O pasado 25 de outubro, Amigos da Terra levou a cabo con gran éxito as “II Xornadas de Micoloxía e boas prácticas no monte”. Nesta ocasión, contamos coa colaboración de Martín Souto Souto do Departamento de Botánica da Universidade de Santiago de Compostela e experto en micoloxía, que nos introduciu no marabilloso e amplo mundo da micoloxía. Na xornada abordamos dende a identificación e recoñecemento dos cogomelos ata a conservación destas especies e dos seus hábitats.


Despois dunha breve introdución teórica, tivo lugar a parte práctica cunha saída ao monte para identificar as setas e os fungos da serra, desde os máis atractivos para a nosa gastronomía ata os máis perigosos e tóxicos, pudendo incluso recoller algúns exemplares para levar a casa.

Os/as participantes, puideron aprender e adquirir os coñecementos necesarios para as súas futuras saídas micolóxicas ao mesmo tempo que descansaron e gozaron dun día de outono ao aire libre en plena serra.