Amigos da Terra abre un espazo participativo para a formación práctica en bioconstrución a través de traballos colectivos que nos mostren como empregar materiais ecolóxicos para minimizar os impactos que xeneramos coa nosa forma de vida. Adicaremos as mañás á rehabilitación de estruturas dos edificios bioclimáticos, combinando os revocos de barro, tratamentos naturais para estructuras de madeira, etc.; coa protección do contorno natural recuperando o ecosistema forestal e vixiando para a detección de posibles lumes na Serra de San Mamede.

Polas tardes disfrutaremos de actividades complementarias como obradorios ambientais, roteiros e dinámicas grupais que fomenten un ambiente amigable e distendido. Teredes a oportunidade de coñecer tamén a costa galega e os recursos da cidade de Ourense. Apúntate a este espazo de reflexión e acción! [INFORMACIÓN AMPLIADA]

Consulta aquí as condicións xerais e modo de inscrición a través da Dirección Xeral de Xuventude e Voluntariado, que apoia e promove esta iniciativa a través da campaña Acción de Verán.

Roteiro nocturno, obradoiro de recuperación ambiental, plantación e ecovixiancia en zonas afectadas polo AVE e xogos de orientación, serán algunhas das actividades previstas.

Consulta a Programación e reserva praza!

Datas: 16 e 17 de marzo

Dirxido a todas aquelas persoas interesadas na mellora e defensa do monte galego

Horas e puntos de encontro:

Sábado ás 20:00 en As Corcerizas
Domingo ás 10:30 en As Corcerizas
Domingo ás 13:30 na área de lecer de Porto, a carón do Río Arnoia, e se fai mal tempo no
local social do pobo. Porto-Alemparte.- 42º 10´ 40.04″ N e 7º 35´ 29.89″ W

Aloxamento e comidas

Aloxamento no albergue de As Corcerizas.
Cea e xantar por conta dos participantes.

ACTIVIDADE GRATUÍTA

As persoas que participen en toda a programación, serán convidados/as por Amigos da Terra ao almorzo e poderán disfrutar do albergue de xeito gratuíto a noite do sábado.
Reserva a túa praza antes do 15 de marzo se ves a durmir ao albergue.

MÁIS INFORMACIÓN E RESERVAS nos locais de Amigos da Terra e no:

988 374 318
info@amigosdaterra.net

O domingo, en colaboración cos veciños/as de Porto, teremos oportunidade de ver ao longo do roteiro a desfeita e a pretensión de ADIF de ocupar e destruir preto de 20 hectáreas e soutos centenarios que se suman as xa ocupadas 27 hectáreas: 47 Ha. destruídas de fragas autóctonas nun val moi pequeno.

Hai prevista a convocatoria aberta dunha xuntanza de tódalas organizacións “sensibles” para unificar criterios para facer fronte a este “Cabalo de Atila” ; esixindo ás Administracións Públicas que se cumpra a lexislación e se minimice o impacto das obras.

Tamén propomos un roteiro pola Serra de San Mamede, potenciando o contacto coa natureza como ferramenta imprescindible para o noso benestar.

PREZO ESPECIAL DE XÓVES A DOMINGO: 75 euros; 65 euros para socios/as de Amigos da Terra.    Tamén poderás conformar o teu propio plan “a medida” e apuntarte ao que máis che interesa!

• PROGRAMA DE ACTIVIDADES
• TARIFA COMPLETA: 75€; 65€ para socios/as. Inclúe o aloxamento os 4 días e as actividades
• TARIFAS PARA FACER O TEU PROPIO PLAN (prezos individuais; inclúen o i.v.e.):

Aloxamento: 15 euros cada noite

Obradoiro con ANDARES: 20 euros toda a xornada do venres (12h. a 20h.)

Roteiro ambiental: 15 euros toda a xornada do sábado (11h. a 18h.)

• INSCRICIÓNS: envía a ficha cuberta a info@ascorcerizas.com antes do día 25 de marzo e poñeremonos en contacto contigo!

Inscrición semana santa formato .odt

Inscrición semana santa formato .doc

• MÁIS INFORMACIÓN: info@ascorcerizas.com ou no 986 229 089

A primavera pasada socios/as e voluntarios/as de Amigos da Terra colaboramos no desenvolvemento da carreira Desafío Solidario 2012; un evento deportivo organizado anualmente por Cruz Vermella Maceda e a Asociación Deportiva e Cultural Vía XVIII, que o ano pasado año puso o seu enfoque na oleada de lumes que arrasou en 2011 a Serra.

Repoboaremos 1 hectárea enteira de terreo!

Chegou pois o momento de achegarse ao monte:

Piñeiros silvestres, bidueiros, carballos e acivros serán algunhas das especies autóctonas que, pola súa adaptación ao clima e á altitude da zona, serán plantadas no monte comunal de Castro de Escuadro, ao pe da Serra de San Mamede.

Dende Amigos da Terra propomos a maiores, unha vez rematada a plantación, facer un roteiro ata o alto da Serra para disfrutar da paisaxe invernal da montaña en boa compañía.

Se estades interesados/as en colaborar poñédevos en contacto coa asociación para concretar as cuestións organizativas.

Data: 2 de marzo
Lugar: Serra de San Mamede. Monte Comunal de Castro de Escuadro, proximidade de As Corcerizas.

Confirmación de asistencia e máis información en :
voluntariado.galicia@amigosdaterra.net
988 374 318

Fagamos da Serra de San Mamede un espazo cada día máis vivo!

- defendelas de proxectos insensatos e de quenes as maltratan,
- aprender acerca delas e non molestar aos/ás habitantes,
- levarte lixo, reparar camiños e non estropealos,
- plantar árbores (e regalas),

qué máis se che ocorre? Comparte as túas ideas escribindo un correo a coordinacion@redmontanas.org e cóntanos cómo levalas a cabo!! Feliz 2013!!

Xa chegou a neve a As Corcerizas! pronto poderemos amosarvos esa bonita paisaxe.. E xusto antes recibimos varios grupos con diferentes intereses:

Achegáronse os/as socios/as e voluntarios/as de Enxeñería Sen Fronteiras, para levar a cabo a súa xuntanza de asociación, compartindo recursos e potenciando o traballo en rede entre organizacións!

Tamén recibimos ao alumnado do curso de Monitor/a Ambiental que está a levar acabo a Fundación Ramón González Ferreiro de Allariz, co obxectivo de coñecer novas ferramentas educativas, metodoloxías e recursos.

E non faltaron os/as nenos/as! xa que se achegaron 2 grupos do C.E.I.P. A Lama dende a provincia de Pontevedra, dende infantil ata o último curso de primaria, para coñecer a realidade das enerxía renovables.

Pronto comezarán novas actividades, estade atentos/as!

• Galeria de fotos: 10 anos As Corcerizas
• Video: Aniversario de As Corcerizas. 10 anos compartindo alternativas

Sabemos que, a pesar de formar parte  importante do proxecto, non están todos/as os/as que son; pero é que son milleiros de fotos, voluntarios/as, participantes, actividades…
Gracias pola enerxía e confianza aportada… e xa sabedes, vémonos na Serra!

Dende Amigos da Terra convidámoste a compartir con nós un momento moi especial:

O 10 ANIVERSARIO DE AS CORCERIZAS!

Achégate a As Corcerizas a fin de semana do 29-30 de setembro, e disfruta das actividades ambientais e obradorios dunha programación lúdica e participativa (esperamos a túa aportación!). E pola noite… festa rachada, música e lembranzas!

Programa:

Sábado

11.30 Encontro

12.00 Introdución aos sistemas de fitodepuración – Que son, alternativas existentes
Práctica no Filtro de Macrofitas en Flotación (F.M.F.). Contamos coa colaboración de Javier Santiago, de Tp3 oficina técnica forestal – Galicia

14.00 Xantar (por conta das participantes)

16.00 Microorganismos Efectivos: que son e como empregalos? Obradoiro de EM Dango (bolas de arxila con Microorganismos Efectivos). Contamos coa colaboración de Juan Gaiteiro e Andrés Reboreda, Reboreda SL Sanidade Vexetal

17.30 Obradoiros simultáneos:

Elaboración de pan ecolóxico, coa colaboración dun socio

Rocket Stove estufa eficiente con barro, coa colaboración dunha voluntaria

19.30 Obradoiro Técnicas de Proxección ao Futuro, coa colaboración dunha socia

21.00 Cea compartida coa comida que levaremos cada unha

22.30 Proxección de fotos e vídeo sobre As Corcerizas

E FESTAAAA!!!!!! ata que aguantemos! O aloxamento será no albergue

Domingo

11.00 Almorzo, organizado dende Amigos da Terra

Propoñemos un mercadiño de troco: trae roupa, libros, ou calquera cousa que non uses e penses que outras persoas poidan querer para trocar.

A aportación para a fin de semana é de 10 € por persoa.

Pregamos confirmación da túa asistencia para estar preparad@s!

Apúntate e celebra con nós 10 anos de ecoloxismo cos pés na terra!

“Roteiros para a Xuventude” consiste nun programa de saídas de fin de semana que permite o contacto coa natureza ao mesmo tempo que combina o lecer, o deporte e mailo coñecemento do noso contorno cultural e ambiental.

As Corcerizas sitúase dentro do Macizo Central Ourensán, catalogado como Lugar de Importancia Comunitaria (L.I.C.) dentro da Rede Natura 2000. A súa localización en plena montaña, a 1.100m. de altura, constitúe un recurso ideal para a desconexión, relaxación e posta en acción de actividades de natureza e lecer.

En As Corcerizas – Serra de San Mamede están previstas as seguintes datas para os roteiros:

• Abril: 21­-22
• Maio: 12­-13 e 26­-27
• Xuño: 9­-10

Programa:

Sábado:

• Roteiro interpretativo pola montaña, nocións de orientación con mapa e brúxula.
• Visita etnográfica ao pobo de Rebordechao.
• Velada.

Domingo:

• Xogo de orientación.
• Baño no Balneario de Baños de Molgas e tratamento con parafangos.

Prezo:

94€, 75.20 € para as persoas que posúan o carné xoven

Reserva e inscrición:

Os/as interesados/as na participación neste programa poden facer a reserva de praza chamando aos números de teléfono:

981 545937
981 545702
981 545822
981 541689

De luns a venres de 09:00 a 14:00 horas.
Unha vez reservada a praza, deberase efectuar o pago da cota no prazo máximo de 48 horas.
Máis infomación sobre o programa en: Roteiros para a xuventude

Programa organizado en colaboración coa Dirección Xeral de Xuventude e Voluntariado. Xunta de Galicia

Logo da dramática desfeita que os incendios forestais produxeron este ano nos nosos montes e ecosistemas, dende Amigos da Terra propomos unhas xornadas de sensibilización e acción na Serra de San Mamede, Macizo Central Ourensán.

Sábado 26, a partires das 17.30h.: prepararación do Nendo Dango e materiais.

Poderedes aloxarvos de xeito gratuíto no albergue! ou vir directamente o domingo.

Domingo 27, en horario de 10.30h. a 18.00h.:

• Recollida de sementes

• Roteiro interpretativo. Observación e valoración das repercusións do lume

• Plantación de estaquiñas de salgueiro a carón dos regueiros

• Sementeira e plantación de árbores e método Nendo Dango (bolas de arxila con sementes autóctonas)

Consulta o Programa das Xornadas

Ficha de inscricion xornadas monte formato odt

Ficha de inscricion xornadas monte formato doc

Colabora nesta actividade:

Tomando a bioconstrución como fío conductor, creamos entre todos e todas as participantes un campo multidisciplinar de reflexións, opinións e experiencias desde distintas temáticas ambientais, sociais, e diferentes puntos de vista.

• Revocamos con barro a parede interior do edificio do comedor, continuando o traballo inciado polo grupo do campo do verán pasado e coa colaboración de Guido Tomasini, artesano e bioconstrutor
• Fixemos ladrillos de adobe para a construción de baños secos para o encontro da Rede Ibérica de Ecoaldeas
• Renovamos con aceites naturais as vigas das cubertas vexetais dos edificios
• Pintamos o albergue co asesoramento do Pintor de Quins
• Plantamos acivros e acondicionamos a nova zona de creación do biotopo para ir recuperando o contorno

E  todas estas actividades combinadas con animación, obradoiros, excursións pola montaña,visita á cidade de Ourense e á costa galega, etc., afianzaron o grupo e deron a oportunidade de que persoas de todo o estado español e 3 participantes de Uruguay coñecesen os recursos naturais e culturais de Galicia.

Aquí podedes ver as fotos e algúns vídeos dos 12 días do campo!

Amigos da Terra

O obxectivo principal do mesmo é sensibilizar e infundir nos/nas participantes criterios e coñecementos básicos sobre a prevención, información e vixilancia contra os incendios forestais, que os motiven e capaciten para valorar e conservar os nosos bosques.

Este ano, prodúcese ademais a concorrencia de dous grandes feitos; por un lado, o ano 2011 foi declarado polo Consello Europeo “Ano Europeo das Actividades de Voluntariado que Fomenten unha Cidadanía Activa” e, por outro, o 20 de decembro de 2006 a Asemblea Xeral de Nacións Unidas declarou 2011 como “Ano Internacional dos Bosques”, invitando aos gobernos, ONG, sector privado e a todas as organizacións e cidadáns a facer esforzos concertados para concienciar e fortalecer en todos os niveis a conservación e o aproveitamento sustentable dos ecosistemas forestais en beneficio das xeracións actuais e futuras.

Actividades a desenvolver:

• Formación ao voluntariado sobre prevención e vixilancia contra os incendios forestais.
• Obradoiro de prevención de incendios forestais.
• Obradoiro básico de cartografía-orientación-comunicación.
• Roteiros de vixilancia temperá pola Serra para a detección de posibles lumes forestais andando e en bicicleta, con  estruturación e organización dos  equipos para poder abarcar o maior campo de visión posible: zonas altas con gran campo de visión e zonas baixas para a detección temperá de incendios difíciles de detectar desde as casetas de vixilancia.
• Vixilancia disuasiva polas zonas potencialmente perigosas polos incendios.
• Recoñecemento de flora e fauna de montaña.
• Observación de ecosistemas forestais e interpretación da paisaxe.
• Labores de información e sensibilización á poboación local.
• Visita á Caseta de Vixilancia Ambiental do Alto da Serra de San Mamede

Datas e número de participantes na Serra de San Mamede:

• Xullo: do 29 ao 31 (25 participantes)
• Agosto: do 5 ao 7 (15 participantes) POSPOSTO
• Agosto: do 12 ao 14 (25 participantes) POSPOSTO
• Agosto: do 19 ao 21 (25 participantes)
• Setembro: do 2 ao 4 (25 participantes)
• Setembro: do 9 ao 11 (25 participantes)

O programa inclúe:

1. Aloxamento e pensión completa no albergue.
2. Programa de actividades e monitores.
3. Seguro de accidentes e de responsabilidade civil.

O desprazamento ata o albergue será por conta dos/das participantes.

Condicións xerais:

• Poderán participar no programa voluntarios e voluntarias que teñan cumpridos os 18 anos no momento da súa participación.
• Deberán levar os útiles de aseo persoal, toallas, chancletas para a ducha, roupa cómoda, roupa de abrigo e de auga, botas de montaña, calzado deportivo e lanterna. Obrigatorio levar saco de durmir.

Participantes e inscricións:

Todos os voluntarios e voluntarias que estean dispostos a colaborar neste proxecto poden inscribirse a través do formulario que aparece na web www.voluntariadogalego.org.

Este Campo de Traballo forma parte do programa Acción de Verán, campaña que convoca a Consellería de Traballo e Benestar a través da Dirección Xeral de Xuventude e Voluntariado, e colabora o Concello de Ourense.

Adicaremos as mañás á formación e traballos de bioconstrución, contando con colaboradores como Guido Tomasini para o emprego de barro ou o Pintor de Quins para aplicación de pinturas naturais.

Completaremos o programa con outros temas relacionados coa conservación do patrimonio, etnografía, xestión sustentable do monte, etc., con roteiros, obradoiros, e moitas outras actividades de animación e lecer.

Os/as participantes tamén terán a oportunidade de coñecer a costa galega, outros xeitos de ocupar e construir segundo o clima e materiais. Visitaremos tamén a cidade de Ourense, a través dunha visita guiada polo casco histórico e rematando nas termas, gracias á colaboración da Concellería de Turismo, Industria, Comercio e Termalismo do Concello de Ourense.

• Na fin de semana do 17-19 de xuño aprendimos a recoñecer as especies de anfibios e reptís da Serra de San Mamede, construindo un refuxio somentes de pedras con ramas. Pinchade para ver as fotografías.

• Na fin de semana do 24-26, a actividade de sensibilización sobre a xestión forestal sostible completouse coa explicación e inicio dun asentamento de formigueiros como medida de control biolóxico e mellora da biodiversidade do monte. Tamén tedes dispoñibles as fotos das actividades.

Coñecer o noso contorno é o primeiro paso para amalo e conservalo. Agradecemos a Alberto Ribero e Xosé Santos a súa colaboración para achegarnos un pouco mais a esta finalidade!

Esta modalidade artística, trata de pór en relación directa ao ser humano co seu contorno e coa natureza, considerando que a obra de arte debe estar ao alcance de todos, como un elemento paixístico máis, e disfrutándoo do mesmo xeito que dunha montaña, dunha cala costeira o dun bosque de árbores centenarias.

O programa de Voluntariado Ambiental en Espazos Naturais continuará durante o vindeiro mes de xuño en As Corcerizas (do 17 ao 19, e do 24 ao 26). Todos os voluntarios e voluntarias que estean dispostos a colaborar neste proxecto poden inscribirse a través do formulario de inscrición da web de voluntariadogalego.org da Xunta, ou chamando ao Teléfono Solidario 900 400800.

Un programa de formación e sensibilización en materia de patrimonio natural galego, que ten por obxecto promover o voluntariado a través de actividades de educación ambiental encamiñadas á conservación, recuperación, sostibilidade e divulgación dos valores de distintos espazos naturais de Galicia.

ACTIVIDADES A DESENVOLVER:

Revexetación dunha das balsas do filtro de depuración biolóxica
Creación de refuxios para anfibios e reptis
Restauración e recuperación ambiental de regueiros
Consolidación de pequenos taludes e recuperación da flora preexistente
Acondicionamento e creación dun bosque comestible
Actividades de identificación e conservación de rastros e sinais de fauna
Restauración dos prados pastizais naturais
Fabricación e colocación de comedeiros e caixas niño para aves e morcegos
Formación Xurídico Ambiental
Roteiros pola Serra
….

DATAS E LUGAR DE REALIZACIÓN NA SERRA DE SAN MAMEDE:
Abril: do 29 ao 1 maio.
Maio: do 13 ao 15.
Xuño: do 17 ao 19, e do 24 ao 26.
Cada quenda contará cun máximo de 25 persoas voluntarias.

As actividades e estancia desenvolveranse no entorno do Centro de Educación Ambiental As Corcerizas

O PROGRAMA INCLÚE:
- Aloxamento e pensión completa en albergue.
- Programa de actividades e equipo educativo
- Seguro de accidentes e de responsabilidade civil.
- O desprazamento ata o albergue será por conta dos participantes.

CONDICIÓNS XERAIS:
Poderán participar no programa voluntarios e voluntarias que teñan cumpridos os 18 anos no momento da súa participación.
Deberán levar os útiles de aseo persoal, toallas, chancletas para a ducha, roupa cómoda, roupa de abrigo e de auga, botas de montaña, calzado deportivo e lanterna. Obrigatorio levar saco de durmir.

INFORMACIÓN E INSCRICIÓNS
Todos os voluntarios e voluntarias que estean dispostos a colaborar neste proxecto poden inscribirse a través do formulario de inscrición da web de voluntariadogalego.org da Xunta, ou chamando ao Teléfono Solidario 900400800.

Este programa é un proxecto de educación ambiental multidisciplinar posto en marcha pola Dirección Xeral de Xuventude e Voluntariado, e pola Dirección Xeral de Conservación da Natureza; na Serra de San Mamede (Macizo Central Ourensán) e na Baixa Limia (Serra do Xurés)

Apostemos en primeiro lugar pola redución de enerxía e despois pola mellora dos procesos, a reutilización, a reciclaxe e a reorientación da produción cara a produtos menos intensivos en enerxía, con maior valor engadido, menos contaminantes, xeradores de emprego e socialmente útiles. Ademais, os/as consumidores/as, podemos mellorar a eficiencia enerxética dos nosos fogares aplicando unha serie de pequenas medidas no referente ao uso racional da calefacción, os electrodomésticos do fogar, etc…

As Corcerizas non é unha utopía, é a aposta feita realidade dun modelo máis coherente onde podes experimentar a viabilidade de todas estas medidas. Reflexiona e actúa!

Infórmate e asina ti tamén o manifesto, por unha sociedade máis respectuosa co medio, xusta e solidaria.

Ao longo da xornada realizaremos un obradoiro de cartografía-orientación. Plantaremos árbores nunha zona degradada, faremos a interpretación dos ecosistemas que acubilla a Serra.

E remataremos o día cun tradicional magosto en As Corcerizas. Castañas, música tradicional,lendas e contos…

Datos prácticos:

O prezo de toda a xornada será de 10 Euros, con todos os gastos incluidos.

Data límite para inscribirse: 10 de novembro.

De Ourense sairá un autobús ás 9:00h da mañá desde o Parque San Lázaro.

Sairemos ás 10 da mañá do Albergue das Corcerizas ata a Fonte do Santo (nascente do Río Arnoia), chegaremos ata o cúmio da serra-Capela do San Mamede (1618 metros) con vistas ás montañas máis altas de Galicia, serras de Portugal, Val do Limia, Val de Monterrei, Terra de Caldelas…baixaremos ata o Bidueiral (unha das épocas do ano onde esta fraga de alta montaña está máis bonita) pasearemos polo Bidueiral e voltaremos polo camiño que leva a Peneda da Lebre (vistas do Val do Medo-Maceda, Cabeza de Meda, serras do Faro, A Martiñá, A Madanela, Faro de Avión, Val do Sil, Val do Miño…).

Máis información en cada unha das asociacións, en Amigos da Terra 988 374318 ou en info@ascorcerizas.com.

ORGANIZA: Amigos da Terra, C.D.R. EIRADA de Parada de Outeiro, Asoc. Veciñal SAN BREIXO de Seixalbo



A interpretación dos diferentes rastros e sinais atopados, nos dará a información sobre comportamentos, perigos, hábitos alimentarios ou territorialidade dalgunhas das especies que forman parte dun ecosistema. Para iso, nestas xornadas introduciremos as novas tecnoloxías, utilizadas nos últimos anos como un dos principais eixes da investigación e o desenvolvemento.

Amigos da Terra convídavos a participar nas III Xornada de Rastros e Sinais da Fauna o día 23 e 24 de outubro no Centro de Educación Ambiental As Corcerizas.

Se ademais queredes aproveitar a fin de semana na Serra San Mamede, ofrecemos servizo de albergue o venres pola noite.
Contidos das xornadas:
·  Bioloxía e conservación do lobo e do teixugo.

·  Mécanismos non invasivos para o muestreo.

·  Novas tecnoloxías para o estudio de especies esquivas.

·  Saídas de campo prácticas con identificación in situ de rastros.

Non esquezades:
· Guía de campo.

· Lanternas e/ou frontais.

· Roupa de abrigo.

· Xantar para a ruta do sábado, cea, e almorzo para o domingo.

Lugar e Horarios:
·   23 e 24 de outubro con inicio da xornada ás 10:00 da mañá do sábado.

Inscricións:
·   Nº de prazas limitadas

·   Prezo das xornadas de Rastros e Sinais da Fauna: 25 € e 20 € para socios/as.

ficha de inscricion

ficha de inscricion

Pronto teredes máis información sobre as entidades e persoas que colaborarán con Amigos da Terra neste proxecto e enriquecerán a aprendizaxe.

Contidos

Ficha de inscricion en formato odt

Ficha de inscricion en formato doc

Amigos da Terra

Ao longo destes 10 días desfrutaremos dun programa variado de formación, animación, lecer, convivencia e participación, á vez que colaboramos cun proxecto no que podemos demostrar outros modelos de desenvolvemento máis respetuosos co medio que compartimos.

O encontro terá lugar en As Corcerizas, proxecto pioneiro no emprego destas técnicas como exemplo que demostra a súa realidade.

Datas: 20-29 Agosto
Prezo: 70 € (inclúe aloxamento e manutención baseada en alimentos procedentes de agricultura ecolóxica e local)
Requisitos: ser maior de idade e ter ganas de vivir unha nova experiencia.
As prazas son limitadas.
Máis información, programa de actividades e inscrición:
Amigos da Terra 988 374 318; info@ascorcerizas.com

Este curso pretende poñer en valor as ideas e capacidades dos monitores/as, reforzando o papel como educadores/as e nutrindo a vía para a profesionalización do sector do ocio e tempo de lecer.

A educación ambiental é unha ferramenta básica para os/as directores/as e monitores/as de ocio e tempo de lecer, pois son potenciais transmisores/as de aptitudes, coñecemento e valores, producindo nos seus receptores cambios actitudinais que lles fagan ser máis respectuosos co medio, xustos, críticos e conscientes das súas actuacións.

Obxectivos

• Adquirir coñecementos, aptitudes e ferramentas para incorporar a compoñente ambiental nas actividades de animación e programas de ocio e lecer.
• Aportar ferramentas para a realización de obradoiros ambientais en campamentos.
• Capacitar para a creación de recursos didácticos empregados nas actividades de educación ambiental.
• Achegar estratexias e ferramentas para o guiado de grupos nunha ruta ambiental.

Contidos

Bloque 1

• Bases metodolóxicas da educación ambiental.
• O papel do/a monitor/a de ocio e tempo de lecer como educador/a ambiental.
• Estratexias básicas de comunicación.
• Deseño de recursos e materiais.
• Modalidades e técnicas de avaliación.

Bloque 2

• Recursos prácticos para a educación ambiental.
• Actividades en equipamentos de Educación Ambiental. Novas visións.
• Actividades nun entorno natural. Prevención e protección no guiado de grupos.
• Realización de casos prácticos. Análise e debate.

Metodoloxía

Os fundamentos teóricos levaranse a cabo a través de actividades de participación e debate, seguido de aplicacións prácticas. Para elo aproveitaremos os recursos do equipamento de educación ambiental.

Datas e Localidade

Datas: 29 e 30 de maio de 2010

Horario: posibilidade de chegada o venres a partir das 20.00h e saída o domingo ás 19.00h

O curso dará comezo o sábado 29 ás 9.30h e rematará o domingo 30 ás 19.00h

Lugar: Centro de Educación Ambiental As Corcerizas. Serra de San Mamede – Vilar de Barrio, Ourense.

Reservas: Dirección Xeral de Xuventude e Voluntariado: 981545696 / 981544735 ou na dirección de correo electrónico: subdireccion.programas@xunta.es

Prazas limitadas

Este curso pretende poñer en valor as ideas e capacidades dos monitores/as, reforzando o papel como educadores/as e nutrindo a vía para a profesionalización do sector do ocio e tempo de lecer.

A educación ambiental é unha ferramenta básica para os/as directores/as e monitores/as de ocio e tempo de lecer, pois son potenciais transmisores/as de aptitudes, coñecemento e valores, producindo nos seus receptores cambios actitudinais que lles fagan ser máis respectuosos co medio, xustos, críticos e conscientes das súas actuacións.

Obxectivos

• Adquirir coñecementos, aptitudes e ferramentas para incorporar a compoñente ambiental nas actividades de animación e programas de ocio e lecer.
• Aportar ferramentas para a realización de obradoiros ambientais en campamentos.
• Capacitar para a creación de recursos didácticos empregados nas actividades de educación ambiental.
• Achegar estratexias e ferramentas para o guiado de grupos nunha ruta ambiental.

Contidos

Bloque 1

• Bases metodolóxicas da educación ambiental.
• O papel do/a monitor/a de ocio e tempo de lecer como educador/a ambiental.
• Estratexias básicas de comunicación.
• Deseño de recursos e materiais.
• Modalidades e técnicas de avaliación.

Bloque 2

• Recursos prácticos para a educación ambiental.
• Actividades en equipamentos de Educación Ambiental. Novas visións.
• Actividades nun entorno natural. Prevención e protección no guiado de grupos.
• Realización de casos prácticos. Análise e debate.

Metodoloxía

Os fundamentos teóricos levaranse a cabo a través de actividades de participación e debate, seguido de aplicacións prácticas. Para elo aproveitaremos os recursos do equipamento de educación ambiental.

Datas e Localidade

Datas: 29 e 30 de maio de 2010

Horario: posibilidade de chegada o venres a partir das 20.00h e saída o domingo ás 19.00h

O curso dará comezo o sábado 29 ás 9.30h e rematará o domingo 30 ás 19.00h

Lugar: Centro de Educación Ambiental As Corcerizas. Serra de San Mamede – Vilar de Barrio, Ourense.

Reservas: Dirección Xeral de Xuventude e Voluntariado: 981545696 / 981544735 ou na dirección de correo electrónico: subdireccion.programas@xunta.es

Prazas limitadas