Encontro de Soberanía Alimentaria. Alternativas locais para un cambio global

260914seminario_soberania_alimentaria_webA relación que temos cos alimentos e a forma na que os producimos está sometida a presións crecentes. Como resultado, a agricultura a pequena escala está sendo reemplazada por unha a gran escala, creada por agro-empresas transnacionais. Con este encontro en As Corcerizas, do 26 ao 28 de setembro, pretendemos participar na construción de pontes entre a xente e os seus alimentos:

A AGRO-INDUSTRIA E AS SÚAS REPERCUSIÓNS: unha visión global sobre a realidade dos transxénicos; o acaparamento de terras; e o novo asalto da globalización económica: os tratados de libre comercio. Informándonos sobre as consecuencias ambientais e nas comunidades, e debatindo para acadar propostas.

DA HORTA AO PRATO. Obradoiro de Cociña EcoLóxica: alternativas prácticas para un cambio global.

Consulta os contidos, horarios e tarifas aquí: PROGRAMA SOBERANÍA ALIMENTARIA AS CORCERIZAS

Ler mais…

Coñece o Bidueiral de Montederramo! roteiro guiado pola “fraga das damas brancas”

140914_roteiro_bidueiralAmigos da Terra convídavos a participar nun roteiro interpretativo por unha das fragas mellor conservadas de Galicia, o Bidueiral de Montederramo. Propoñemos un programa de actividades para a fin de semana do 13-14 de setembro, gratuíto, aberto á participación!:

Sábado-10.30h a 19.30h. Saída ao Bidueiral de Montederramo: disfrutaremos dun bosque de especies autóctonas, coñecendo os seus usos tradicionais e mediciñais nas poboacións próximas; e o alto valor ecolóxico deste espazo como sumideiro de CO2.

Domingo-10.30h. a 13.30h. Visita As Corcerizas e voluntariado: se non coñeces o proxecto achégate a visitar os recursos do centro.

Apúntate! envia un correo a info@ascorcerizas.com e porémonos en contacto contigo.

Na defensa dos nosos montes!

250814_voluntariado_forestal

Logo da dramática desfeita que os lumes produciron estes últimos anos nos montes e ecosistemas galegos, dende Amigos da Terra levamos a cabo labores continuadas de recuperación e sensibilización con persoas voluntarias na Serra de San Mamede.

Nesta campaña integráronse tamén as accións de defensa contra os incendios forestais do programa de voluntariado ambiental que pon en marcha a Xunta de Galicia, no que participamos neste verán.

En periodos de 1 semana, durante 4 quendas puideron achegarse 24 persoas, ás que agradecemos a súa participación, interese e esforzo en preservar e mellorar este espazo natural, así como o apoio recibido ao proxecto educativo que alí se desenvolve. GALERÍA DE FOTOGRAFÍAS DO PROGRAMA Continuaremos na defensa dos nosos montes!

Remata o Campo de traballo internacional de bioconstrución!

campo_de_trabajo_ascorcerizas_2014_brais_palmásO pasado 12 de agosto finalizou o campo de traballo internacional de bioconstrución e autoconstrución en As Corcerizas. Ao longo de doce xornadas, mozas de seis nacionalidades diferentes aprenderon a deseñar e construir seguindo os principios da construción sostible.

O programa completouse con charlas informativas sobre o sistema alimentario convencional, a mediciña alopática e o presente modelo enerxético. E para coñecer as alternativas propuxemos diversos obradoiros de cosmética natural, velas e xabóns veganos, elaboración de pan, de marmelos e cervexa artesanal. Aquí algunhas FOTOGRAFÍAS das xornadas.

Ler mais…

Continúan as accións de voluntariado forestal

Da comezo a terceira semana2014voluntariado_forestal de voluntariado ambiental para a defensa contra incendios, con diversidade de actividades forestais na contorna da Serra de San Mamede!

Nas pasadas quendas, as/os participantes puideron coñecer e comprender a problemática dos lumes na montaña, interactuar cos axentes implicados e colaborar na súa prevención coa vixianza a través de roteiros e na mellora do ecosistema. Nos tempos libres aproveitaron a experiencia do equipo de As Corcerizas para coñecer alternativas como o funcionamento das enerxías renovables; así como obradoiros e actividades de debate e reflexión.

Non perdades a oportunidade de apuntarvos para a última semana do programa en As Corcerizas!

Do 18 ao 22 de agosto, cubrindo este FORMULARIO

Voluntariado Ambiental en As Corcerizas, participa!

2014voluntariado_ambiental_veranComezamos co programa de prevención contra os incendios forestais na Serra de San Mamede! Dende Amigos da Terra animámosvos a participar na defensa dos nosos bosques e a colaborar na mellora do ecosistema forestal próximo a As Corcerizas, en estancias gratuítas dunha semana durante os meses de xullo e agosto.

Combinaremos accións directas no monte para a súa recuperación, restauración de zonas afectadas polos lumes, roteiros de vixianza e coñecemento do medio, obradoiros ambientais, debates, videos, dinámicas grupais, etc.; nun ambiente lúdico e participativo.

Apúntate xa a esta primeira semana! do 30 de xuño ao 4 de xullo, neste FORMULARIO DE PARTICIPACIÓN

Máis datas en As Corcerizas: 7 a 11 e 14 a 18 de xullo; 18 a 22 de agosto

Apúntate ao Ecoactivismo vertical!

ecoactivismo_vertical_280614cursoO 28 e 29 de xuño levaremos a cabo unha formación que nos achegará a diferentes técnicas para levar a cabo accións en defensa do medio ambiente:

Na xornada do sábado coñeceremos posibles métodos de ascenso e descenso a árbores, cómo establecernos nelas de forma cómoda e segura durante o tempo necesario para a nosa vixianza contra incendios, avistamentos ou calquera acción que o requira. Coñeceremos medidas de seguridade, familiarizándonos co material e métodos para asegurar o éxito das nosas accións.

Na mañá do domingo practicaremos sobre infraestructuras e edificacións, prestando especial atención aos sistemas de anclaxe, técnicas de rappel e colocación de elementos. Actívate na defensa do medio ambiente!

Ler mais…

Finaliza con éxito a I edición do programa escolar: Reduce a pegada de carbono!

escolares_IES_Anxel_Fole

As Corcerizas é un exemplo de aplicación de criterios de redución de emisións. A través do premio Fondo de Sustentabilidade, incorporaronse novos recursos para continuar minimizando a pegada de carbono, como a instalación dun pequeno eólico e a construción de muros radiantes para a calefacción. 
Neste marco Amigos da Terra convidou a 8 centros escolares a unha xornada didáctica, na que as/os participantes analizaron as principais fontes de emisións de CO2, a nosa relación coa produción e a capacidade que temos para influir na súa redución.
Agradecemos aos centros a súa participación e dinamismo! 
Aquí unha presentación das FOTOGRAFÍAS DAS XORNADAS

As Corcerizas no Salón da Construción: alternativa ás compañías eléctricas

AGAENAmigos da Terra presenta as alternativas que ofrece o seu proxecto de As Corcerizas para un cambio de modelo enerxético no Salón da Construción de Galicia SICO 2014.

Será o xóves 5 de xuño ás 18h., no marco das xornadas técnicas organizadas por AGAEN, Cluster Galego do Autoconsumo Enerxético; entidade que aboga polo autoconsumo enerxético e a xeneración distribuida de electricidade. As Xornadas contarán con especialistas en enerxías renovables, bioconstrución, técnicas de eficiencia enerxética, empleo de cámaras termográficas para detectar fallos de illamento, etc. MAIS INFORMACIÓN

As Corcerizas, un reto en constante evolución

premioAsCorcerizas

As Corcerizas é un reto, un proxecto transformador no que Amigos da Terra fixo unha aposta por demostrar que as utopías non só poden ser unha realidade, senon que esa realidade se fixera físicamente exemplar, pois non hai mellor xeito que facer para despois poder falar. Corcerizas nace e desenvolve o seu proxecto co reto de demostrar a viabilidade e importancia de poñer en práctica un proxecto educativo cun equipamento en total coherencia socioambiental, e impulsar o desenvolvemento de novos modelos de sustentabilidade.

Os principais ingredientes que convertiron en realidade esta iniciativa, agora recoñecida internacionalmente, siguen evolucionando viva e dinámicamente como a propia natureza na que está asentada.

Ler mais…