180513_curso_intelixencia_emocional

Para todas as persoas e colectivos que queirades reflexionar e aprender conceptos e técnicas relacionadas coa comunicación asertiva e a mellora das relacións, presentamos este curso a desenvolver o 25 e 26 de maio en As Corcerizas. Cun clima grupal cómodo e lúdico, traballaremos a comunicación verbal e non verbal, as habilidades comunicativas e resolución de conflictos, tanto para o ámbito persoal como profesional.

Fomentar a autoestima, a motivación e o benestar; coñecer ferramentas para a expresión e xestión das emocións; entrenar a autoafirmación e a empatía; ou coñecer o “continuo” entre a restricción total e a necesidade de poñernos límites, son algúns dos obxectivos. Neste momento de cambio temos a oportunidade de reconciliarnos con nós mesmas, soltar amarras e aprender a cooperar e xuntar forzas! [PROGRAMA ENTENDÉMONOS]

A metodoloxía para lograr os obxectivos marcados é completamente participativa, mediante dinámicas grupais, exercicios reflexivos e casuísticas propias expostas tanto polas docentes como polas persoas participantes.

A metodoloxía será o instrumento para acadar as metas deseñadas para cada módulo: “eu-ti-nos”

O prezo é de 50€ para socios/as de Amigos da Terra e 60€ para o resto de participantes, incluindo o aloxamento. O curso non está financiado, e inclúe a matrícula, materiais e aloxamento no albergue de As Corcerizas.

A inscrición poderá facerse ata o mércores 22 de maio ás 12h.

Envía un correo coa ficha cuberta a info@ascorcerizas.com e contactaremos contigo.