 de xullo: 12 a 15 anos
Campamentos 2013 con Amigos da Terra!
Feb 8
Este verán apuntate a un Campamento Alternativo!
Nos campamentos de Amigos da Terra apostamos por unha educación ambiental de calidade, onde ademais do propio disfrute das actividades aportase unha experiencia vivencial de alto valor.
Desenvolvemos un programa en permanente contacto coa natureza, ampliando a sensibilidade que permite identificar valores humáns e de convivencia na mesma. E coidamos a alimentación cunha cociña libre de transxénicos e con alimentos ecolóxicos.
Do 1 ao 10 de xullo terán o protagonismo os mozos e mozas de 10 a 14 anos.
Disfrutarán de variadas actividades educativas, de animación, excursións e visitas a pobos próximos, obradoiros creativos e actividades manuais, xogos populares, dinámicas de grupo, cine ao aire libre, asembleas e debates sobre temas ambientais. Aquí podes consultar máis informacion sobre o enfoque e actividades deste ano.
Fotografías de anteriores Campamentos en As Corcerizas
Damos comezo aos campas de verán de Greenpeace!
Xul 5
Na 15ª edición dos seus campamentos de verán, Greenpeace inicia as actividades para xóvenes en acción, e coherentemente co espíritu dos seus campamentos ningún contorno mellor que o de As Corcerizas, onde Amigos da Terra leva unha década sendo pioneira nos eidos da bioconstrución, enerxías limpas, alimentación ecolóxica e local, a redución e xestión dos seus residuos e a biodepuración das augas residuais.
Os/as participantes están a aprender como traballa Greenpeace, tanto a nivel de asociación como dos obxectivos ambientais e as campañas que levan a cabo, pero tamén están a coñecer a nosa realidade local e a disfrutar dos recursos da Serra de San Mamede.
Para Amigos da Terra convertir a utopía en realidade, e que dita realidade poda ser vivida e mostrada, constitúe un exemplo de que non hai mellor xeito de dicir as cousas que facelas.
Campamentos de verán con Greenpeace!
Xuñ 12
Este ano levaremos a cabo en As Corcerizas os campamentos de verán de Greenpeace, que levan xa 15 anos desenvolvéndose en distintos lugares de referencia.
Os campamentos de Greenpeace teñen como pilares fundamentais a paz, a tolerancia, a igualdade e a loita por un futuro verde; valores que comparte con Amigos da Terra e que convertirán este campamento nunha experiencia especialmente inesquecible e positiva para os/as nenos/as.
Están dirixidos a “Xóvenes en Acción”, de 12 a 17 anos, repartidos en quendas de 10 días durante todo o mes de xullo.
Vente de campamento con Amigos de la Tierra!
Mai 28
Este verán poderás apuntar aos/ás teus/túas nenos/as ao Campamento ecolóxico de Educación Ambiental organizado polo grupo de Amigos de la Tierra Comunidad de Madrid.
Combinaremos as alternativas que ofrece As Corcerizas coa experiencia da asociación en campamentos de educación ambiental, actividades de lecer e multiaventura. Unha oportunidade para a convivencia de rapaces/zas de distintos territorios do Estado español, e na montaña!
- DATAS: 2 a 11 de agosto
- IDADES: 8 a 16 anos
- PREZO: 287€ para socios/as; 331€ para non socios/as
Máis información e inscricións:
amigos@tierramadrid.org; 91 697 34 22 – 678 481 037
Finalizamos o Campamento de Verán do Concello de Pontevedra
Xul 12
Rematado o campamento de verán 2011 do Concello de Pontevedra, onde durante 10 días os/as nenos/as desfrutarón no Centro de Educación Ambiental As Corcerizas, dunha gran variedade de actividades lúdicas e educativas, sempre en contacto coa natureza.
Nestes días tiveron a oportunidade de descubrir novas paisaxes, novas amizades, novas sensacións, sempre a través de xogos e dinámicas en grupo, desenvolvendo a sensibilidade e favorecendo o traballo en equipo.
Esperamos que recordedes con ilusión estes 10 días que pasamos xuntas/os!!!
Aquí tedes un pequeno agasallo
Comeza o campamento de verán co Concello de Pontevedra
Xuñ 30
Damos comenzo ao campamento de verán co Concello de Pontevedra dentro do programa PONTEVERÁN 2011 da Concellaría de Xuventude, no que participaran un total de 51 nenos/as de entre 8 e 14 anos.
Durante 10 días nenos e nenas disfrutarán dunha gran variedade de actividades lúdicas e educativas dentro dun entorno privilexiado coma é o Centro de Educación Ambiental As Corcerizas, descubrindo a través de xogos e dinámicas de grupo, de xeito lúdico e divertido, o fascinante entorno da serra; realizarán actividades en contacto coa natureza, desenvolvendo a sensibilidade que permite identificar os valores humanos e de convivencia na mesma.
Ademais terán a oportunidade para a recreación e o esparexemento, onde os/as nenos/as aprenderán e interactuarán coa natureza dunha forma ordeada e amigable.
Últimas prazas para os campamentos de Amigos da Terra!!
Xuñ 17
Queres reservar un campamento de verán? Pois date prisa, aínda quedan prazas dispoñibles!!
Descarga aquí toda a información e reserva xa o teu campamento con Amigos da Terra!
Será unha oportunidade para todos os nenos e nenas que desexen convertirse durante estas vacacións de verán en intrépidos/as exploradores; coa a axuda dos/as monitores, descubrirán os segredos máis ocultos da Serra de San Mamede.
O campamento se desenvolverá nun marco de convivencia, respeto, traballo en equipo e cooperación, cun divertido programa de actividades que combina xogos, xincanas, multi-aventura, obradoiros e dinámicas de grupo.
DATAS: 1 a 8 de agosto de 2011
IDADES: 8 a 11 anos e 12 a 15 anos
PREZO: 335 euros; 300 euros para socios/as de Amigos da Terra
| Non deixes pasar a oportunidade para este verán!! Inscríbete!! (Data límite de inscrición: 11 de xullo) |
