2014obradoiro_pinturas_naturais

O 18 de outubro levaremos a cabo un obradoiro no que coñeceremos as vantaxes do emprego de pinturas e vernices naturais: transpirables, regulan a humidade e están libres de sustancias nocivas. A súa elaboración é respetuosa co medio, tanto na produción como na reciclaxe de materias primas e embalaxes. Unha alternativa ás convencionais que supoñen un risco para a saúde polas sustancias canceríxenas e a emisión de gases tóxicos.

Imparte a formación o especialista Alexandre Domínguez, coñecido como Pintor de Quins e promotor da empresa Decologic

Consulta os horarios, contidos e actividades complementarias da xornada!

Durante a mañá, de 10h. a 14h., trataremos os seguintes contidos:

INTRODUCIÓN E CONTEXTO:

  • Por que pinturas e vernices naturais?
  • Beneficios do seu emprego
  • O etiquetado e confusións frecuentes

PINTURAS E ACEITES NATURAIS:

  • Propiedades
  • Tipos e compoñentes (ligantes, disolventes, aditivos e pigmentos)
  • Aplicacións (sobre diferentes superficies e materiais, en interior, exterior, etc.)
  • Obradoiro práctico

Pola tarde, de 16h. a 19h. continuaremos cun OBRADOIRO DE AUTOCONSTRUCIÓN; participando na elaboración de morteiros, aplicación de revocos e manexo de materiais de bioconstrución. Tomando como referencia os criterios que se desenvolven en As Corcerizas, a través da visita ás instalacións.

TARIFAS:

  • Obradoiro de pinturas e autoconstrución: 35€; para socios/as de Amigos da Terra 30€
  • Fin de semana en As Corcerizas: 50€ inclúe as actividades e aloxamento no albergue

INSCRIBIRSE: envía un correo a info@ascorcerizas.com