Cubre as 50 plazas do bus e só vos custará 8 € por participante! Para estancias, en grupos de 25 participantes, con aloxamento, manutención e actividades:
- 2 días: 68€/persoa (inclúe 1 noite e 1 pensión completa)
- 3 días: 97€/persoa (inclúe 2 noites e 2 pensións completas)

Consulta as actividades propostas e o modo de inscrición!

• Investiguemos cómo frear o cambio climático co que comemos cada día! Obxectivo: visualizar a orixe dos alimentos tendo en conta as emisións de CO2, a superficie necesaria para a súa produción a escala mundial e a pegada ecolóxica deste modelo. PROGRAMA ALIMENTOS QUILOMÉTRICOS

• Alternativas para afrontar o Cambio Climático. Obxectivo: identificar as causas e consecuencias da crise climática e coñecer alternativas reais dende a experiencia vivencial directa: enerxías renovables, bioconstrución, sistema de depuración de augas con plantas e alimentación sustentable. PROGRAMA APOSTA CONTRA O CAMBIO CLIMÁTICO

• Coñecemento do Medio Natural e Etnografía da Serra de San Mamede-Macizo Central Ourensá. Obxectivo: coñecer os valores ambientais do ecosistema de montaña galego, os recursos etnográficos e fomentar a conservación e o respecto polo patrimonio como un ben ambiental, social e económico. PROGRAMA COÑECEMENTO DO MEDIO

Cubre a FICHA DE INSCRICION (formato .odt ou formato .doc), envíaa a info@ascorcerizas.com e porémonos en contacto contigo!

Xa chegou a neve a As Corcerizas! pronto poderemos amosarvos esa bonita paisaxe.. E xusto antes recibimos varios grupos con diferentes intereses:

Achegáronse os/as socios/as e voluntarios/as de Enxeñería Sen Fronteiras, para levar a cabo a súa xuntanza de asociación, compartindo recursos e potenciando o traballo en rede entre organizacións!

Tamén recibimos ao alumnado do curso de Monitor/a Ambiental que está a levar acabo a Fundación Ramón González Ferreiro de Allariz, co obxectivo de coñecer novas ferramentas educativas, metodoloxías e recursos.

E non faltaron os/as nenos/as! xa que se achegaron 2 grupos do C.E.I.P. A Lama dende a provincia de Pontevedra, dende infantil ata o último curso de primaria, para coñecer a realidade das enerxía renovables.

Pronto comezarán novas actividades, estade atentos/as!

Cada centro educativo poderá escoller entre 3 Programas diferentes segundo o tema de interese, a desenvolver nos meses de marzo a xuño.

- ProxectoTerra
- Alimentos Quilometricos
- Sentir, coñecer, actuar

Os Programas está dirixidos a alumnado de primaria, secundaria, bacharelato e ciclos formativos

- ProxectoTerra, proxecto do Colexio Oficial de Arquitectos de Galicia dentro do cal están previstas: Visitas educativas polas instalacións de As Corcerizas e obradoiros sobre bioconstrución, roteiros interpretativos da paisaxe pola Serra de San Mamede ou actividades de etnografía cos/as propios/as habitantes dos pobos da Serra. As actividades están financiadas e dirixidas a alumnado de secundaria.

Inscrición aberta ata o 26 de outubro. Consulta o Programa Intercambios Territoriais 2012-2013 en As Corcerizas, as condicións para a participación, e apunta ao teu centro contactando con actividades@proxectoterra.es

- Alimentos Quilométricos: actividade educativa deseñada para primaria e secundaria na que se visualiza a orixe dos alimentos tendo en conta as emisións de CO2, a superficie necesaria para a súa produción a escala mundial e a pegada ecolóxica deste modelo. A través dun xogo os/as participantes asimilan os diferentes pasos da cadea de produción de alimentos, descubren as implicacións e consecuencias dun modelo industrializado fronte a un máis sostible e valoran as posibilidades que temos para mudar. Xogando podemos aprender a tomar decisións razoadas que conleven melloras, para as persoas e o planeta!

Consulta o Programa, e apunta ao teu Centro cubrindo esta  ficha de inscrición [.odt] [.doc] e enviándoa a info@ascorcerizas.com

- Sentir, Coñecer e Actuar: nesta séptima edición do programa ofrecemos diversas temáticas ambientais orientadas aos diferentes cursos de primaria, secundaria, bacharelato e ciclos formativos: cambio climático, enerxías renovables, bioconstrución, residuos e coñecemento do medio. Trátase de xornadas educativas que fomentan no alumnado o pensamento crítico e aportan solucións prácticas para comprender e vivir en coherencia nunha sociedade de futuro.

Consulta os Programas e apunta ao teu Centro cubrindo esta  ficha de inscrición [.odt] [.doc] e enviándoa a info@ascorcerizas.com

Máis información:

info@ascorcerizas.com

988 374 318 / 986 229 089

Investiguemos como frear o cambio climático co que comemos cada día!

Convidámosvos a participar nas xornadas educativas que levaremos a cabo dende o mes de marzo ata xuño.

OS 3 PRIMEIROS CENTROS EN APUNTARSE DISFRUTARÁN DA XORNADA DE XEITO GRATUÍTO! coa financiación da Fundación Biodiversidad, a través do proxecto estatal do que forma parte este programa e que desenvolve Amigos de la Tierra en diferentes puntos do estado español.

O programa está dirixido a alumnos/as e educadores/as de 5º e 6º de Primaria e 1º ESO dos centros escolares de Galicia. Contaredes con materiais para continuar traballando os contidos: os/as educadores/as poderedes dispor de información adaptada e do noso asesoramento.

Obxectivos:

• Visualizar o entramado do actual modelo de produción de alimentos
• Analizar as consecuencias ambientais, económicas e sociais deste modelo
• Coñecer alternativas e opcións máis respetuosas e sostibles

Contidos e Metodoloxía, a xornada estará dividida en dúas partes:

1. Analítica e reflexiva: visualizaremos a orixe dos alimentos tendo en conta as emisións de CO2, a superficie necesaria para a súa produción a escala mundial e a pegada ecolóxica deste modelo
2. Valorativa e proactiva: a través dun xogo asimilaremos os diferentes pasos da cadea de produción de alimentos, descubriremos as implicacións e consecuencias dun modelo industrializado fronte a un máis sostible e valoraremos as posibilidades que temos para mudar.

Xogando podemos aprender a tomar decisións razoadas que conleven melloras, para as persoas e o planeta!

Reserva a túa data enviándonos a ficha de inscrición cuberta:

Ficha inscricion [odt] / Ficha inscricion [doc]                          Coa Colaboración de

Xornadas educativas que fomentan no alumnado o pensamento crítico e aportan solucións prácticas para comprender e vivir en coherencia nunha sociedade de futuro

O programa ofrece diversas temáticas ambientais orientadas aos diferentes cursos de primaria e secundaria: cambio climático, enerxías renovables, bioconstrución, residuos, aplicación de metoloxías científicas, coñecemento do medio e cooperación.

As xornadas serán desenvoltas nas instalacións de As Corcerizas e no entorno do Macizo Central Ourensán.

Contacta con nós en:

info@ascorcerizas.com
Telf: 988 374 318 / 986 125 171

• Rúa da Concordia 20, 2º esquerda 32003 – Ourense
• Rúa Policarpo Sanz, 17 – 1º D. 36202 – Vigo

Nestes días tiveron a oportunidade de descubrir novas paisaxes, novas amizades, novas sensacións, sempre a través de xogos e dinámicas en grupo,  desenvolvendo a sensibilidade e favorecendo o traballo en equipo.

Esperamos que recordedes con ilusión estes 10 días que pasamos xuntas/os!!!

Aquí tedes un pequeno agasallo

Coa visita do Ies Rodeira de Cangas o pasado 26 de maio, dámos por finalizadas as xornadas educativas en As Corcerizas dentro dos Intercambios territoriais previstos na programación do Proxecto Terra para curso 2010-2011.

Entre os meses de abril e maio case 200 escolares de 12 a 18 anos, chegados de diferentes pontos de Galicia, puideron comprobar en 1ª persoas as vantaxes e beneficios da bioconstrución e arquitectura bioclimática; tomando consciencia da diversidade e evolución das construcións e dos asentamentos no territorio galego.

A visita educativa polas propias instalacións de As Corcerizas, obradoiro de construción con barro, roteiros interpretativos  pola Serra de San Mamede ou actividades de etnografía cos propios habitantes dos pobos da Serra, foron algunhas das actividades desenvoltas dentro do Programa.

Os Institutos integrados no Proxecto Terra que se desenvolveron nesta edición parte das actividades educativas en As Corcerizas foron:

• IES Eusebio da Guarda (A Coruña)
• IES Abrente (Ribadavia)
• IES A Sangriña (A Guarda)
• IES A Cañiza (Pontevedra)
• IES Rodeira (Cangas)

Agradecemos a participación dos diferentes Centros e animamos aos que non o coñecen a descubrir e disfrutar deste interesante Proxecto!

Felicitar ao Colexio Oficial de Arquitectos de Galicia (COAG) polo PREMIO NACIONAL DE URBANISMO que lle foi concedido pola Secretaría de Estado de Vivenda e Actuacións Urbanas do Ministerio de Fomento polo “Proxecto Terra“.

Será este o inicio dun recurso educativo que irá medrando e madurando co paso do tempo e a implicación dos diferentes Centros educativos e persoas que pasan anualmente pola Serra.

• DÍA: Luns 21 de marzo
• LUGAR: Macizo Central Ourensán, Serra de San Mamede, entorno do Centro de As Corcerizas
• PARTICIPANTES: escolares de Ourense

Consulta o Programa do Día da Árbore no Ano Internacional dos Bosques.

Agradecer a donación da totalidade dos acivros a Luis Álvarez, quen coidou ate o seu tamaño de trasplante as arboriñas que ían saindo no seu xardín, na zona de Cerdedo.

Os Centros educativos interesados en participar deberán reservar praza antes do 15 de marzo contactando con Amigos da Terra en:

info@ascorcerizas.com
988 374 318

Organizan:

A Asemblea Xeral das Nacións Unidas aprobou en 2006 a resolución pola que se declaraba 2011 Ano Internacional dos Bosques, co obxectivo de concienciar á opinión pública de que os bosques son esenciais para a sustentabilidade do planeta debido aos beneficios económicos, socioculturais e ambientais que proporcionan.

Nos meses de abril e maio os centros educativos poderán participar das actividades de Amigos da Terra definidas no intercambio territorial de Allariz.

Entra na web do Proxecto Terra da C.O.A.G. e consulta o programa.

Xornadas educativas que fomentan no alumnado o pensamento crítico e aportan solucións prácticas para comprender e vivir en coherencia nunha sociedade de futuro

O programa ofrece diversas temáticas ambientais orientadas aos diferentes cursos: cambio climático, enerxías renovables, bioconstrución, residuos, aplicación de metoloxías científicas, coñecemento do medio e cooperación.

As xornadas serán desenvoltas no Centro de Educación Ambiental As Corcerizas e entorno do Macizo Central Ourensán

Contacta con nós en:

info@ascorcerizas.com
Telf: 988 374 318

• Rúa da Concordia 20, 2º esquerda 32003 – Ourense
• Rúa Policarpo Sanz, 17 – 1º D. 36202 – Vigo

Os principais obxectivos do curso son fomentar nos/as participantes o traballo en equipo, inculcando valores de solidariedade, participación, convivencia, tolerancia, etc., así como facelos conscientes das problemáticas ambientais e da necesidade de conservación, fortalecendo ou creando neles unha conciencia ambiental.

Entre as numerosas actividades que se van a levar a cabo durante estes días, destacan a visita etnográfica que realizarán hoxe pola tarde ao pobo de Arnuide, na que a propia xente do lugar será a que faga de guía, e onde ademais os/as participantes realizarán un traballo de voluntariado no muíño comunal.

Así mesmo, mañá xoves, os/as mozos/as desprazaranse ata o colexio de Vilar de Barrio para instalar neste centro o composteiro que previamente realizaron en As Corcerizas, explicando aos nenos e nenas como utilizalo, e os beneficios que ten para reducir o volume de residuos orgánicos.

O papel da educación ambiental con voluntariado é considerado por Amigos da Terra, como un proceso fundamental para activar unha sociedade necesitada de permanente reflexión sobre os obxectivos que persegue, a sustentabilidade das estratexias que emprega para conseguilos, e da equidade do reparto e uso dos recursos.

Sete foron os centros educativos ourensáns participantes nesta edición de “Sentir, Coñecer, Actúar”, no que rapaces e rapazas con idades comprendidas entre os 10 e os 18 anos, comprobaron por si mesmos/as a viabilidade das alternativas existentes para vivir dun xeito máis consciente e respectuoso co medio.

Como inflúe a produción e o consumo enerxético no cambio climático, a xestión dos residuos ou como inciden os nosos hábitos cotiás no medio ambiente, foron algúns dos temas tratados en cada una destas xornadas.

Ademais, as diferentes dinámicas, xogos e actividades prácticas contribuíron dun xeito atractivo e, ao mesmo tempo, educativo a estimular o pensamento crítico e analizar a información tratada durante o día.

Todo isto, nun entorno incomparable, onde puideron comprobar en primeira persoa a viabilidade da bioconstrución e a arquitectura bioclimática, así como a eficiencia enerxética mediante diferentes fontes renovables (solar, eólica, microhidraúlica e biomasa).

Os centros ou grupos interesados poden solicitar ao longo de todo o ano calquera das xornadas do programa Sentir, Coñecer, Actuar.

IES A Carballeira

Cunha xornada educativa sobre as consecunecias e alternativas para facer fronte ao cambio climático, o IES A Carballeira iniciou a semana pasada a o Programa de visitas educativas en As Corcerizas 2010; unha actividade municipal organizada pola concellalía de Educación do concello de Ourense en colaboración con Amigos da Terra.

Ao longo desta primavera, entorno aos 250 alumnos/as de centros escolares ourensáns experimentarán por sí mesmos/as a viabilidade das alternativas existentes para vivir dun xeito máis consciente e respectuoso.

Ao longo da xornada trataranse as temáticas das enerxias renovables, a bioconstrución e o tratamento alternativo de residuos promovendo a capacidade de crítica e aportando solucións aplicables no día día para facer fronte a unha das principiais causas do cambio climático, o consumo excesivo e inconsciente.

Alumnos e alumnas de 1º de bacharelato do Colexio Amor de Dios de Vigo, achegábase por primeria vez o pasado 23 de marzo ao Centro de As Corcerizas para comprobar, de xeito eminentemente práctico, cómo a base científica poder útil para a conservación do medio.

A través do programa Aplicación de metodoloxías científicas para a Conservación do medio natural, integrado na oferta educativa do Centro, cerca de 50 rapaces e rapazas experimentaron, analizaron, comprobaron… dun xeito lúdico e educativo, cómo a ciencia e a investigación poden aportarnos ferramentas altamente valiosas para o coñecemento e conservación do noso entorno local e global.

Unha pequena mostra de auga, a observación con detimento do entorno ou mesmo un anaco de terra, poden chegar a aportarnos moi diferentes e interesantes datos que, tras unha adecuada interpretación, se convertirán nunha fonte valiosa de información.

Esta proposta práctica en contacto directo con medio natural, ten entre os seus obxectivos, achegar os coñecementos científicos, moitas veces relegados a un sector reducido, á nosa vida cotiá.

• Descubrir, coñecer e comprender as interacións entre humanidade e medio baseadas nos principios de sostibilidade.
• Chegar a tomar conciencia da importancia do medio ambiente nas vidas cotiás e valorar a transcendencia da mellora do entorno para mellorar a calidade de vida.
• Observar distintas formas de relacións e aproveitamento dos recursos naturais.
• Sensibilizarnos de xeito comprometido.

As actividades do programa de educación ambiental, “Sentir, Coñecer, Actuar” 2009, continúan a súa andaina no Centro de Educación Ambiental As Corcerizas.

Os últimos centros en participar foron o C.E.I.P Monte Baliño, o I.E.S Abrente e o I.E.S Xesús Ferro Couselo, quen puideron disfrutar dunha xornada lúdica e de aprendizaxe na Serra de San Mamede.

A temática do cambio climático, foi a máis demandada polos centros, que puideron comprobar “in situ”, a viabilidade das enerxías renovables como unha alternativa viable para a vida cotiá, e un modo de axudar a frear o impacto que o cambio climático está tendo no noso planeta.

Vai un abrazo! e xa sabedes… Vémonos na Serra!!